[Background music - What if love by Wendy]
စာကြည့်တိုက်မှာ နေ့လယ် ၁၂ နာရီလောက်ထိ အချိန်ကုန်ဆုံးပြီး club activities လုပ်ဖို့အချိန်ရောက်လာသည်။ ဘတ်ခ်ဟျွန်းတို့က Music Club ဆိုတော့ လေးယောက်လုံး တတိယထပ်ရှိရာသွားဖို့ပြင်ရသည်။ အခုမှ ၁ နာရီဆိုတော့ ဘတ်စကတ်ဘောကလည်းမစသေးလောက်။ ချန်းယောလ်ကဒီအပတ်မှ club ကိုစဝင်ဖြစ်တာမို့ တစ်ယောက်တည်းကွင်းမှာ အစောကြီးမဖြစ်ချင်။ ပျင်းပျင်းရှိတာနဲ့သူတို့လေးယောက်နောက် တကောက်ကောက်လိုက်သွားသည်။ လက်ထဲမှာတော့ ဘတ်စကတ်ဘောလုံးတစ်လုံးနဲ့။
တတိယထပ်က Music Club Activities လုပ်တဲ့အခန်းထဲမှာ လူတော်တော်များများရောက်နေကြပြီ။ လွယ်အိတ်တွေကို နံရံမှာကပ်ထားတဲ့စင်တွေပေါ်သပ်သပ်ရပ်ရပ်တင်ထားလိုက်ကြပြီး ရှေ့ကလွတ်နေတဲ့ထိုင်ခုံတွေမှာ အသီးသီးနေရာယူလိုက်ကြသည်။ အဲကွန်းဖွင့်ထားတဲ့ အခန်းလေးကအေးစိမ့်စိမ့်မို့ နေ့လယ်ဘက်လည်း ကြက်သီးထချင်စရာ။
ခုံတွေက အတန်းလိုက်စီထားတာမို့ Kyungsoo ရဲ့ညာဘက်ခုံမှာနေရာလွတ်။ ဟိုငေးဒီငေးလုပ်နေတုန်း ဘေးကိုတစ်ယောက်ယောက်လာထိုင်တဲ့ အရိပ်ကလေးတစ်ခုကျလာတဲ့အပြင် ရေမွှေးနံ့ခပ်သင်းသင်းတစ်ခု။ ဘယ်သူများလဲမျက်နှာလှည့်လိုက်မိတော့ ခုနက စာကြည့်တိုက်မှာစာအုပ်သယ်ပေးသွားတဲ့သူ။
မျက်လုံးလေးတွေဝိုင်းစက်သွားရင်း ဘာလုပ်လို့ဘာကိုင်ရမှန်းမသိ။ ခုနကကိစ္စကိုကျေးဇူးတင်စကားပြောရကောင်းမလား.... မသိချင်ယောင်ဆောင်ရမလား... စားပွဲပေါ်အချင်းချင်းသွယ်ယှက်ထားတဲ့လက်ချောင်းတွေနဲ့ ကိုယ့်ဘာသာကိုယ်ဗျာများနေတုန်း ဟိုဘက်က ခပ်ပြုံးပြုံးနဲ့စကားစလာသည်။
"အစ်ကိုက Kim Jongin ပါ... ဗိသုကာမေဂျာကပဲ... တတိယနှစ်တက်နေတာ... "
နားဝင်အေးစရာ နူးနူးညံ့ညံ့ပျော့ပျော့ပျောင်းပျောင်းအသံလေးတစ်ခု။ စာအုပ်သယ်ပေးသွားတုန်းကလို ပျားသကာသဖွယ်ချိုမြနေတဲ့မျက်နှာအမူအရာလေးနဲ့။
.
.
.
ဂျုံဒယ်က Music club activities ရှိလို့ အိမ်ကဂစ်တာသယ်လာတာမို့ ဘတ်ခ်ဟျွန်းက သူ့
ဆီကယူပြီး မတောက်တခေါက်လက်တည့်စမ်းကာတီးကြည့်နေသည်။ ချိတ်ထားတဲ့ပေါင်တစ်ဘက်ပေါ် ဂစ်တာအိုးကို ကချော်ကချွတ်တင်ထားတဲ့အပြင် အသံကကီးချော်နေသလို တဒေါင်ဒေါင်ဒင်ဒင်။ အခန်းထဲက အုတ်အုတ်ကျတ်ကျတ်စကားသံတွေထဲကနေတောင် တိုးထွက်လာတာ သံစဉ်မကျ။
YOU ARE READING
Every Cloud Has a Silver Lining
FanfictionThis book is written on the basis of architecture. The characters and incidents portrayed in this story are entirely fictional.
