🔥وعد الظلام🔥(بالدارجة المغربية)

✏الجزء 19 ✏

🌻 وعد الظلام 🌻

💖 Nora & khaoula 💖

⏪⏪نرجعو لأيام قبل الخطوبة :

دازت من حالة نفسية محطمة مزال الخوف كينتابها كل ما كتفكر الخطف والرعب لي عاشتو كانت حياتها هادئة وعادية وبسبب مساعدة منها دخلات فكومة من المشاكل
مساحات وجهها بالمنشفة

شفاء : لو تعاود نفس الموقف غاندير نفس الحاجة قلبي ماشي قاصح باش نخلي ولد صغير ...

خرجات من الغرفة من بعد ما رمات عليها الشال بإهمال لقات زين وأريج كيتسناوها  فطرو فأجواء هادئة كيضحكو مرة مرة حتى سالاو وهو يتنهد زين ونظف حلقو : أحم شفاء من بعد هادشي لي وقع ليك ولينا كاملين منقدرش نخليك ترجعي لديك الدار غادي تبقاو هنا معايا نتي وأريج حتى نتهناو من دوك العصابة ..

شفاء شافت فأريج ورجعات شافت فيه : شوف ازين انا عارفة هادشي وفهاد الفترة ماغاديش نرجعو لدارنا انا واريج حيت ممكن يجو لينا فأي لحظة ولكن منقدروش نبقاو معاك فدار وحدة نتا خويا وخايف علينا ولكن احترامي لنفسي ميخلينيش غادي نلقاو شي اوطيل نجلسو فيه هاد المدة ...

زين : مستحيل نخليكم تبقاو فأوطيل وانا كاين ومتنسايش باباك موصيني عليك اذا بلاما تحاولي. ..

أريج معرفات ماتقول بيناتهم غير كدور فعينيها ..

شفاء : اففف زين الله يخليك ..اشنو غايقولو علينا ناس وجيران ..يلاه اأريج  نوجدو راسنا
ووقفات هي واريج ...

زين تعصب كيعتابرها ختو وروجولتو ماتسمحش ليك يخليها تلاوح فالاوطيلات وهو ينطق : إذا كاين حل واحد هو تزوجي بأجود ...

حلو عينيهم بصدمة والكلام وقف فحلقها

☆☆☆☆☆

عند أجود فالغرفة :

حاتم ملي فاق وهو يغوت ليه بشفاء بغيت شفاء ديني عندها ...

حتى دخلات عندهم كلثوم ومدة وهي كتهدر مع أجود حتى وقف وعلى ملامحو الغضب كيحس بالضغط من كل جهة وماعرف اش يدير

لالة كلثوم : الله يرضي عليك اولدي دير عقلك بغيت نشوفك مرتاح فحياتك قبل مانموت ..

خليني نشوف ليك مع بنت الياقوت لي فبرا حتى  هي مزال بنيتة  ديال راسها وعائلتها ناس مزيانين ..

مدة وهو ساكت ضاغط على فكو بقوة وعينيه ظلام ماعارف مايدير كيحس براسو فدوامة كاين فيها ولدو من جهة وماماه من جهة وشفاء والاحداث لي دازو عليهم غمض عينيه

زفر بقوة وعروقو تنفخو نطق بجمود  : ماكاين لاش انا عارف شكون غانتزوح بيها ..
لالة كلثوم وجهها تبشر : الله يرضي عليك اولدي ويفرحك كيف ما فرحتيني ..

ايه وشكون هاد بنت الناس ياكما كانعرفوها ..
أجود كيشوف من النافدة : كتعرفيها الواليدة شفاء ...

كلثوم بفرح : واش هاديك البنت زوينة ياك طبيبة لي كانت عندنا ...

أجود عقد حجبانو : كاين شي وحدة من غيرها ...

كلثوم : لووولوووي مايكون غير خاطرك اولدي هاني غانمشي نعلم باباك ...

مشات وهو هز تيليفونو كيزفر وماعارفش هاد القرار فين غايوصلو الحاجة الوحيدة لي عارف هو أنه غايكون زواج على الوراق فقط ومدة محددة ..صونا لزين وقاليه هادشي كامل باش يقولها ليها بقى كيتسنى الموافقة...

*****

بالعودة لشفاء لي مزال مصدومة من بعد ما ناض صداع بينها وبين زين حتى قاليها أن هاد الزواج غير شكلي وفترة مؤقتة حتى تستقر أوضاعها ويتهناو من العصابة ومنها نيت تعتاني بحاثم. ..

دخلات لبيتها هي واريج وقنعاتها أن هاد الزواج لمصلحتها وامان ليها أما أريج فماعندها  علاقة بالخاطفين يعني ماكاينش عليها خطر..

داز عليهم داك النهار صعيب صعيب يتقبلو زواج فجأة مكيعرفوش بعضهم وكيفاش تلاقاو كل واحد فيهم عقلووقلبو حاير ..

يوم الثاني قررات أريج توافق اه وافقات بغات الأمان وخا غير لفترة مبغاتش عائلتها يتشطنو عليها ويبقاو مخلوعين عليها فين ما مشات وعلى قبل حاتم لي مزال صغير ...

🔚 ونرجعو للحاضر :

غادي تكونو فهمتو مزيان دابا اشنو وقع وكيفاش غايتجمعو ابطال القصة ديالنا

❎فهل ياترى غادي تم هاد العلاقة على خير ؟

❎واشنو غادي يوقع بينهم ؟

أرائكم وتوقعاتكم 👀💓