Every Cloud Has a Silver Lining

Color of Faith

ချန်းယောလ် သူ့ကိုဒီတစ်သက်လာစကားမပြောတော့ဘူးလား။

ဘတ်ခ်ဟျွန်းက စာသင်ခန်းရဲ့ရှေ့နားမှာရှိနေတဲ့ကောင်လေး‌ရဲ့‌ ကျယ်ပြန့်တဲ့နောက်ကျောပြင်ကို စားပွဲပေါ်မေးထောက်ရင်းငေးနေမိကာ တစ်ယောက်တည်းအတွေးလွန်နေမိခြင်းဖြစ်သည်။

........

ဒီစာသင်နှစ်မှာထူးခြားချက်တစ်ခုတိုးလာသည်။ ပထမဆုံးနေ့မှာတင် သူတို့နှစ်ယောက်ကလူအများကြီးရဲ့ အာရုံကိုဖမ်းစားထားခြင်းဖြစ်သည်။ SNU ကကျောင်းသားတွေရဲ့ပါးစပ်ဖျားမှာ‌‌ နေရာယူထားတဲ့ Hot Topic တစ်ခုလည်းဖြစ်လာသည်။

အကြောင်းမှာ အရင်စာသင်နှစ်ရဲ့ပိတ်ပွဲက သူတို့ရဲ့မြောက်မြားစွာသောဓာတ်ပုံတွေဖြစ်သွားတာကြောင့်။ သူတို့က ဒီအခြေအနေကိုမျှော်လင့်ခဲ့ပြီးသား။

လူတွေသိသွားတော့လည်း လျှို့ဝှက်စရာမလိုတော့ဘဲ ပေါ်ပေါ်တင်တင်တွဲသွားတွဲလာလုပ်ကြသည်။ ဒီနေ့က ဒီနှစ်မှ Uni ကိုလာကြမယ့် ကျောင်းသားသစ်တွေကို ကြိုဆိုတဲ့ပွဲ‌နေ့မို့လို့ အတန်းချိန်ကမနက်ပိုင်းသာရှိသည်။ campus ထဲမှာပဲ သတ်မှတ်ထားတဲ့ဆိုင်ခန်း‌နေရာတွေကို ဟိုဘက်ဒီဘက်မျက်နှာချင်းဆိုင်မှာ စုံလင်စွာ ခင်းကျင်းထားသည်။ ကျောင်းသားတွေဖျော်ဖြေမယ့် stage ကတော့ဟိုဘက်ဒီဘက်ဆိုင်ခန်းတွေရဲ့အလယ်ကလျှောက်လမ်းထိပ်ဆုံးမှာ။

အောက်က‌ ‌ကာလာစုံဆယ်‌ကျော်သက်ကောင်မလေးတစ်သိုက်ရဲ့ အသံစူးစူးတွေက Jongin စင်ပေါ်တက်ကတည်းက နားမခံသာအောင် ကျွက်ကျွက်ညံနေသည်။ Kyungsoo ပါစင်အောက်ကနေ ‌လူကြားထဲရောသောရပ်နေမိပြီး ယုံမှားဖွယ်မှတ်ချက်တစ်ခုချလိုက်သည်။

ဆိုးတော့မဆိုးပါဘူး .. မိုက်သားပဲ။

စင်ပေါ်မှာဖျော်ဖြေနေရင်းလက်စ လူအုပ်ရှေ့ဆုံးမှာရပ်နေတဲ့ သူ့ကိုဖျတ်ခနဲကြည့်လာလို့ သူခိုးလူမိသလိုဖြစ်သွားပြီး မျက်တောင်နှစ်ချက်ဆက်ခတ်ရင်း ဘေးနားက သစ်ပင်တွေဆီအကြည့်‌လွှဲပစ်ရသည်။ ကိုယ့်ဘယ်ဘက်ရင်အုံထဲက အရာလေးက မူမမှန်သလိုဖြစ်လာလို့လည်း လက်ဖဝါး‌အောက်ဖိသိပ်ပစ်သည်။ တစ်ဆက်တည်း ‌ကိုယ့်ဖိနပ်ကိုယ်ငုံ့ကြည့်မိတော့ မလုံမလဲနဲ့။