Mate

Ang El Mes pack ang kinikilala sa buong bansa bilang pinakamakapangyarihang grupo ng mga taong-lobo. Nagmula ang pack na ito sa sinaunang taong-lobo na nabuhay sa kasaysayan at kasalukuyang pinamumunuan ni Mason Finn Madden. Siya ay kilala bilang mabangis, matapang mahigpit at makapangyarihang lobo ng bawat pack na naninirahan sa bansa.

Ngunit sa hindi inaasahang pagkakataon, isang pack na hindi kilala at hindi pamilyar ang mapangahas na dumukot sa kaniya sa gitna ng kagubatan. Natagpuan na lamang niya ang kaniyang sarili na nakakulong sa isang selda habang napapalibutan ng mga taong-lobo na wala siyang kaide-ideya kung saan nagmula. Hindi siya makakilos sapagkat hindi basta ang grupong dumukot sa kaniya. Ang lahat ng tapang at pag-asa ay kaniyang pinanghawakan upang makatakas sa lugar na iyon, hanggang sa isang araw, isang babae ang pumasok sa kaniyang selda. Ang mga salitang lumabas sa bibig nito ay mga salitang hindi bibigkasin ng isang matinong babae sa lalaking nakakulong sa selda.

"Maaari mo ba akong pakasalan, Alpha?"