နွေဦး နဲ့ နွေ၊ ဆောင်းဦး နဲ့ ဆောင်း လေးရာသီကိုအကြိမ်ကြိမ်ကျော်လွန်ပြီးလို့ ယခုတစ်ဖန်ဆောင်းရာသီထဲ လုံးလုံးဝင်ရောက်နေပြန်ပြီဖြစ်သည်။
ဘတ်ခ်ဟျွန်းတို့ကျောင်းက ဖေဖော်ဝါရီလလယ်မှာ စာသင်နှစ်တစ်နှစ်ဆုံးပြီး နောက် semester ပြန်မစခင်အထိ ကြားထဲမှာအချိန်နှစ်ပတ်ကျော်ကျော်ရသည်။ စာကျက်ရလွန်းလို့ ပင်ပန်းလှပါပြီဆိုပြီး ဂျီကျနေတဲ့ကလေးက သူ့အဘိုးအဘွားတွေရှိတဲ့ဆိုးလ်ကိုသွားလည်ချင်တယ် ပူဆာနေလို့ ဒီကျောင်းပိတ်ရက်တွေအတွင်း ဆိုးလ်ကအိမ်ရှိရာကို ပို့ထားလိုက်သည်။
သွားခါနီး အချိန်လေးတုန်းကတော့ ညီမလေးကို
လွမ်းနေရတော့မယ်ဆိုပြီး ပါးဖောင်းဖောင်းလေးကိုညှစ်ပြီးခပ်ဖွဖွနမ်းသွားလေရဲ့။ သူ့ညီမလေးက အခုဆိုမူလတန်းတောင်တက်နေပြီ။ ဘတ်ခ်ဟျွန်းတို့ကျောင်းလိုပဲ ကျောင်းပိတ်ချိန်တူပေမဲ့ ဟိုတလောက ရေချိုးမှားပြီးနေမကောင်းဖြစ်ထားတော့ ထပ်ချူချာနေမှာစိုးလို့ရယ်၊ သူ့မေမေနဲ့ဖေဖေကလည်းအလုပ်ကိစ္စတွေရှိနေတာကြောင့် တစ်ယောက်တည်းပဲခရီးနှင်လိုက်တော့သည်။
တစ်မိသားစုလုံး ဘတ်ခ်ဟျွန်းရဲ့ နားအူအောင်တရစပ်ပေါက်ပေါက်ဖောက်တာကိုခံနေရာက နှစ်ပတ်ကျော်ကျော်လောက်တော့ လွတ်မြောက်သွားပါပြီ။ သူ့အဘွားက ကလေးကိုလာခေါ်ဖို့ အိမ်မှာအတူတူနေတဲ့ ခပ်ငယ်ငယ်ကောင်လေးတစ်ယောက်ကိုလွှတ်လိုက်လို့ ခရီးဆောင်အိတ်တွေအကုန်နေရာချပြီး ကားပေါ်လှစ်ခနဲပြေးတက်သွားသည်။
မသွားခင် ကားတံခါးမှန်ချပြီး အိမ်ကိုသတိတရမှာသွားသေးတယ်။
"သားကို မေ့မသွားကြနဲ့ဦး" တဲ့။
.
.
၁၃ မိုင်နီးပါးကွာဝေးတဲ့ ခရီးကို ဖြေးဖြေးချင်းလိမ့်ကာသွားနေရင်း နာရီဝက်ကျော်ကျော်မှာ ဆိုက်ဆိုက်မြိုက်မြိုက်ပင်ရောက်သွားသည်။ ကားမောင်းနေတဲ့သူက အာရုံပျံ့လွင့်လို့မဖြစ်ဘူးဆိုတဲ့အသိနဲ့ဘတ်ခ်ဟျွန်းရှေ့ခုံမှာ နှုတ်ဆိတ်ပေးနေရင်း လမ်းတစ်ဘက်တစ်ချက်ကစိမ်းဖျော့ဖျော့ရှုခင်းတွေဆီမှာ ငြိမ်ငြိမ်သက်သက်နစ်မြောလာမိ၏။
ESTÁS LEYENDO
Every Cloud Has a Silver Lining
FanfictionThis book is written on the basis of architecture. The characters and incidents portrayed in this story are entirely fictional.
