أحببت معقدة / كاملة

الفصل الخامس

الفصل الخامس من #أحببت_معقدة
بقلم #fatma_taha_sultan

________

أذكروا الله

_________

على لسان هدير

صعبت عليا نفسي لما اتهانت بالشكل ده، اليوم ده فضل معلم فيا لسنين طويلة وكان السبب إني امشي في طريق مختلف تمامًا حتي لو كان الطريق ده غلط انا كنت راضية بيه كفايا اني كنت عايزه انسي هدير بالعُقد اللي فيها.....

و انسي هدير الضعيفة حتي لو لمده ساعات في الخفي عايزه انسي أنا مين ودأني بقيت شخص تاني

_____________

لم تجد هدير نفسها غير وهي تضع يدها علي وجهها في حضن عمتها التي تصرخ في وجه أخيها..

تحدثت هاجر بغضب شديد جدا:

- انتَ اتجننت ولا ايه يا حسني؟!

غمعم وليد رغم اشتعاله بسبب أحاديث الناس ولكنه لم يتوقع أن يثور أبيه لهذه الدرجة ويصفعها...

- ايه يا بابا اللي عملته ده؟!

قال حسني بغضب بنبرة صارخة:

- ولا حد فيكم ينطق بكلمة كفايا قلة أدب ومسخرة، الهانم رايحه جاية مع البيه والشباب يتخانقوا في الشارع علشانها وسيرتنا تبقي علي كل لسان مهو العيب مش عليكي العيب علي اللي ربتك ما أنتِ تربيه ست.

غمغمت هاجر بغضب وحدة:

- حسني حاسب علي كلامك كل اللي حصل أنه ...

قاطعها حسني قائلا:

- مسمعش صوتك يا هاجر مش فالحو غير تديني دروس في الأخلاق وكلام زي السم في الطالعة والنازلة علشان اخوكي، كان فين لسانك وفين الدين والشرع والأصول اللي بتتكلمي عليها؟! وأنتِ سيباها رايحة جاية معاه وداخل طالع عليكم، كان عقلك فين اللي شايفة أن محدش يعرف في الأصول غيرك، أنتِ هتكبري وتخرفي؟!، اتحملتي مسؤوليتها علشان تربيها ولا علشان تسبيها دايرة علي حل شعرها ؟!

أردف وليد رغم شعزره بالغضب لكن كلمات والده قاسية خصوصا علي عمته فهو يحترمها.

- خلاص يا بابا عمتو .....

قاطع حسني ابنه بنبرة غاضبة:

- اسكت أنتَ كمان أيه عاجبك؟! لما كنا داخلين الشارع ألاقي البيه ماسك في واحد صايع تاني ضرب والناس ملمومة وأعرف أن الخناقة على بنت اخويا اللي احنا مش عارفين نحكم عليها بقالنا أكتر من خمسين سنة في الشارع ده والناس عارفين أحنا مين، واحدة زيك عيلة لا راحت ولا جت تطلعنا كلنا بقرون؟!!!!!!!