وقعت في عشقك عشق..
الحلقه السادسه والعشرون
********************
فى غرفة عشق ومراد
عشق وهى تقبل مراد من وجنته: صباح الفل ي حبيبى
ابتسم مراد: صباح الفل والورد والياسمين عليكى ي احلى عشق فى الدنيا كلها...عشقى....
ابتسمت عشق وهى تقف: يلاا انهاده لازم نكون عند ماما بادرى...
مراد: يلا ي عمرى....
ذهب مراد الى الحمام... اما عشق فأخرجت له ملابس... ولها ايضا واستعدت...
خرج مراد من الحمام ونظر الى عشق بدهشة
مراد بدهشه: عشق...
كانت عشق ترتدى فستان طويل ولونه فيروزى وواضعه ملمع شفاه خفيف للغايه وترتدى حجاب بسيط لونه فيروزى... وكانت تضع عطرها...
عشق بإبتسامه: اي رأيك في المفجأه...
مراد بدهشه: انتى لبستى الحجاب...
عشق وهى تقترب منه وتضع يدها حول عنقه: اها... بقالى فترة بفكر فى الخطوه دى قولت اعملها ليك مفجأه... اي رأيك... وحشه..
مراد وهو يجذبها اليه: وحشه اي دا انتى ملاااك... حور من الجنه... ثم اضاف بتفكير: اي رايك لما ربنا يرزقنا ببنت نسميها حور... عشان هتبقى شبهك....
شعرت عشق بوخذ فى قلبها... قالت بنبره تحاول ان تجعلها هادئه مرحه: لا انا عايزه ولد عشان يبقى شبهك... واسميه حسن... ع اسم عمى الله يرحمه...
ابتسم مراد ع حبيبته: وان قولتلك ان بابا الله يرحمه كان نفسه اووى انى اجيب ولد واسميه يزن...
عشق بإستغراب: يزن.. اشمعنا..
مراد: بابا كان بيقولى انه اسم ملك من ملوك زمان والملك دا كان قوى...
عشق بتفكير: اممممممم خلاص... يبقى نجيب ولدين وبنتين...
مراد بإستغراب: لى..
عشق وهى تمسك وجنته: نجيب يزن وحسن... وحور واسيل... طول عمرى بتمنى اسمى الاسم دا...
مراد بضحك من تصرفاتها الطفوليه: هههههه طب حور وتمام... اي اسيل دى...
عشق: اسيل يعنى الخد الناعم الطويل ي مراد...
مراد بتفكير: لا الاسم مش حلو...
عشق: طب اي رايك فى آسيا...
مراد بمرح: مالنا احنا بقارة آسيا...هههه
عشق بسماجه: متقلش تانى... وبعدين اسيا يعنى الارض اللى بتنزل عليها اشاعة الشمس...
مراد: لا غيريه...
عشق بتفكير: يبقى مافيش الا هو سيدرا... يعنى شجره فى الجنه...
مراد: حلو الاسم اوووى... خلاص يبقى يزن وحسن وحور وسيدرا...
عشق فى داخلها: ان شاء الله ربنا هيرزقنا قريب... انا لازم اكلم الدكتور دا.. افاقت من شرودها على صوت مراد....
مراد: يلا ي عشق.. هنتأخر..
ابتسمت عشق ونزلت ولم تجد احد بالقصر..
عشق بتسأول: اومال الناس اللى هنا فين...
مراد: اديتهم اجازه وعمتو راحت تزور صحبتها...
عشق: ماشي يلاا..
مراد: يلاا
*******************
فى فيلا الشرقاوى
كانت. سما تجهز الغداء مع الاء وحياه وغاده لم تخرج من غرفتها حتى الان بسبب احمد
غاده بغضب: ي احمد... يحبيبى حرام عليك... ميصحش اسيب ماما وطنط سما وطنط حياه يشتغلو لوحدهم.. سيبنى انزل
احمد وهو يجلس بجانبها ويضع يده ع بطنها: لا مافيش نزول...
غاده بغيظ وصوت عال: ع فكره بقا انا كمان النرفزه غلط عليا ومع ذالك بتعصبنى انا عايزه انزل... هو انا كنت اول ولا اخر واحده تحمل...
احمد ببرود: اه اول واخر واحده تحمل منى... ولا انتى اي رأيك...
غاده بصراخ اجتمع عليه كل من فى المنزل: بطل استفذااااااااااذ..... انا هنزل يعنى هنزل انت سااااامع ها...
الاء بقلق: فى اي ي ولاد.. صوتك عالى لى ي غاده....
غاده بغضب: انا تعبت... مقعدنى فى السرير ومش بيخلينى حتى انزل رجلى الارض...
حاولت سما وآلاء كبت ضحكتهم....
احمد بغضب: انتى من امته صوتك بيعلى ي هانم... طب والله م انتى نزله... ها
شعرت غاده بالخوف من احمد وبدأت فى البكاء..
مراد من خلفها: ديدا....
نظرت غاده خلفها وجدت اخيها... فأسرعت اليه والقت نفسها داخل احضانه... وتركت شهقاتها تتحدث بدلا منها....
مراد وهو ينظر لأحمد بهدوء عكس البركان الثائر الذى بداخله: ثوانى وتبقى معايا تحت
احمد بإحترام: حاضر
مراد بحنان لغاده: حببتى اقعدى ارتاحى وانا عاوز احمد... شويه وهجيلك...
اومأت غاده وذهبت اتجاه عشق..
نظر مراد لعشق ففهمت انه يريدها ان تبقى مع غاده... اومأت له ودخلت مع غاده الغرفه...
****************
فى حديقه فيلا الشرقاوى
كان مراد واحمد يقفون مع بعضهم... كان مراد يعطى ظهره لأحمد
مراد بهدوء: صوتك على اختى لى... سبب واحد يبرر اللى انت عملته دا
احمد بهدوء وعقل: بإستثاء انها مراتى ودا شئ ميخصكش... بس هقولك عشان انا عارف هى بالنسبالك اي... وانك انت ومريم ويحي بس اللى فاضلين من عائلتها...
التفت له مراد وقد اعجبه كلامه: سامعك...
احمد: غاده حامل ي مراد...
مراد بفرحه: انت بتتكلم جد...
أحمد: ايوا امبارح اغمى عليها وانا معاها ولما روحنا كشفنا عرفنا انها حامل من شهرين... بس هى ضعيفه.. وجسمها ضعيف بسبب اللى حصل.. من ساعت معرفت انا بحملها رجلها ملمستش الارض غير لما هى شافتك... وكانت عايزه تنزل.. محدش يعرف انى بليل لما كله ينام بوضب الاوضه اللى تحت اللى يطل ع الجنينه اللى ورا عشان منظر الورود فيها حلو.. عشان طلوع السلم ونزوله غلط عليها.. وكنت هخليها ليها مفجأه... انا عارف انى غلط وخصوصا لما صوتى على عليها... لس هى كمان عصبتنى.. مافيش راجل يستحمل صوت مراته يعلى عليه...
ابتسم مراد بفخر: انا مغلطش لما اخترتك ل غاده.. يلاا روح فهمها وخدها بالهداوه...
ابتسم احمد واومأ برأسه اي نعم... وذهب هو ومراد
********************
فى غرفة احمد وغاده... كانت غاده تبكى فى احضان عشق
عشق: خلاص بقا بطلى عياط..
غاده ببكاء: هو لى زعقلى... هو بيزعقلى اي
عشق: متنسيش ان صوتك كان عالى ومافيش راجل يقبل بدا... ع قد م احمد فرفوش وبيضحك ع قد م هو عصبى وميحبش حد صوته يعلى عليه
نظرت غاده الى عشق: اي دا انتى اتحجبتى...
ابتسمت عشق ع هذه الصغيره: اه يسيتى انهارده اول يوم
غاده بفرحه: مبرووووك ي عشق مبروووووك...
دخلت سما والاء وحياه الغرفه
اقتربت سما من عشق وعانقتها بحب: مبروووك ي نور عنيا... مبرووك ي حببتى
عشق بإبتسامه: الله يبارك فيكى ي ماما
الاء وحياه بحب: مبروك ي عشق
ابتعدت عشق قليلا وابتسمت: الله يبارك فيكو
الاء بفرحه: طب مش تباركى ل غاده كمان
لم تفهم عشق... ونظرت ل سما..
اكملت سما: غاده حامل...
نظرت عشق بفرحه الى غاده واقتربت منها وعانقتها بقوه: هبقى عمتوووو... مبررروووك ي روحى..
غاده بخجل: الله يبارك فيكى ي عشق.. عقبالك
ابتسمت عشق بأمل: هانت.. ان شاء الله
حياه بمكر: اي هو انتو لسه مخلصتوش انبساط...
ضحكت سما بشده
عشق بخجل وتوتر: اااييوووه انا جايه اهو... عن اذنكو مراد بيندهلى... وركضت الى الخارج بسرعه وطبعا لم يكن يناديها احد... عند ركوضها خبطت بصدر ادهم وكام معه حسن واسر
عشق بإرتباك: اشفه.. اقصد اسفه.. ي بابا
نظر لها ادهم: اشفه... اي اللى واكل عقلك ي بت سما... ثانيه بس... ثم قال بدهشه: انتى اتحجبتى..
اسر بمرح: بركاتك ي شيخ مرررااااد
مراد من خلفه بضحك: هههههه والله م اعرف حاجه انا خرجت من الحمام لقيتها بطرحه وبتقولى مفجأه...
ضحك ادهم واسر واحمد وحسين بشده... اما عشق فكانت تنظر له بغيظ
ادهم بتذكر: صح.. انت يواد انت كنت فين امبارح مريم اتصلت كتير بيك وانا وسما اتصلنا ومكنتش بترد
نظر مراد الى عشق بعتاب: عشق كانت تعبانه شويه امبارح ونامت وانا كمان نمت فمحستش بنفسي الا الصبح
حسين وادهم بقلق: مالك ي حببتى...
عشق بهدوء: مافيش ي جماعه... انا كويسه كانو شوية صداع.. وانت عارف ي بابا انا لما بصدع بنام
ادهم: ماشي ي عشق ماااشى
مراد لأدهم: بابا... هى مريم كانت بتتصل لى
ادهم: لما تكلمها هى تقولك...
مراد: انا هروح اتصل بيها دلوقت
اومأ ادهم برأسه... مراد لعشق: تيجى معايا
عشق: ياريت عمر وحشنى جداااااا
مراد: طيب يلااا....
اسر: حاليلا بلاش اكيد نايمين انت عارف فق التوقيت..
مراد بتذكر: صح نسيت....
عشق: خلاص انا هاروح ل ماما مراد لما تكلم مريم اندهلى...
مراد: ماشى ي حبيبى...
*********************
فى غرفة عشق دخلت سما وعشق
سما وهى تجلس ع السرير: ها ي سيتى قوليلى
فكت عشق حجابها واخرجت جواب حمدى من حقيبتها...
عشق بتنهيده: بصى ي ماما الامانه دى محدش يعرفها غيرى انا وانتى... لان دى وصية ميت.. ووصيت الميت واجبه...
اخذت سما منها الجواب: عشق الجواب دا لمين وفى اي
عشق: الجواب دا بتاع حمدى... اللوا حمدى الله يرحمه
سما بحزن: الله يرحمه... بس اى اللى فى الجواب دا..
عشق: دا انتى اقريه انا قريته لانه وصه انى اقراه قبلك... وقالى لو عايزه سما تعرف قوليلها حد تانى غير سما لا
سما بحزن: الله يرحمه...
عشق بتسأول: ماما انتى زعلانه عليه
سما: طبعا ي بنتى.. حتى لو كان وحش.. فدا واحد بين ايدين ربنا واجب اننا ندعيله... ودا مالوش ولاد يدعولو لازم ندعيلو... وبعدين انا صفيت من نحيته... كفايه انه طلب البوليس... وضحى بنفسه عشانى
ابتسمت عشق وقبلت يد ورأس سما: ربنا يخليكى ليا ي ست الكل... كدا انا اقدر اقولك اقرى الجواب وانا مطمنه...
فتحت سما الجواب وبدأت فى القرأه وكان فى كل سطر تقرأه تبكى بشده... حتى وصلت عند نقطه ان مراد لاينجب...
سما بصدمه: هو مراد مبيخلفش...
وضعت عشق يدها ع فم سما: ششششش هو ميعرفش.. كملى ي ماما وانا هفهمك كل حاجه...
اكملت سما وكانت تبكى بشده...
سما ببكاء: مسمحااه... مسمحااه... ربنا يرحمه ويغفر له ياااب..
عشق: ياااارب..
سما وهى تمسح دموعها: انتى هتعملى اي مع مراد
عشق: هروح للدكتور اللى اسمه محمد دا... وهحاول اظبط الدنيا... اصلا هو قايل ان فى فرصه كويسه جدداااا تخليه يخلف..
سما: بس هتخليه يكشف ازاى.. اللى فهمتو انو لازم تقرير جديده... واكيد الدكتور هيقوله..
عشق: لا اطمنى ي ماما.. انا مظبطه كل حاجه...
سما: ربنا يوقفلك ولاد الحلال ي بنتى.... مراد مريحك
ابتسمت عشق: الحمد لله ي ماما مبسوطين وراضينين...
سمعوا صوت الباب يخبط... فكان مراد.. دخل
مراد وهو يقترب من سما ويقبلها من جبينها: وحشتنى اوووى ي ست الكل
سما بحنان: وانت كمان ي حبيبى.... طيب ي ولاد انا هنزل اشوف الاكل... ورحلت
جلس مراد خلف عشق وجذبها اليه واسند ظهرها الى صدره... واضاف بهمس: حبيبى زعلان..
عشق وهى ترجع رأسها وتسندها ع كتفه: تؤ مش زعلان... هو انا ممكن اطلب منك طلب
وضع مراد رأسه فى عنقها يشتم عبيره: حبيبى يأمر وانا انفذ...
ابتسمت عشق وملست بيدها ع وجنته بنعومه: عاوزه نروح لدكتور....
قطب مراد جبينه: لى.. فى حاجه..
عشق: عاوزه نروح نكشف ع تأخر الخلفه
مراد:.........
********************
الحلقه خلصت يااارب تكون عجبتكو
ياترى اى رد مراد...
وياترى هيوافق...
وياترى لو موافقش عشق هيبقى ردها اي..
هنجاوب ع اسئلتكو الحلقات اللى جايه استنونى
رواية وقعت في عشقك عشق
من تأليفى شمس محمد
أنت تقرأ
وقعت فى عشقك عشق الجزء الثاني من رواية القلب و ما يهوى بقلم شمس محمد
Romanceهى فتااه مرحه جداا وايضا حاده جدااا لا احد يستطيع ان يقف فى مواجهتها هو رجل اعمال جاد جدااا ولكن مرح قليل يعتز بنفسه جداا يهابونه الجميع فماذا سيفعل هذا الرجل امام هذه الحوريه متقلبة المزاج هل سيسقط غروره امامها هل سيرفع الرايه البيضاء امامها و...
