"ဘာ..ဘာဖြစ်တယ်"
ဂျုံဒယ်က ကိုယ့်နားကိုယ်မယုံလောက်အောင်...
သူကြားလိုက်တာမှန်ရဲ့လားလို့လည်းသေချာအောင် အတည်ပြုနေပြန်သည်။
"အဲ့ဒီတော့ မင်းက ဟိုညက မှားပြီး like လုပ်လိုက်တာက ချန်းယောလ်ရဲ့ပုံပေါ့"
မင်ဆော့က ပူပူနွေးနွေးဝက်သားဆလပ်ရွက်ထုပ်ကို ပါးစပ်ထဲပါးလုတ်ပါးလောင်းထိုးသိပ်ရင်းမေးလာတာကို ဘတ်ခ်ဟျွန်းက ခေါင်းညိတ်ပြလိုက်ရသည်။ ကျောင်းမှာ model ချိုးတဲ့ကိစ္စအပြီး တစ်ပတ်အကြာမှာ မွေးရပ်မြေဘူချွန်းကိုပြန်ရောက်နေတဲ့ ဘတ်ခ်ဟျွန်းက မင်ဆော့နဲ့ ဂျုံဒယ်ကို ပေးထားခဲ့တဲ့ကတိအတိုင်း BBQ ဆိုင်တစ်ဆိုင်ကိုခေါ်ပြီး ဖြစ်ပျက်ခဲ့သမျှကို ဇာတ်စုံခင်းနေခြင်းဖြစ်သည်။
"အဲ့ဒါက ဘယ်လိုပြောရမလဲ
သောက်လေသောက်လေ ငတ်မပြေတဲ့ဆားငန်ရေလိုမျိုးကွာ...
ငါအစကဘာခံစားချက်မှမရှိဘူး ဒါပေမဲ့
ဘာလို့မှန်းမသိဘူး သူနဲ့ရှိနေရင် စိတ်လှုပ်ရှားလာတယ်....အဲ့ကနေစပြီး ငါသူ့အကြောင်း မတွေးမိအောင်ကြိုးစားတယ် ဒါပေမဲ့ မရဘူး
သူပြုံးတာမြင်ရင် ငါပျော်သလိုပဲ"
ရှေ့ကကျွန်းသားစားပွဲခုံပေါ် မေးလေးထောက်ရင်း မျက်ခွံပါးပါးလေးတွေကိုပါမှေးမှိတ်ထားပြီး ကြည်ကြည်နူးနူးကြီးဆိုလာလို့ ရှေ့တည့်တည့်မှာထိုင်နေတဲ့ဂျုံဒယ်က စားလက်စတူကိုကြွေပန်းကန်ထဲ အသံမြည်အောင်ပစ်ချရင်းခေါင်းတခါခါနဲ့ စုတ်တသပ်သပ်။
"အချစ်မှာ မျက်စိမရှိဘူးဆိုတာ တကယ်ပဲ..
မင်းကို ဖြောင့်တန်းနေတဲ့ သစ်သားချောင်းလို့ထင်ခဲ့တာ... မင်းကဂျယ်လီပေတံဖြစ်နေခဲ့တာကိုး..... ဆိုတော့ အဲ့ကိစ္စဘယ်သူသိသေးလဲ"
"မင်းတို့နှစ်ယောက်တည်းသိတာ
ဒါပေမဲ့ ဘယ်သူ့ကိုမှ ပြန်မပြောရဘူးနော်
ကတိပေးတယ်မလား"
ဘတ်ခ်ဟျွန်းက မင်ဆော့နဲ့ဂျုံဒယ်နှစ်ယောက်လုံးကိုစေ့စေ့စပ်စပ်ကြည့်လာပြီး ယုံယုံကြည်ကြည်အားကိုးလာတော့ အင်းပါဆိုတဲ့သဘောနဲ့ ခေါင်းတဆတ်ဆတ်ညိတ်ပြလာကြသည်။
YOU ARE READING
Every Cloud Has a Silver Lining
FanfictionThis book is written on the basis of architecture. The characters and incidents portrayed in this story are entirely fictional.
