Revision Of Fate

CHAPTER THIRTY SEVEN

Pis' POV

Hindi ko alam kung dapat ko bang ikwento sa kanila ang nangyari. Pero, kailangan na nila malaman ang totoo.

"Sige na, Pis. Ikwento mo na." naririnig ko na naman ang boses ni Arose. Bakit ba napaka-demanding niya?

"Bakit ka naka-ngiti?" tanong na lang ni Bianca sa'kin. Umiling na lang ako, hindi naman nila maiintindihan.

"May nakikita ka ba na maganda?" tanong pa ni Rico.

Napa-tingin ako sa kanilang lahat. Nakikita ko pa rin ang mga dati kong kasama sa kanila. Ganitong-ganito ang pwesto, ang pakiramdam, pati na rin ang lugar na 'to. Dahil dito nila nalaman ng mga kasama ko na kaya ko makita ang hinaharap.

"Payapa pa ang lugar na 'to. Ang alam lang ng mga tao dito noon, kami, may mga natural na kapangyarihan kaya kami ang namumuno sa bawat bayan na sinasakupan namin. At, hayun siguro ang dahilan kaya kami naging Zodiac Protectors."

"Huh?" tanong ni Uni.

"Ano ba ang akala niyo? Na kami ang dahilan kaya kayo naging Zodiac Protectors?" tanong bigla ni Arose.

"Oo. Matagal na namin alam 'yun." sagot naman ni Harold.

Huminga lang nang malalim si Arose. "Hindi naman namin ginusto na maging Zodiac Protectors."

"Eh, bakit kayo naging Zodiac Protectors kung hindi niyo. . ." napa-tigil na lang si Karen. "Teka, hindi niyo ginusto?"

"Katulad din ang nangyari sa inyo noon, tinawag lang din kami. Yung mga punyetang bituin ang tumawag sa'min." sagot ni Arose.

"Simula nu'n, mas lumala pa ang kakayanan ko at doon na rin nakilala ang kalaban namin." dagdag ko pa. 

Alam ko na hindi nila naiintindihan. Kaya ipapakita ko na lang ang nangyari sa kanila. Mula nang nakita ko ang kalaban namin na si Diemon, na siya ang dahilan kung bakit napatay ang asawa ko, ang tatay ni Sagi at ang iba pang mga mahal namin sa buhay.

"Teka, nasaan 'to?" tanong ni Niel habang lumilingon sila sa paligid. 

"Masanay na kayo sa ginagawa ni Pis, ganito na ang kapangyarihan niya bago siya maging Pisces Protector." paliwanag na lang ni Arose sa kanila.

"Hala, kaninong palasyo. . . Totoong palasyo ba 'to?" tanong na lang ni Bianca. "Ang daming naman mga palasyo na naka-tayo dito!"

"Amaze na amaze ka, Bianki ah." napa-tingin na lang ako kay Leandros. 

"Sinong hindi ma-amaze dito? Ha? Ang payapang tignan oh!" sigaw na lang ni Bianca.

"Hoy, ang ingay mo. Baka makita ka ng mga tao doon." sabi ni Karen sabay tinuro niya ang mga babae na bumibili ng tinapay malapit sa gate ng palasyo ni Cercan.

"Hindi kayo mapapansin ng mga 'yan." napatingin sila kay Arose. "Hetong nakikita niyo ngayon, dito ang mundo namin noong hindi pa dumating si Diemon. Na may iba pa kaming kalaban noon bukod kay Diemon. Ang payapa, 'di ba?"

Leandros' POV

Tama si Arose, ang payapa nga dito. Hindi mo iisipin na nasa ibang mundo ka. Parang, walang away na nagaganap dito eh.