ချန်းယောလ်အိပ်ရာက လန့်နိုးလာသည်။ ဘတ်ခ်ဟျွန်းအခြေအနေကသိပ်မစိုးရိမ်ရပေမဲ့လည်း တစ်ညလုံးစိတ်အေးလက်အေးမအိပ်နိုင်ခဲ့။ မနေ့ညက သူ့ကိုအိမ်ပြန်လိုက်ပို့ပေးတော့ သူ့အဘိုးနဲ့အဘွားကိုလည်း ဆေးကိုမပျက်မကွက်သောက်ခိုင်းဖို့မှာကြားခဲ့ရသည်။
အခုလည်း အကျိုးအကြောင်းမေးဖို့ အိပ်ရာဘေးက ဖုန်းလေးကောက်ကိုင်မိတော့ ဖုန်းမျက်နှာပြင်ပေါ်က message တွေကမရေမတွက်နိုင်အောင်။ ချန်းယောလ် ဘာများလုပ်မိလို့လဲ ထိတ်လန့်သွားရရင်းဖွင့်ကြည့်မိတော့မှ အဖြေကိုတွေ့သည်။ အကောင့်တစ်ခုက သူနဲ့ဘတ်ခ်ဟျွန်းရဲ့ပုံတွေကိုတင်ထားတာပဲ။ ချန်းယောလ်ထိတ်ထိတ်ပျာပျာဖြစ်သွားရင်း ငေါက်ခနဲထထိုင်သည်။
acc ထဲကိုဝင်ကြည့်ကြည့်တော့ post ကအခုတင်ထားတဲ့တစ်ခုသာရှိသည်။
ကျောင်းကခုံတန်းတစ်ခုမှာ တစ်ယောက်လက်တစ်ယောက် ကိုင်ထားတဲ့ပုံတွေ... မနေ့ကမှ ပွဲမစခင်နှစ်ယောက်စကားပြောနေတဲ့ ပူပူနွေးနွေး ပုံတွေတောင်ပါသေးသည်။ တင်ထားတဲ့အချိန်က မနက် ၃ နာရီကြီး။
လွန်ခဲ့တဲ့သုံးလလောက်ကတည်းက ပုံတွေပါပါတယ်ဆိုတော့ တင်တဲ့သူကကသိထားတာကြာပြီဖြစ်ပုံရသည်။
တစ်ယောက်နဲ့တစ်ယောက် အကြည့်ချင်းဆုံစည်းနေတဲ့ပုံလေးတွေက ကိုယ်တိုင်ဝင်ခံစားသူမဟုတ်ဘဲ တတိယလူအမြင်နဲ့ တော်တော်လေးအသက်ဝင်လွန်းသည်။ ဘတ်ခ်ဟျွန်းက သူ့အနားမှာအမြဲအဲ့လိုမျက်ဝန်းလေးတွေနဲ့ရှိနေခဲ့တာပဲ။
အရင်က နေ့စဉ်ပြုမူနေကျကိစ္စရပ်တွေလို နေ့တိုင်းမြင်နေတွေ့နေကျအရာဆိုတော့ ကျင့်သားရပြီး သတိမထားမိခဲ့ဘူး။ အကြည့်တွေကို စကားနဲ့ ဖော်ပြရရင်တော့ မျက်လုံးကနေ နှလုံးသားထဲကို အတိုင်းသားထိုးဖောက်မြင်နေရသလို..... လုပ်ယူထားတာမဟုတ်ဘဲ သဘာဝအတိုင်း နူးနူးညံ့ညံ့လေး။
ချစ်တဲ့သူက ဘာလုပ်လုပ် အမြဲပြုံးပြုံးလေးအရိပ်တကြည့်ကြည့် ဘေးကရှိနေတတ်တဲ့မျက်ဝန်းမျိုး။ ဓာတ်ပုံလေးတွေကမဆိုးဘူးလို့ ချန်းယောလ်ကောက်ချက်ချမိသည်။ အဲ့ဒါကြောင့် ဘယ်သူခိုးရိုက်ထားခဲ့တယ်ပဲဆိုဆို အရင်ဆုံးဓာတ်ပုံလေးတွေကို အမှတ်တရသိမ်းထားမိသည်။ ပို့စ်တင်ထားတာအရ react တွေသိပ်မများသေးပုံထောက်ရင် ကျောင်းကတချို့လူတွေအထိပဲပျံ့သွားတယ် ယူဆရသည်။
BINABASA MO ANG
Every Cloud Has a Silver Lining
FanfictionThis book is written on the basis of architecture. The characters and incidents portrayed in this story are entirely fictional.
