🔥وعد الظلام🔥(بالدارجة المغربية)

🥀الجزء43🥀

✨وعد الظلام ✨

💗 Nora & khaoula 💗

فالبيت اجود كان فاق وكيوجد راسو باش يمشي للخدمة لابس لباس رسمي طقم اسود ورش عطرو الرجولي ...حتى تحل الباب ودخل حاتم كيحك عينيه وكيحلهم بزز ....جاي عندو بخطاوتو صغيورين ومزال فيه نعاس : بابا
اجود بابتسامة نزل عندو هزو وحاتم تكمش فيه مغمض عينيه : صباح الخير ولدي (كيشوف فيه )مزال فيك نعاس هههه
حاتم كيتغبن : امممم بابا جيت نعس حداك نتا وماما شفاء
اجود تسدو عينيه وهو كيضحك : هههههه حاتم ولدي وقيلة ضربك حمار ليل
شفاء كانت عند الباب تفرشخات بضحك ملي سمعاتو شنو قال اول مرة يهضر بهاد طريقة وهي مولفة عليه ديما الكلام الموزون : هههههه اجود عاود اشنو قلتي عفااك  🤣🤣🤣
حاتم هز راسو خلعاتو بضحكة ديالها : ههههه قاليا حمار ليل ..اشناهوا ابابا ؟ (شاف فيه ببراءة )
اجود كيضحك من قلبو نزل حاتم : سول ماماك هيا لي غاتعرف تشرح ليك هههه
حاتم مشى عندها هزاتو ووجهها حمر بضحك ...
اجود هو سوارت طوموبيلتو وتيليفون وغادي خارج حتى وقف حداها قرب لودنها ونطق : الضحك بزاف كيضر فالقلب باراكا عليك ... وخرج
شفاء فحضنها حاتم وكتبتاسم : يااربي انا قلبي ضرني غير من هاد زين وضحيكة اول مرة يضحك اححح انا اذووب 😭
حاتم كيخرح عينيه فيها : مقلتيش ليا اماماتي شنو هو حمار ليل 🙂
شفاء : واااعععععع ههههههههه  كيفاش غانشرح ليك هههه احم زعما هو حلم خايب كابوس فهمتي ؟
حاتم : اممم وهاد حمار ليل علاش ضربني
شفاء حلات فمها : هااااء
بدلات ليه حوايجو ومزال كتجاوب على الاسئلة ديالو البريئة ونزلو يفطرو ...
فنفس الوقت كان اجود قرب يكمل ماكلتو ...
لالة كلثوم : ولدي اجود ..وجهك منور ليوم مشاء الله اشنو سبب ؟
شفاء ابتاسمات ونزلات راسها من بعد ما شاف فيها وابتاسم
اجود : احمم بنورك الواليدة ...غير فقت ناشط ليوم
خديجة وكلثوم كيتغامزو وهوما كيشوفو النظرات لي فعين اجود لشفاء ...
وقف سلم عليهم يلاه غايخرج وهيا توقفو لالة خديجة (ام شفاء ) : بلاتي اولدي هاك دي معاك هاد المشروب راه صاوبتو بيدي فيه العشوب غادي يريحوك ملي تسالي الخدمة ديالك شربو ...
اجود دار نصف ابتسامة مكيعجبوهش العشوب ولكن مجاتش يخصر الخاطر لنسيبتو : واخا اخالتي شكرا ...
سي احمد : شفاء بنتي نوضي وصلي راجل للباب
شفاء : احم واخا اعمي ...وقفات دغيا اجود قدامها وهيا وراه غادين فالكولوار بصمت وقلبها كيضرب ....
حتى وصلو للباب حلو وخرج جوج خطوات وقف كانت غاتخرج حتى هيا حتى وقفها بيدو على خصرها : خليك لداخل الجو بارد ...
شفاء قلبها كيذوب بحركاتو الرجولية : اممم
اجود كيشوف فشفايفها : انا غانمشي ..احم ماغاتقولي ليا والو ؟
شفاء توترات : اا ...ا ..معرفت متقول قررات تنفد قربات ليه كثر وقفات على صبيعات رجليها ودورات يديها على عنقو ... وبحركة منو دور يديه على خصرها ...

حطات شفايفها على خدو بلطف خلاتو يغمض عينيه ويتنفس بعمق
بعدات شوية : بسلامة ... يلاه غاترجع لور حتى رجعها وطبع قبلة على جبينها خلات الفراشات يتحركو فكرشها