[music in media]
ဒီနေ့ရဲ့ လေထုကသာသာယာယာ။ ထိန်ထိန်ညီးတဲ့နေလုံးကို တိမ်တိုက်တွေကအပြည့်အဝဖုံးအုပ်ထားလို့ ညို့မှိုင်းမှိုင်း။ အိမ်ကအဘိုးနဲ့အဘွားက မနက်တိုင်းဒီအချိန်ဆို ခြံထဲမှာလမ်းလျှောက်နေကျ။ သစ်ပင်ပန်းမန်တွေ စိုက်ပျိုးထားတဲ့ခြံဝန်းလေးက လန်းဆန်းဖွယ်ရာဖြစ်သည်။
ဘတ်ခ်ဟျွန်းက မနက်စာကို ကန်တင်းမှာစားနေကျမို့ သူမနက်ဆို ၇ နာရီမှအိပ်ရာအမြဲထသည်။ အိမ်တံခါးပိတ်ပြီးထွက်လာတဲ့ ဘတ်ခ်ဟျွန်းကိုယ်မှာ ဒီနေ့တော့ Baby Blue Color ရှပ်လက်ရှည်နဲ့ ထပ်ပြီး Baby Blue Color ဂျင်းဘောင်းဘီရှည်ကို ဆင်မြန်းထားတာမို့ ပြင်ပရာသီဥတုနဲ့ တော်တော်လေးပနံတင့်ပြီးလိုက်ဖက်နေသည်။
အရှိန်မပြတ်ဖြတ်တိုက်သွားတဲ့ ခြောက်ကပ်ကပ်လေထုကြောင့် နီစပ်ချင်နေတဲ့မျက်နှာနုနုပေါ်မှာလည်း မပါမဖြစ်တဲ့ မျက်မှန်အနက်ဝိုင်းဝိုင်းလေး။ ဒါတွေကိုလဲမယ်စဉ်းစားပေမဲ့ အပြင်သွားဖို့အချိန်မပေးတာကြောင့် အခုထိဒီမျက်မှန်နက်နက်လေးကိုပဲအားကိုးနေရတုန်း။
နောက်ကျောမှာလည်း စာအုပ်အကုန်ဆံ့တဲ့ကျောပိုးအိတ်အနက်ခပ်ကြီးကြီးတစ်လုံးရယ်၊ မေဂျာနဲ့ဆိုင်တဲ့ ပုံဆွဲစာရွက်လိပ်တွေထည့်တဲ့ဘူး (drawing tube) ကိုတစ်ဘက်ပုခုံးမှာလွယ်ထားပြီးလက်ထဲမှာလည်း ကိုလာတစ်ဘူး။
ပထမနှစ်ရဲ့စာအုပ်တွေက ခေါင်းကိုတစ်ချက်ရိုက်ရင် ကွဲနိုင်တဲ့အထိ ထုထည်ကြီးမားလွန်းတာကြောင့် အလယ်ကထက်ပိုင်းဖြဲထားရင်း ကြိုးနဲ့ကျကျနနပြန်ချုပ်ထားရသည်။ အာခီတက်ချာနဲ့ဆိုင်တဲ့ ပုံစာရွက်တွေကတော့ အသက်ထက်တမျှအရေးကြီးတာကြောင့် မတွန့်မခေါက်အောင် drawing tube ကိုသွားလေရာ ဆောင်သွားရသည်။
ထုံးစံအတိုင်း Kyungsoo ကိုအိမ်အရောက်ဝင်ခေါ်ပြီး ၁၅ မိနစ်ကြာမောင်းရတဲ့ ကျောင်းဆီတန်းတန်းမတ်မတ်ဦးတည်လာမိသည်။
ဘတ်ခ်ဟျွန်းက တက္ကသိုလ်ကျောင်းဝန်းထဲဝင်တဲ့လမ်းတစ်လျှောက်ကို ရှုစားရအောင် ကားမှန်ကို အောက်ဆုံးရောက်တဲ့အထိချလိုက်တော့ လမ်းဘေးပလက်ဖောင်းမှာကပ်လျှောက်နေတဲ့ ကျောင်းသားတွေရဲ့စကားသံခပ်ကျိတ်ကျိတ်ကပိုပြီးပေါက်ရောက်လာသလို ဘေးမှာလည်းတဝီဝီနဲ့ တစ်စီးပြီးတစ်စီးကျော်တက်သွားတဲ့ ကားတွေ။
VOCÊ ESTÁ LENDO
Every Cloud Has a Silver Lining
FanficThis book is written on the basis of architecture. The characters and incidents portrayed in this story are entirely fictional.
