ဘတ်ခ်ဟျွန်း ဒီနေ့ရောက်ဖို့ နာရီတွေထိုင်ရေတွက်ရင်း အကြာကြီးစောင့်နေခဲ့ရတာ။ အပူချိန်နွေးနွေးရှိတဲ့ အခန်းထဲခေါက်တုံ့ခေါက်ပြန်လျှောက်ရင်း အသက်ကိုဖြည်းဖြည်းမှန်မှန်ရှူသည်။ ခြေမကိုင်မိ လက်မကိုင်မိဖြစ်နေရတဲ့ အကြောင်းပြချက်က ရင်ခုန်သံတွေ ဖောက်လွဲဖောက်ပြန်ဖြစ်သွားစေနိုင်တဲ့ ချန်းယောလ်ကြောင့်ဖြစ်မည်။
မနေ့တစ်နေ့ကကိစ္စကို တောင်းပန်ချင်လို့ သူချိန်းထားတဲ့နေရာကိုလာပေးပါဆိုပြီး လွန်ခဲ့တဲ့သုံးရက်ကဖုန်းဆက်ခေါ်လို့ ဒီနေ့ရုံးကစောစောဆင်းပြီး သပ်သပ်ရပ်ရပ်လေး ဝတ်စားထားသည်။ အခုတလော club project အတွက်စဉ်းစားနေတာနဲ့ အချိန်တောင်မရှိပေမဲ့ သူကတွေ့ချင်တယ်ဆိုလို့သာ အချိန်ကိုဖဲ့ပေးထားသည်။ နှာခေါင်းပေါ်ကမျက်မှန်အနက်ဝိုင်းဝိုင်းလေးကလည်း ချန်းယောလ်ပြန်မှတ်မိလိုမှတ်မိငြားဆိုတဲ့ ရည်ရွယ်ချက်နဲ့။
ချန်းယောလ်ဆီက ဖုန်းနံပါတ်ယူပြီးတဲ့အချိန်ကစလို့ ပထမဆုံးအဲ့ဒီနံပါတ်လေးဆီကဖုန်းဝင်လာခဲ့တဲ့နေ့က လန့်ဖျတ်ပြီးဖုန်းကိုတောင်လက်ထဲကလွှတ်ချမိတော့မလို့။
သူနဲ့ပတ်သက်ရင် အရာရာအခုမှအသစ်ပြန်စရသလို ဘာလို့ရှက်ရွံ့နေရတာပါလိမ့်။ မသိရင် တစ်ခါမှမရင်းနှီးဖူးတဲ့အတိုင်း... ဖုန်းထဲက အသံသြသြလေးက သူကလွဲပြီး အရာအားလုံးကို စွန့်လွှတ်ပစ်စေဖို့လုံလောက်သည်။
သူက နေရာတစ်ခုကိုတကူးတကကြီးချိန်းပြီး တောင်းပန်စကားပြောမယ်ဆိုလို့တောင် ဘတ်ခ်ဟျွန်းအံ့အားသင့်ရသည်။
ဒါကလည်း သူအပြစ်ရှိသလိုခံစားရလို့နေမှာပေါ့.. လွန်ခဲ့တဲ့နှစ်၊ လတွေကနဲ့ မတူဘဲ သိသိသာသာကွဲပြားသွားတဲ့ ဘတ်ခ်ဟျွန်းက ဘယ်သူ့ကြောင့်လဲဆိုတာ သူ့မိဘတွေရိပ်မိနေကြပြီ။ ဂျပန်ကိုပြောင်းသွားတဲ့ ကောင်လေးတစ်ယောက် သူ့အနားပြန်ရောက်လာပြီတဲ့။
ဘတ်ခ်ဟျွန်း အခုသူနဲ့နှစ်ယောက်တည်းအေးဆေးစကားပြောပြီးရင် အရင်ကအကြောင်းတွေကို
နည်းနည်းပဲဖြစ်ဖြစ်ကြိုးစားပြီး အစဖော်ပြီးပြောရင်ကောင်းမလား ကြံရွယ်ထားသည်။ မနေ့တစ်နေ့ကတော့ ချန်းယောလ်ကို အထင်လွဲပြီးဒေါသထွက်သွားမိသေးရင်း စိတ်ထဲခုနေခဲ့မိတာ။
BINABASA MO ANG
Every Cloud Has a Silver Lining
FanfictionThis book is written on the basis of architecture. The characters and incidents portrayed in this story are entirely fictional.
