منقولة
النَصِيــٍبً
الحلقه 36
خشيت للمدارج وانا نرعش وجاء الدكتور وزعو علينا الامتحان وكان عكس ماتوقعت مش واعر كويس لي حد ما حليت كله وكنت راضيه عن الحل امتاعي طلعت من مدرج ونشوف مصبي قدامي
فراس ....
مصبي قدامي كأنه يستنـا في حد ^^
اول ماشافني جــاني يجــري كان باين يهبل حاط نظرات ع عيونه ولابس تيشـرت دمـي وجينز اسود وجاكه لونها رصاصي منظره يهبل اللون الدمي لما يلبسه يبـان يهبل بكل فيه
فراس "شن صـار طمنيني عليك
من بدري وانا نستنـا
انا " ساكته ونبحت فيه
فراس" ماتقوليش جاء واعر حليتي ولالا
انا " :( :( :(
فراس " نحكـي معاكي انا ردي
ساقطه فيها يعني
انا" ساقطه عينك حليته كله
فراس" خبطني ع كتفي
انا "أستغربت
فراس" تعرفي مبردك من بدري مصبي ونستنا فيكي نحسابك
ماحليتيش وطالعه قالبه وجك
انا "شويه اكشن يمشي الجو
فراس" باهي قوليلي تمام تمام ولا نص ونص
انا" عيب عليك ي راجل لوز لوز
فراس "شن دوت الشباب هذي
انا" من عاشر قوما اربعين يوما صار منهن
فراس " والله عبدالله طالق فيك طلقه شينه
أنا " خويـا اكيد نبي نطلع كيفه
فراس" الله يربحك اطلعي كيف نادر وفوتي عبدالله
انا" هههههههههههه باهي من امتي تستني
فراس" من اول ماخشيتي هنا
انا "معقوله :/ ماشفتكش
ومحاضراتك
فراس "انا منبيكش تشوفيني ماهو مش حتحلي بعدها
انا" وعليش
فراس" ماهو تقعدي تسرحي فيا وتنسي الامتحان بكل
انا "حسيت روحي مصبيه مع توم كروز ومش عارفه
فراس" صقع عليك
وحط يده في جيب الجــاكه وطلع شوكلاته ومدها ليا
انا" شنو هذي
فراس" مش شورك امتاعي انا امسكيها انتي بس
انا "حسيته زلطني بكل قريب بكيت
فراس " نبصر هذي لكي
انا" وعليش
فراس " كل ماتحلي كويس في الامتحان عندي لكي مني شوكلاته
انا" الله خلاص جيبهن كلهن من توه
بس كيف عرفت اني نحـب كــنــدر
فراس" احساسي
انا "اممم احساسك صــح
فراس" بكره ماعندكش صاح
انا "اها عندي بعدو بكره :/
فراس" نبي نقولك بعد خطـرها
ماكملش دوته الا وطب علينا سي محمود :/
محمود " واللهي حاطين فيكي ثقه ديرتلنا قرون والاستاذ هذا من زمان مش متريحله بكل
انا" استغربت من كلامه
فراس "الزم احدودكـ تمــام خير
ولا نعلمك كيف تحترم الناس
محمود "العيب مش فيك العيب في خلاك رفيقه وامنك ع هلك وجاء مسكني من يدي ويكر فيا
انا " اطلق يدي ماتلمسنيـش
محمود" اصلك تبي تنحلي انتي
انا" احترم روحك لما تحكي معايا مش كان سكتلك من قبل معناها خلاص محمود فوتني يكون احسن متخلينش نوصل الكلام لي عبدالله وانت عارف شن يدير مش حنسكت انا فاهم
مش حنخاف منك
فراس " يبحت ومنصدم مش فاهم ع شنو نحكي
محمود " ماهو كان خوتك طالقينك ع حل شعرك انا منقدرش نشوف الانحلال هذا ونسكت
انا " اقسم بالله ي محمود كان متخطاني يصير فيها موضوع تاني ومن سمحلك انت اصلا بيش تدخل في حيـاتي امغير ربي روحك قبل بعدها تعال احكي عليا انا
محمود" وكان وصل الموضوع لي عبدالله تو نشوفو شن يصير
فراس" سيبها وامشي احكي لي عبدالله شن حقيتنا انديرو
انا" اعلي مافي خيلك اركبه مش خايفه مدرتش غلط انا
محمود " تو نتحاسبو
فراس " قرب منه شن تبي دير يعني
محمود " نقتلك
فراس" تفضل هيا ولا انت دوه بس
محمود " قرب من فراس وقعدو يـتعـاركوا
انا "فراس وراسي فوته هذا مريض
ع جيــت محمد ومعاه عبدالله وموده وهنا كمـــلت
جو يجرو وقعدو يحزو فيــها
فراس "اطلقونــي نربيه
عبدالله "فراس خلاص
كنكم شن صاير
محمود "واللهي اسأل صـاحبك :/
عبدالله " فراس شن صاير
فراس" حقير تعرف وديني نربيك
محمد " ي جماعه قاعدين في جامعة
انا " قعدت نبكي لانه فراس كان خشمة دم والله تمنيت انه محمود مات اللحظه هذي
عبدالله " احكي ي بيسان شن صاير
فراس "بحت فيا وينفص نظام ماتحكي شي
انا" بس مابيتش نسكـت قلت بلكي يديرله حد عبدالله
محمد "بطلي بكاء ي بيسو وفهمينا
انا " انا طلعت من امتحاني لقيـت فراس بره جيت نسال فيه ع عبدالله جاء محمود وقعد يهزب ويغلط في الكلام
عبدالله " نعم شن قال
محمود " قلت الحق كان انتي مطلوقه ع حل شعرك انا نربيك
فراس" زقب فوقه اخره
وعبدالله حتي هو قعد يضرب فيه
ومحمد في النص يحز مسكين ديما يقولو الحزاز ديما واكلها
حتي هو حصل كم ضربه
لين جو امتاع الامن وحزوها
عبدالله " تعرف ي محمود من لحظه هذي معش تحكي معايا فاهم وماتغلطش في اختي ونسكتلك
محمود " صبي مع الغريب وسيب ولد عمتك
عبدالله " بعد يقعد ولد عمتي واطي وحقير يقعد الغريب احسن منه مليون مره
وفراس هذا خويا فاهم
محمد كر محمود ومشت معاهم وموده ومشو للباركن
فراس" يبحت فيا ومسح في الدم الي ع وجه
عبدالله " سامحناا
فراس " ماتقولش هكي انا طالع
عبدالله "هيا انتي لخره
ويفنص
فراس" البنت مادخلهاش :/
عبدالله "فاهم هيـا باهي
مشيــنا للباركن ولقينه محمود ومحمد مصبين قدام السياره ويحكو عبدالله كشخ عليه وركبنا السياره وفراس حرق السياره وطلع قبلنا
عبدالله " كيف صار الموضوع
انا" هذا الي صار هو بهيــم وعقله ديـما فاضي ويفكر تفكير غلط بكل
عبدالله " شكله صاير موضوع من ورايا
انا" خفت نحكيله شفت تو لما صار موضوع كيف هذا كيف تعارك معاه كان نقوله انه محمود قال ع اختك انها مش تمام وكلام الي قاله احتمال يذبحه من دون قبله
عبدالله " احكي
انا" هو ديما هكي حركاته كلامه ديما يحب يدخل
عبدالله " من امتي
انا" من اول ماجيت هنا
عبدالله "وساكته
انا" اها
عبدالله " تعرفي دوه معاه معش تحكي وركب معاه في سياره مافيش وحتي مشي حوش عمتي انسي ليا
انا "حاضر بس اسفه انا مش قصدي يصير هكي بكل
انت عارفني انا منديرش غلط مهما صار خليك حاط ثقه فيا انتي مستحيل نخونك هذا الي صار بس وهو فراس سألني ع امتحاني حليت بس وحكيت معاه عادي
عبدالله " بطلي بكاء عارف فراس كويس انا
انا" ومش عارف اختك يعني
عبدالله " عارفك وبطلي بكاء هو وحسابه معايا
انا" خلاص فوته بلا مشــاكل مش وقتها
عبدالله " تمام خلاص انزلي
انا" اوعدني ماتعركش امعاه اخره
عبدالله "تمام
انا" وراس ليلي
عبدالله "فهمنا الزح
انا "نزلت وخشيت للحوش لقيت سهي وخيريه في المطبخ
انا "خير
خيريه " جتني تجـري
كنك شن فيه حليتي كويس
انا" اها حليت تمام
سهي " ليش تبكي
انا "لا مانبكيش
سهي " والدموع هذينا
انا "لا مغير فرحانه لاني حليت الامتحان
خيريه " ي بنتي ماكملنش دموعك ونزحن :/
خوفتيني عليك
أنا " ماتخافيش
خيريه " خشي تريحي وتو نوضك ع غداء
انا "لالا خليني نرقد بعد نوض تو نتغذاء
سهي "خلاص خليها براحتها ي عميمه
خيريه " راه ديرتلك بشمايل
انا" خلاص بعد نوض تو ناكل
خيريه " تمام خشي
خشيت دوشت وكملتها بكاء مش عارفه ليش بكيت خفت عليه خفت عليه تصيرله حاجه بسببي انا هو مدخلش انه يتعارك مع ولد عمتي علشاني عرفت من لحظتها انه فراس يحبني ومايتحملش حد يقول عليا حاجه حسيت عندي سند في الدنيا راجل يخاف عليــا يحبني ^^ حطيت راسي ع مخده واستسلمت للنوم
