الثمن

كاعده بكل خيبه امل ؟؟!
منو جان يصدك راح توصل لهنا؟
فستاني الابيض الي حلمت بي طول عمري احسه خانكني ؟؟!
شلون بعد شويه اصير مرته وتجمعنه غرفه وحده

وهو مجبور بيه وماريدني .... احس الدنيا مغوشه وخنكه وصوت الاغاني العالي والناس الفرحانه
بعيده .... بعيده حيل عني هذا الفرح

جنت نايمه على السرير دموعي بعيني
تقرب من يمي وهو يبعد خصلات شعري عن اذني
باسني على طول ركبتي
صوت انفاسه الحاره احسها تضرب بكلبي مو بجسمي
جسمي قشعر واحس ارتخيت

رحت لحلم بعيد كل البعد عن الواقع
كسرجناحي بكلامه

"لو تموتين متصيرين زوجتي ياطفله "

بقيت مغمضه عيوني واحس الم وصل لروحي بعد ماتحمل لهنا وكافي !!!

نظراتي تروح بعيد وصوت الجلاب احسه قريب
دموعي تنزل واني ادك بالباب
وادعي بكلبي "ياربي يفتح !!"
الحديقه ظلمه واحس البرد فات لعظامي
"افتح حباب افتح راح اموت والله "
راح صوتي والرجفه لزمتني
حطيت راسي على الباب ودموعي تنزل