وقعت فى عشقك عشق الجزء الثاني من رواية القلب و ما يهوى بقلم شمس محمد

الحلقه التالته

وقعت في عشقك عشق
الحلقه الثالثه
**************
انتفضت عشق عندما فتح الباب..
عشق بخضه: اي فى اي البيت ولع
غرام بغضب: لا لسه انتى مش قولتى انك هتكلمينى لما تيجى
خبطت عشق كفها ع جبينها: اخ نسيت.. معلش اصل الشغل كان كتير انهارده ومركزتش
غرام بحزن: ولا يهمك
عشق بتسأول: مالك ي بت فى اي
غرام وهى ع وشك البكاء: ادم مش كلمنى انهارده وانا قلقانه عليه وبتصل بيه مش بيرد
عشق بدهشه: نعم ي اختى.. انتى زعلانه عشان مكلمكيش يخربيت المحن... بت انتى انا مش ناقصه
غرام بغضب طفولى: انا غلطانه انى بكلمك اصلا
عشق وهى تحاول كبت ضحكتها: خلاااص اهدى بصى ي ستى انتى هتعمل....... بترت كلمتها عندما سمعت صوت هاتف غرام
غرام بفرحه: دا ادم...
غرام بعتاب: كدا ي ادم تسيبنى اليوم كله ومتكلمنيش
ادم بعتاب ظاهر: مش انتى اللى زعلانه عاوزه اي
غرام وهى ع وشك البكاء: هكون عاوزه اي يعنى مش عاوزه حاجه.. سلاام
ادم وقد ادرك انها على وشك البكاء: خلااص ي حببتى اهدى متزعليش منى والله م اقصد ازعلك
غرام وهى تبكى: ادم
ادم وقد شعر بخنجر يذبحه عندما سمع صوت بكائها: طب يتعيطى لى بس اجيلك دلوقتى
غرام وهى تبكى: لا الدنيا ليل وانا خايفه عليك
ادم بقلق: طب متعيطيش ممكن
غرام وازدات شهقات بكائها: لا هعيط انت زعلان منى والله انا كنت لسه هكمل واقولك بس عاوزه بادى عشان الفستان الكم شفاف بس انت مش ادتنى فرصه وزعقتلى وانت عارف انى عنيده ومش باجى غير بالهداوه
ادم: طب خلااص متزعليش فعلا انا غلطان بس مش كل شويه ي غرام تروحى للاهلك وتشتكى...
غرام وقد ازدات شهقات بكائها: انا... انا اسفه
حزن ادم بشده فهو يعلم اشد العلم انها مثل الاطفال ولا تأتى بالعنف او بالصراخ عليها...
ادم وهو يذهب اتجاه سيارته بسرعه لا يستطيع تحمل صوت بكائها: حببتى انا جايلك فى السكه
غرام وهى تبكى: لا الوقت اتأخر انا خايفه عليك
ادم: لا متخافيش 5 دقايق وابقى عندك
غرام بعند: طب هتفضل معايا لحد متوصل
ادم بحب: حاضر ي حببتى
بعد مرور وقت قليل... وصل ادم فيلا الشرقاوى
رأته غرام سيارته ابتسمت وسط بكائها وكانت ستركض ولكن ادم كان خلفها تماما
ادم بحب: وحشتنى
ابتسمت غرام والقت نفسها داخل احضانه وظلت تبكى وتعتذر
ادم بإحتواء: اششششششش خلاااص والله مش زعلاان
غرام وهى تبتعد عنه قليلا وتمسح دموعها بكفيها كالأطفال: يعنى انت مش زعلان
ابتسم ادم: تؤ مش زعلان
عشق وقد طفح بها الكيل.. صفرت عشق وقالت بصوت عال وهى ع السرير: الله الله عظمه ع عظمه ي ست هو دا الكلام...
نظر لها ادم بدهشه: انتى هنا من امته
عشق بسخريه: مطبعا الباشا مش واخد باله انى موجوده من بادرى بس هريحك انا هنا من اول الو.... ثم اضافت بسخرية اكبر: واضح كدا ان اوضى دى بقت ملتقى العشاق الصبح بابا وماما وبليل انت والهانم لا وكمان يبقو متخاصمين ويجو يتصالحو هنا... بجد والله انا بفكر ااجر الاوضه عشان اى اتنين متخاصمين يجو يتصالحو ويابجت من وافق راسين فى الحلاال.... ااااااه.. انت غبى ياللا.. قالت ذلك عندما وجدت الوساده فى وجهها
ادم: والله م اعرف انتى طالعه لمين اخواتك وماشاء الله متسمعيش صوتهم و خالى ومراته نفس الشئ وفى رقه كدا انتى بقا سبحان الذى سخر لنا هذا
عشق بسخريه خفيفه: اقولك ومتزعلش
ادم بغضب وهو يقترب منها: سمعينى
عشق بخوف مصطنع: چاكى شان فى نفسى
حاول ادم كبت ضحكته ولكنه لم يستطيع هو وغرام وانفجروا ضاحكين ع هذه المرحه
عشق بجديه مصطنعه: خلصتو اتفضلو بقا عندى زفت شغل وعاوزه اتخمد... قالت ذلك واغلقت الباب غرفتها فى وجههم...
ادم بضحك: البت دى مش معقول هههههههه
غرام وهى تضحك: هههههههه مش تربيتك ههههه مش قادره
ادم : ع فكره وحشتنى انهارده
غرام بخجل: وانت كمان
فتحت عشق الباب: اقسم بالله البيت مليان اوض ناقى اللى انت عاوزها وقولها وحشتنى برحتك بس ابوس صوابع ايدك صوبع صوبع عاوزه انام
دفشها ادم الى الداخل واغلق الباب
ادم: داكت القرف سديتى نفسى... هنا وانفجرت غرام فى الضحك متواصل دون توقف
ادم بغيظ: اضحكى اضحكى
*******************
فى اليوم التالى فى قصر العامرى كان يجلس ع السرير بجانب شقيقته...
مراد بحنان وهو يطعم شقيقته: يلاا عشان تكلى ي مريومه
بينما مريم فى عالم اخر.. لا تتحدث وتنظر امامها
مراد بحزن: طب حاسسينى انك سمعانى.. نفسي ترجعى زى مكنتى.. ثم اضاف بمرح هادئ: اي رأيك بكره اخدك الشركه وبعدين ع الملاهى
مريم: لا رد
مراد وهو ع وشك البكاء: عارفه ي مريم.. شكلك بقا شبه ماما خالص.. معادا لون عينك ولون بشرتك
نظرت له مريم وادمعت عيناها.. بينما هو اكمل.. ايوه ي مريم بقيتى شبها.. فاكره ماما كانت بتعمل اي لما انتى تزعلى منى... كانت تجبلك شيكولاته وتقولك مراد جبهالك بس مش راضى يجى عشان انتى زعلانه وانتى كنتى تيجى جرى تحضنينى وتقولى انك مش زعلانه وانك بتحبينى اوووى.. فاكره
كانت تنزل الدموع من عين مريم فى صمت.. احتضنها مراد بشده حتى نامت وتركها وذهب الى عمله ولكنه اوصى الخادمه الا تترك مريم حتى يعود
*****************
ركب مراد سيارته امسك الهاتف واتصل ع نبيل الذى انتفض
نبيل بقلق وخوف: مراد فى حاجه مريم كويسه
مراد: اهدى ي ابنى مافيش حاجه.. بقولك تعالى ع الشركه دلوقت انا رايح
نبيل: ي ابنى انا هناك اصلا الوفد البريطاني جه ومستنينك
مراد وهو يدير سيارته 10 دقايق وابقى عندك
نبيل: قشطه تمام
******************
فى فيلا الشرقاوى
سما تتحدث الى ابنتها: مينفعش كل متحصل مشكله تجرى ع هنا دا مينفعش
غرام بخجل: انا اسفه ي ماما
سما: انا مش بقولك عشان تعتذرى.. حببتى انا عشت عمر مع باباكى فى يوم شوفتونا فيه زعلانين من بعض
غرام: لا
سما: حببتى بصى فى كل بيت فى مشاكل وانا وادهم كمان كانت فى مابنا مشاكل بس مش بنبينها اودام اى حد ومكنش بيعدى يوم حصلت فيه خناقه مابنا وبنبقى مرتاحين لا بالعكس كان لازم حد فينا يصالح التانى انما مكنتش بجرى ل ماما واروح اقولها جوزى عمل.. مينفعش مش بقولك متحكليش لا ي حببتى احكى بس متسبيش بيتك لأى سبب وباردوا مش كل حاجه تتحكى دا غلط
غرام: انا اسفه ي مااما ومش هكرر دا تانى..
دخل ادهم الغرفه بوجه غاضب: جوزك مستنى تحت يلااا عشان تروحى
غرام بحزن وخجل وهى تقترب من ابيها: بابى انا اسفه
ادهم: لا رد
غرام هى تبكى: بابى انت زعلان منى..
ادهم: لا رد
غرام وقد بكت بحرقه: بابى عشان خاطري متزعلش منى والله هسمع الكلام وهبطل عند بس متزعلش منى
ادهم وقد رق قلبه قال بمرح: ربنا يكون فى عونك ي ادم مراتك نكديه..
غرام وهى تبكى مثل الاطفال: لا مش نكديه.. انت بتقف فى صالحه.. ع طول
ضمها ادهم اليه وهو يضحك: هههههههه خلااص متزعليش.. وانا مش زعلان
ابتسمت غرام: بجد ي بابى
ادهم: بجد ي روح بابى... ثم نظر ل سما وقال بجديه مصطنعه: لى
قطبت سما جبينها: لى اي
ادهم: لى ي سما لى
سما: لى اي ي ادهم
ادهم: لى عشق مأخدتش شوية رقه من اختها بدل دور جعفر اللى وخداه دا
عشق بمرح: فى حد بيجيب فى سيرة جعفر تدريجيا عرفت انه انا..
انفجرت سما ضحكا: اهه هى تقولك...ههههههههههه
شاركتها غرام غى الضحك: ههههههه صح ي مامى
عشق مقلده غرام: هييييييي صح ي مامى.. يخربيت محنك انجزى ياختى جوزك عاوزك تحت
غرام بغضب طفولى: بص ي بابى بتكلم ازاى
عشق بسخريه: با ايه ي عنيا.. متتعدلى ي بت..
ادهم بحده مصطنعه: عشق انتى فى البيت مش فى القسم.. احترمى اختك الكبيره
عشق: ونبى اسكت انت ي حج انت اصلا عاوز تضحك وماسك نفسك.. ثم نظرت ل غرام وانتى ي اختى يلااا مش عاوزه وجع دماغ من هركليز اللى تحت
حاولت غرام تنبيهها ان ادم خلفها ولكنها لم تفهم سوى عندما شعرت بأحد يامسكها من ثيابها مثل الحرامى
عشق بضحك: حبيب قلبى انت هنا.. شوف سبحان الله لسه كنت فى سيرتك وبقولها يلاا حبيبك مستنى تحت
ادم يحاول كبت ضحكته: لا والله يعنى مقولتيش هركليز
عشق ببرائه كاذبه: انا.. اللهى انطرش فى عينى واتعمى من ودانى واتخرس من منخيري وماتنفس من بوقى... محصل
نظى لها الجميع فى زهول
ادم بدهشه: يخربيتك انتى بوظتى الحواس اصلا.. قوليهم تانى كدا
عشق: وحياتك م اعرف... ثم اضافت بجديه.. وبعدين اي دا
الجميع: اي فى اي
عشق لأدم: دا منظر نقيب فى الدخليه لا وكمان المخابرات المصرية... انا بالمسكه دى حرامى من العباسيه
انفجر الجميع فى ضحك.. ثم اضافت
عشق وهى تتصنع التفكير: ادم
ادم بنفاذ صبر: اممممممم
عشق بجديه: لا بجد
قطب ادم جبينه: فى اي
عشق: مفكرتش تشتغل ظابط هتنفع والله
ادم: لا مفكرتش لى
عشق: اصل بصراحه تنفع العسكرى اللى بيمسك المجرمين من قفاهم... انفجر الجميع فى الضحك
ادم: والله
عشق: اه والله ي ابنى انت مسكت النقيب عشق الشرقاوى من قفها اقسم بالله تنفع
ادم بنفاذ صبر: غورى من وشي
عشق بغيظ: انا اصلا ماشيه عندى اجتماع يلاا سااامووو عليكووو
ادهم بدهشه: اقسم بالله خارجه من قهوه...
انفجر الجميع فى الضحك
*********************
فى مبنى المخابرات وتحديدا فى قاعة الاجتماعات كان الجميع فى انتظارها بعد وقت قليل تدخل بهيئتها الجديه
حمدى بسخريه: اقدر اعرف اى اللى اخرك كنتى بتظبتى نفسك ولا اي
عشق بغضب ارعب الجميع لم تستطع مدارته: دى حاجه تخصنى انا متخصكش ويوستحسن يبقى فى حدود لان حضرتك اللى عاوزنى ومحتاجنى مش انا وليكون فى علمك ي فندم الساعه دلوقتى 10:5 والخمس دقايق دول ضاعو عشان كلام مالوش اى تلاتين لازمه يبقى يوستحسن كل واحد يخليه فى حاله... نظر لها الجميع بدهشه... واكملت بجديه انا حطيت الخطه وواقفه ع التنفيذ
اللواء عدلى: خطة اي ي سيادة النقيب هو هيبقى فى خطه عشان تحمى واحد
عشق بجديه: ي فندم الملف اصلا مش موضح ولا حاجه الا حاجات بسيطه حضرتك عارف يعنى المخابرات والعمليات الخاصة يطلبو منهم ناس عشان يأمنو على واحد اولا دى مش شغلتنا دى شغلت الحرسات وضباط الحراسه مش احنا بس معنى ان حضرتكو اللى هتأمنو على مراد العامرى دا معناه ان الموضوع خطير جدا ومن الواضح فى الملف او الحاجه الوحيده اللى واضحه ان مراد العامرى مش هيرضى يبقى تحت حراسة بنت حتى لو كانت مدربه ع اعلى مستوى..
عدلى بإعجاب من ذكائها: كلامك مظبوط ي عشق.. بس افهم اي ان مراد العامرى مش هيقبل انه يبقى تحت حراستك...
تدخل حمدى بخبث: اللى فهمتو هى بنت ومش هتقدر تمسك المهمه
عشق بجديه صارمه: بس انا مقولتش كدا
عدلى بعدم فهم: لا فهمينى
عشق بجديه: تمام ي فندم بس قبل م اقول الخطه عاوزه اعرف الفريق اللى هيشتغل معايا...
قضب عدلى حاجبيه: اهم.. وبدأ يعرف عشق عليهم
دا الرائد على ودا الرائد اشرف ودا النقيب محمد ودا المقدم علاء
نظرت لهم عشق وبسرعه فهمت ان من احضرهم حمدى حتى يقلل منها
عشق: تمام ي فندم بس اللى انا شيفاه انهم كلهم رتبتهم اعلى منى ماعدا النقيب محمد
عدلى: دول اكفئ الضباط عندنا
عشق بجديه: مقولتش حاجه بس هما هيقبلو يسمعو اومرهم منى.... نظر لها عدلى بدهشه واكملت عشق: انا عارفه ان القائد المفروض يبقى المقدم علاء بس الفكره مش هتتنفذ الا اذا اللى حطها هو اللى بقا القائد وبالتالى نسبة نجاحها تبقى عاليا
عدلى بتسأول: بس انتى لسه قايله ان مراد العامرى مش هيقبل انه يبقى تحت حراسة بنت
عشق بهدوء: لو الخطه اللى فى دماغى تمت صح هيقبل وهو مرحب بالفكره جداااا..
عدلى بعدم فهم: انا مش فاهم حاجه
عشق: ي فندم نسبة نجاح الخطه 99٪ هتنجح
عدلى: طب وال واحد فى الميه راحو فين
عشق: الواحد فى الميه ي فندم لو حد خرج الكلام اللى هقوله دا برا الإجتماع وبالتالى الواحد فى الميه دا هيضيعنا كلنا عشان كدا طلبت انى اكون انا القائد
عدلى: طب سمعينا الخطه
عشق بجديه: حاضر......
*******************
خلصت الحلقه يااارب تكون عجبتكو
يااترى اي الخطه
وياترى هيفقوا عليها
استنونى الحلقات اللى جايه هتعجبكو ان شاء الله
رواية وقعت في عشقك عشق
من تأليفى شمس محمد