နေရောင်ခြည်ပျိုးစမနက်ခင်းမှာ ခပ်မှိန်မှိန်နွေးနွေးအလင်းရောင်တွေက အခန်းရဲ့အပေါ်နားမှာရှိတဲ့ ကြည်ပြာရောင်မှန်ပြတင်းပေါက်ကိုဖြတ်သန်းပြီး အတွင်းပိုင်းကိုကျိုးတိုးကျဲတဲဖြာကျလျက်ရှိသည်။
ချန်းယောလ်လီက ဆိုဖာပေါ်မှာထိုင်လျက်သားကြီးအတိုင်း ညကသတိလက်လွတ်အိပ်ပျော်သွားတဲ့ပုံပဲ။ အအိပ်ကြမ်းတယ်ဆိုတဲ့ ကောင်လေးက ဆိုဖာပေါ်မှာ အေးအေးချမ်းချမ်းမှေးစက်နေတာ သပ်သပ်ရပ်ရပ်လေးရှိလွန်းလို့ အအိပ်ကြမ်းတယ်ဆိုတာ ယုံချင်စရာတောင်မကောင်း။
ဘေးကဆိုဖာလက်တန်းကို ကိုယ်တစောင်းမီရင်း လက်ကလေးပိုက်၊ ပါးစပ်လေးဟပြီး တရှူးရှူးအိပ်ပျော်နေတဲ့ ဂုတ်ထောက်ဆံပင်နဲ့ကောင်လေးက ကြည့်ကောင်းရုံတင်မဟုတ်ဘဲ ဒီလိုလေးလည်းချစ်စရာကောင်းနေပြန်သေးတာလား။
နားရွက်လေးက ခပ်ကားကားလေးမို့ Yoda နဲ့တူတယ်လို့ပြောတော့လည်း ဘာမှပြန်မငြင်းဘဲ စိတ်တိုင်းကျလက်ခံနေတဲ့ မင်းကငါတစ်ဖက်သတ်အထင်မှားမိတဲ့အထိ ငါ့ကိုဂရုစိုက်ပေးလွန်းနေလို့ တစ်ခါတစ်ခါ မတွေးသင့်တာတွေတောင်တွေးနေမိပြီ။
ငါ့ကိုများသဘောကျနေတာလားလို့။
အေးအေးချမ်းချမ်းမှိတ်ကျနေပြီး မက်မွန်ရောင်သမ်းချင်နေတဲ့ မျက်ခွံမို့မို့လေးတွေရယ်... သဘာဝအတိုင်းပေါက်နေတဲ့ မျက်တောင်စိပ်စိပ်ရှည်ရှည်လေးတွေက ရေကန်ကြည်ကြည်လေးလို တဖိတ်ဖိတ်တောက်နေတဲ့ မျက်လုံးဝိုင်းဝိုင်းလေးတွေကို အထောက်အပံ့ဖြစ်စေလွန်းလို့...
တစ်ခါတစ်ခါသူနဲ့ အကြည့်ချင်းဝင်တိုးမိတိုင်း ပြန်ခွာဖို့ တော်တော်သတိကပ်ရလွန်းလို့.... မျက်လုံးချင်းမဆုံအောင် ကြိုးစားပြီးနေနေရတယ်ဆိုတာလည်း ချန်းယောလ်လီအလိုလိုသိနေရင်ကောင်းမည်။
ပြီးတော့ အစုန်အဆန် လက်ပစ်ကူးဝင်လိုက်ချင်စရာ ပါးချိုင့်နက်နက်လေး...
ဘတ်ခ်ဟျွန်းသူများတွေထက်အရင်နိုးလာပြီး ကုတင်ပေါ်ကအသာလေးဆင်း၊ သူ့အနားသွားရင်း မနှိုးသေးဘဲ ငေးနေမိတာက သူအိပ်နေရင်ဘယ်လိုပုံစံလေးလဲ မှတ်သားထားချင်မိလို့။ အခုလို ခိုးကြည့်တာက အပြစ်မြောက်တယ်ဆိုရင်လည်း ရှိပါစေတော့။
DU LIEST GERADE
Every Cloud Has a Silver Lining
FanfictionThis book is written on the basis of architecture. The characters and incidents portrayed in this story are entirely fictional.
