وقعت فى عشقك عشق الجزء الثاني من رواية القلب و ما يهوى بقلم شمس محمد

الحلقه السابعه والعشرون

وقعت في عشقك عشق
الحلقه السابعه والعشرون
*******************
فى فيلا الشرقاوى وتحديدا فى غرفة عشق عندما كانت تتحدث مع سما سمعوا صوت الباب يخبط... فكان مراد.. دخل
مراد وهو يقترب من سما ويقبلها من جبينها: وحشتنى اوووى ي ست الكل
سما بحنان: وانت كمان ي حبيبى.... طيب ي ولاد انا هنزل اشوف الاكل... ورحلت
جلس مراد خلف عشق وجذبها اليه واسند ظهرها الى صدره... واضاف بهمس: حبيبى زعلان..
عشق وهى ترجع رأسها وتسندها ع كتفه: تؤ مش زعلان... هو انا ممكن اطلب منك طلب
وضع مراد رأسه فى عنقها يشتم عبيره: حبيبى يأمر وانا انفذ...
ابتسمت عشق وملست بيدها ع وجنته بنعومه: عاوزه نروح لدكتور....
قطب مراد جبينه: لى.. فى حاجه..
عشق: عاوزه نروح نكشف ع تأخر الخلفه
مراد بهدوء: لى
علمت عشق ان بعد اجابتها ستقوم القيامه عليها وربما انا يفهم خطأ
عشق بهدوء: غاده ربنا الحمد لله رزقها وهى لى مبقلهاش 3 شهور متجوزه... وانا وانت ي حبيبى داخلين فى 7 شهور... اي المانع لو نروح نطمن بس.. ثم اضافت بهدوء بالغ: يمكن يطلع فيا حاجه... ومقدرش اخلف....
ابتعد مراد عنها ونظر لها بغضب ووقف وقال بغضب: اسمعى كويس اانا لو عيالى مش منك ف انا كش عايز عيال انتى سامعه...
ابتسمت عشق له وامسكت يده واسندت نفسها ووقفت وضمته بقوه: انا بحبك... بحبك اوووى
لم يستطيع مراد ان لا يبادلها العناق ضمها اليه بقوه حتى كاد ان يكسر عظامها ولكنها لم تبالى فأضف بضعف: انا مقدرش اعيش من غيرك... انا بحبك اوووى ي عشق... بحبك اوووى... ولو ولادى مش منك انا مش عايز ولاد
عشق: وانا كمان ي حبيبى بحبك اوووى... ها موافق...
ابتعد مراد قليلا: بشرط انا كمان هعمل معاكى
ابتسمت عشق داخلها فهى كانت تعلم ان هذا سيكون رده
عشق برفض مصطنع: لا... انا عايزه اروح انا...
مراد بإصرار: لا ي اما انا كمان هاروح معاكى وهكشف.. والا مش هنكشف ومش هتروحى...
عشق: خلاص.. نروح بعد بكره
مراد: اشمعنا
عشق: عندى شغل.. هحاول اخلصه عشان افضى بعد بكره...
مراد وهو يمسك وجنتها: ماشي ي حببتى.. ثم قبلها من جبينها....
وجدته عشق يخلع حذائه وجاكته وقميصه ويضعهم على الكرسى بالغرفه... ويتجه الى السرير..
عشق: مراد.. انت رايح فين
مراد بنعاس: تعبااااان هموووت وانااام
عشق بقلق: كدا ي حبيبى هيجيلك بارد... استنى... وارتدت حجابها وذهبت الى الغرفه المجاوره وهى غرفة عمر.. واحضرت من عنده ملابس بيتيه... وعادت الى غرفتها...
عشق لمراد وهى تنظر للملابس: بيتهيقلى ان دول... قطع كلامها.. عندما نظرت له وجدته قد غطى فى ثبات عميق... لان مشروعه هو وعمر يأخذ معظم وقته ومع ذلك لا يشعر عشق بأى نقص...
نظرت له بحب وقبلت جبينه بحب: هعيش عمرى اللى جاى واللى فات قلبى بينبض بأسمك انت مرادى... وذهبت ابدلت ملابسها لبيچاما لونها رمادى وعليها رسومات كارتون.... وذهبت ووضعت رأسها على صدره فرحت عندما امسك بها بقوه... فهى تعلم انه نائم وبعمق... لأنه تعود ع هذه الوضعية من النوم منذ زواجهم.... لم يمر وفعت وغطو سويا فى ثبات عميق
******************
بعد بعض الوقت...
سما وهى تضع الطعام ع الطاوله: سما حببتى اطلعى نادى مراد وعشق عشان يتغدوا...
سما الصغيره: حاضر.... وذهبت امام غرفة عشق وطرقت الباب... لم يأتيها الرد... فطرقته اكثر من مره حتى رد مراد ومن الواضح انه كان نائم...
مراد بنعاس: اي ي سما...
سما: طنط سما بتقولكو تعالو عشان تتغدوا... هى عشق فين...
مراد وهو يفرك فى عينه: نايمه...
سما بشفقه ع حالته لان نبيل نفس الشيء: طب خلاص خش نام تانى... وانا هقول لطنط انكو نايمين..
مراد بتعب: يااااريت...
سما وهى تمسك الباب كى تغلقه: يلااا تصبح على خير...
ابتسم لها مراد ودخل الغرفه واغلق الباب... نزلت سما...
الاء: عشق ومراد فين
سما الصغيره: مراد وعشق نايمين... وواضح انه تعبان جدا بسبب المشروع بتاعه هو وعمر... لان نبيل كمان تعبان زي مراد كدا...
ادهم: طب خلااص سبيهم...
سما: تعالى يلا ي سيمو.. ولما يصحو يبقوا يكلو...
سما الصغيره: حاضر..
********************
داخل الغرفه عشق.. بعد خروج سما.... نظر مراد ع الكرسي وجد ملابس بيتيه مريحه... علم ان عشق من احضرتهم... ابتسم وابدل ثيابه... وهو يرتدى التيشرت كانت عشق تحسس الفراش بجانبها فشعرت ببروده... فتحت عينها وجدت مراد يغير ثيابه..
عشق وهى مازالت نائمه ع السرير: مراد..
نظر لها مراد واقترب منها اسندها لتصبح فوقه تحتضنه بقوه...
مراد بحب وهو يعبث بشعرها: ماما كانت بتصحينا عشان ناكل...
عشق وهى تدفن راسها فى عنقه: لا انا عايزه انام..
ابتسم مراد على طفلته وقال بحب: ومين قال انى مقولتش كدا انا فعلا عاوز انام... متعرفيش يعشق.. انا مبعرفش ارتاح غير هنا..... عشقى.. عشقى
شعر بإنتظام نفسها فنظر اليها وجدها نائمه بعمق... ابتسم بحب.. ثم قبل جبينها ونام مرة أخرى
********************
فى المساء.. اتت غرام وادم وبالتأكيد صغيرهم ليث...
عندما رأى ليث سما نظر لها نظرات طفوليه وضحك بطفوله... ضحك الجميع بشده... اقتربت منه سما
سما بحنان: تيجى.. تيجى لتيته.. تعالى القى الصغير نفسه اتجاه سما يود الذهاب اليها... امسكت به سما ظلت تلاعبه وهو يضحك بطفوله حاول ادهم ان يأخذ ليث
ادهم: سما هاتيه شويه....
ادم بريبه: بلااش
ادهم: بتقول اي يلاا انت..
ادم: اسمع منى بلاش... الولا دا غداااار
غرام بغيظ طفولى: متقولش ع ابنى غدار
ادم: طب بأمانت الله غدار ولا لأ..
غرام بحرج:احم.... هو مش غدار اووى كدا...
ضحك الجميع بشده..
ادهم بضحك:ههههههههه سيبك من العيال دى وهاتى ليث ي سما
سما وهى تضحك: هههههه خد
وعندما امسكه ادهم كان ليث يضحك بطفوله... نظر ليث الى ادم..
ادم وهو يلاعبه: بتبوصلى كدا لى ها... عاوزنى عاوز بابا
ليث بطفوله: بببببببڤڤڤڤڤڤڤڤڤڤڤڤ
ضحك الجميع بشده ع هذا الصغير
ادم وهو ينظر له بصدمه: دا ليا انا
ادهم بضحك: هههههههه دا مش طايقك...
كانت غرام تكاد تموت ضحكا... نزلت عشق ومراد وهم يمسكون يد بعضهم...
عشق بتسأول مضحك: بتضحكو ع ايه
احمد بصيااح مرح: يااااه كل دا نووم... ثم اضاف بخبث: انتو مبتناموش فى بيتكو ولا اي...
حاول الجميع كبت ضحكاتهم حتى مراد ولكن عشق لم تفهم
عشق بتلقائيه: اه بنفضل صاحين طول الليل...
مراد وهو يحاول اسكاتها فهو يعلم انها لم تفهم...
مراد وهو يضغط ع اسنانه: طب اسكتى.. دلوقت
عشق بإستغراب: اسكت لى م دى حقيقه.. انت طول الليل بتشتغل وبيبقى فى نور فى الاوضه وانا مبعرفش انام والنور شغال...
نسى مراد انهم امام العائله ورد: م انتى اللى بتخافى تنامى لوحدك فى الاوضه ولما اقول انى نازل اوضه المكتب بتقولى بخاف بقا فى ظابط بيخاف.. اومال كنتى بتنامى هنا ازاى..
عشق ايضا نست انهم ليسو بمفردهم: ع فكره الظابط زيو زى اي حد.. وبعدين انا مقولتش انى بخاف انا قولت مبحبش وبعدين بنام هنا ازاى انا كنت بسيب النور...
مراد: ياااسلام مش انتى مش بتعرفى تنامى فى النور...
عشق: كنت كدا فى الاول عشان كنت لوحدى انما وانت معايا هحتاج النور فى اي
مراد: انتى عايزه تتخنقى وخلاص
عشق: انا باردو اللى عايزه اتخانق... بقولك اي من هنا ورايح مافيش شغل طول م انت فى البيت
مراد: ياااسلاام واعمل اي انا
عشق: مش شغلى انا وانا معاك فى البيت مش بشتغل يبقى انت كمان متشتغلش...
مراد: اه واقعد كدا ونفلس عشان الست ترضى علينا..
عشق بمهاوده: ي حبيبى افهمنى.. انا عايزه راحتك..
مراد: وانا كدا مرتاح..
عشق بصياح: خلاص براحتك.... وعندما همت فى الرحيل.. سمعت تصفيق حاد وصفير من احمد وادم... وضحكات الجميع...
عشق وهى تتذكر: ههههههااار اسووووح.. انا اتقفشت صح... احيه
مراد فى نفسه: ماما وبابا هيعملو منى صوابع كفته وعشق هتكلها... لا حرام عشق بتحبنى...
ادهم لمراد: لا مسيطر...
ابتسم مراد: لا مش قصدى ي بابا
سما وهى تضحك: قصد اي بقا.. دا انتو منظركو بقا وووححححش... تصدق.. انا معرفش ان عشق بتخاف هههههههههههه احيك انت اكتشفت موهوبه جديده..
نظر مراد لعشق وغمز لها بعينه اليسرى وابتسم: لا وبتغير كمان.....
هنا وضحك الجميع بشده ع عشق التى تكاد تموت خجلا
عشق بإرتباك: ماما انا جعانه.. عاوزه ال... وقبل ان تكمل
سما بضحك: ههههههه عاوزه البشاميل والبانيه حاضر... انا عملالك صنيه لوحدك
سفقت عشق بيدها مثل الاطفال: بجد ي سوسو
سما بإبتسامه لصغيرتها: بجد ي روح ماما...
اكلت عشق ومراد.. بعد ان اكلو ذهبو وجلسو مع العائله...
عشق لليث: تيجى لعشق... تيجى.. ضحك ليث بطفوله وظل يقفظ ع قدم غرام...
عشق لغرام: هاتيه..
غرام: امسكى... بسم الله
كانت عشق تلاعب ليث...
بينما سما حبست دمعتها... لمحتها عشق وقررت الهدوء...
غرام بإبتسامه: ربنا يرزقك ي عشق
عشق بإبتسامه: ان شاء الله
مراد: يلا ي عشق هنتأخر...
ردت سما: خليكو انهارده..
مراد: معلش ي ماما عشان عمتو متبتش لوحدها.. وصح انا كلمت مريم لما صحيت بس عمر مكنش معاها...
سما: قالتلى ي حبيبى..
عشق بفرحه: فرحتلها اوووى ي ماما..
سما بصدق: ربنا يرزقها بإبن صالح ياااارب...
ابتسم مراد: ياااارب.. ورحلو
*****************
فى لندن.. رن جرس الباب فذهبت مريم لتفتح.. لتجدها لين ويوسف وسناء...
سناء بحنان وهى تحتضنها: ازيك ي كتكوته...
مريم بحب: الحمد لله ي تيته.. اتفضلو..
يوسف وهو يعطى لمريم الورد: اتفضلى..
مريم: شكرا ي خالو
يوسف: العفو ي سكره...
لين بغيظ: بطل تعاكس البنت بقا... جوزها ينفخك..
يوسف: هو انا مش نزلك من زور لى... متتخرسى بقا..
لين بغيظ: بس يالا بدل م عورك..
يوسف بدهشه: يخربيتك.... ع فكره انتى عايشه نص عمرك هنا جبيتى الكلام دا منين
لين: متنساش انى اصليه مصريه... فينك ي عشق.. انتى اللى بتقدرينى
هانت كلها شهرين وتروحيلها... نطق بهذه الكلمات عمر الذى دخل من باب المنزل...
لين: يااااريت ي خويا...
سناء: تعالى ي حبيبى وحشتنى اوووى
ابتسم عمر: وانتى كمان ي ست الكل
سناء: تعالى ي عمر.. تعالى... ذهب عمر اليها.. وعانقته بقوه...
يوسف: طب ع فكره انا ابنك... ها
سناء: بس ي ولا دا من ريحت اختكو.... وحشتنى اوووى...
مريم بعتاب: م انتى ي تيته اللى سبتيها...
سناء: بقالى 9 سنين نفسي اخدها فى حضنى...
عمر: م انتى ي تيته اللى مشيتى.. حتى فرح أحفادك التلاته محضرتهوش...
سناء بحزن: مش بإيدى ي ابنى... انا بعدت عشان سما هتفضل زعلانه منى عشان خبيت عليها جدك مات ازاى... وعشق عشان انا مش قريبه منهم... غرام سهل يتسيطر عليها... بس سما وعشق... الاتنين راسهم انشف من بعض..
عمر يضحك: عندك حق ههههههههههههههه
********************
فى الاسكندريه.. بعد وصول مراد وعشق الى قصرهم..
عشق: مراد انا نفسي اكل كيك بالشكولاته واحط عليه صوص شيكولاته
مراد: انتى فايقه صح.. هنلاقى فين اصلا ومين فاتح دلوقت وعمتو اكيد نايمه.. ومافيش حد من الخدم
عشق: بس احنا مش هنجيبه من برا
مراد: اومال منين...
عشق: فى البيت ي حبيبى...
مراد: هى اي نعم فكره مجنونه بس يلااا..
قفزت عشق بفرحه وركضت اليه وعانقته بقوه كطفله: انا بحبك اووووى
مراد بضحك: ههههههه وانا بموت فيكى.. يلا..
عشق وهى تمسك يده: يلااا
بعد مرور ساعتين من اللهو واللعب جهزت عشق الكيك ووضعت عليه الصوص
عشق هى تسقف بيدها: خلصنا...
مراد وهى يقترب منها: لا احنا لسه هنبدأ.. واقترب منها وطبع قبله بسيطه ع وجنتيها ووضع يده على خسرها وقربها اليه...
عشق بخفوت: مراد... انا عايزه اكل الكيك وسع...
مراد وهو يقبل وجنتها اليسري: انا باكل اهو...
عشق بتحذير: مررررراااد.. عييييب
مراد: عيب اي بس.. كانت فى شكولاته فعلا... وبعدين هو اي اللى عيب
عشق وهى تبتعد: احنا فى المطبخ...
غمز لها مراد بعينه اليسرى: طب مصبحيتنا كانت فى المطبخ
ضحكت عشق بكل صوتها
مراد وهو يضع يده ع فمها: يخربيتك هتجبيلنا بوليس الاداب
عشق بضحك: متخافش مراتك ظابط كبير في الدخليه هههههههههه
مراد وهو يحملها: انا هعرف دا...
عشق: مراد ونبى عايزه اكل الكيك..
مراد: بعد م اخلص
عشق: عشان خاطري....
مراد: لا.... وذهبوا الى رحلتهم... رحلت العشاق
********************
فى اليوم التالى.. استيقظت عشق مبكرا وجهزت نفسها و ذهبت عشق الى الطبيب محمد.. لكى تخبره ماذا يحب ان يقول...
عشق بجديه: السلام عليكم.. ازيك يدكتور...
محمد: وعليكم السلام.. خير بتشتكى من اي..
ابتسمت عشق وجلست: طب مش تعرف انا مين...
محمد قطب جبينه: مين مش فاهم..
عشق: الرائد عشق الشرقاوى.. مرات البشمهندس مراد العامرى...
محمد بذهول: انتى مرات مراد... اللى حمدى الله يرحمه وصانى عليه..
عشق: ايوه انا عايزه افهم الحاله بالضبط..
محمد: بصى ي بنتى.. انا لما قريت تقريره هو كويس جدا والفرصة انه يخلف قويه جدا بس دا بنائا ع تحاليل قديمه لازم نكشف عليه تانى...
عشق: لا اطمن هو هيبقى معايا بكره.. بس عايزاك تقوله حاجه لما النتيجة تطلع..
محمد: اكيد طبعا هفهمه ان الامل كبير و.... قاطعتنه عشق
عشق: لا انت هتقوله ان العيب منى انا وان الامل كبير لو انتظمتو ع الادويه..
محمد بصدمه:...
********************
اوبس الحلقه خلصت يااارب تكون عجبتكو
ياترى اي رد الدكتور محمد
ياترى عشق هتقدر ع كدا
ياترى مراد هيعمل اي
هنعرف الاجابه الحلقات اللى جايه استنونى
رواية وقعت في عشقك عشق
من تأليفى شمس محمد