🔥وعد الظلام🔥(بالدارجة المغربية)

✏ الجزء 14 ✏

🌻 وعد الظلام 🌻

💖 NORA & KHAOULA 💖

زين : معرفتش واش تقبل ولا لا شفاء ماشي من داك نوع دالبنات لي عادي عندها ..ولكن غانحاول

أجود : اه واخا ... خاصني نمشي حاتم غادي يكون مشطون دابا ..غدا ونرجع عندك باش نهدرو فموضوع داك خينا ...

زين ( سلم عليه سلام رجولي): واخا وجيب معاك حاتم شحال ماشفتو توحشتو...

أجود ( ابتسم بخفة): مايكون غير خاطرك ...تهلا

وخرج ركب سيارتو وتوجه للفيلا...

مدة قصيرة ووصل حل ليه العساس بلاصا الطوموبيل وعطاه  السوارت ...دخل كان الليل بدأ يخيم. ..والهدوء دخل كيبان ليه سي أحمد ولالة كلثوم كيهدرو وحاتم فحضن جداتو وفيديه التابليت ديالو كيلعب .. ومقابلة معاهم امرأة عمرها تقريبا بحال لالة كلثوم ومن لباسها كتبان من الطبقة المرموقة ....

أجود : أحم السلام عليكم

الكل : وعليكم السلام. ..

حاتم كعادتو بفرحة حط التابليت ونقز كيجري عندو : بابااتييي واخيرا جيتي ...

أجود  هزو معنقو بين عضلاتو الكبار : البطل ديال باباه اشنو درتي ليوم ؟

حاتم كيشرح بيديداتو الصغيورين : انا

وجداتي صوبنا كيك بالشوكولا يااممميي ...
أجود ( ابتسم بدون شعور) : تبارك الله عليكم اذا غادي يكون لذيذ

حاتم بحماس : اه اه درناه على قبلك ...

أجود باس راسو ( بهمس ) : الله يخليكم ليا ياربي ...

كلثوم : على سلامتك اولدي أجي جلس معانا ....

حط حاتم وتوجه كيبوس لمو راسها ومن بعدها سي أحمد. .هادشي كلو تحت انظار المراة لي جالسة مراقباه بنظرات إعجاب يعلم الله فاش كتفكر ...

وصل ليها ومد يدو ...طلعاتو ونزلاتو وهو كيف عادتو جامد عندو غير المعقول ..بادلاتو السلام وهو مشا جلس مقابل معاهم وحاتم جلس فحضنو...

كلثوم : لالة ياقوت كنقدم ليك ولدي

أجود. .أجود هادي لالة ياقوت ...

أجود ببرود حرك غير راسو. .

الياقوت ( بمكر) : اممم ماشاء الله وهذا حفيدك ...

كلثوم : اه حفيدي حاتم الله يخليه ليا ...

الياقوت لاحت عينيها لأجود لي كيتفرج مع حاتم فالتابليت : ولدي أجود علاش مكتفكرش تزوج ؟

غير  سمعها زير على يدو كاع الأعصاب مجموعين عليه وداكشي لي داز ليوم بقات خاصاه غير هادي

يلاه بغا يجاوبها حتى تكلمات كلثوم : أحم غير مزال ماكتاب وولدي مزال مابغا يتزوج حتى يكبر حاتم شوية ...

الياقوت ( ببابتسامة ديال بزز) : ههه اه ولاد

هاد اليوم مبقاوش كيفكرو فالزواج عندي بنتي جوليا بسلامتها قرات وسلات ودابا كتعيش برا فينما نجبد ليها زواج تقول مزال مالقيت لي يعمر ليا العين ههه...

كلثوم : تبارك الله الله يخليها ليك ...

الياقوت : امين ...

أجود ( مافيه لي يسمع هاد التفاهات ) وقف

وستأذن منهم وطلع لبيتو مع ولدو ...

#####
فالغابة :

كيحل عينه بتتاقل كيبان ليه غير الضبابة وراسو دايخ تقاد وتكى على واحد الشجرة حط يديه مورا راسو لقى غير الدم
تفكر كلشي ولكن شكون هذا لي تجرأ يضربو ..

تعصب بالمزيان كاع داكشي لي خطط ليه تضرب فالزيرو كان باغي يدير شفاء طعم باش يتمكن من أجود ممكن كان يقتلو ..ولا يستغلها ويهددو بيها باش ياخد منو أسهم الشركة ...كانو عندو بزاف دالخطط باش ينتاقم منو ويعدبو ولكن ضاع ليه كلشي ..

هادشي لي مرضو ..وحتى واحد من رجالو مانفعو بشي حاجة ...جوج رجال غلبو دوك الرباعة لي حاط ههه ...

ناض بزز كيعكز بالشجر ويتعكل وينوض ركب طوموبيلتو وحقدو غير كيزيد ويزيد هاد المرة مانجحوش الخطط ديالو إذا غادي يبدل الطريقة...

عفط دغيا ونطالق فطريق المجهول ...

###
فدار زين :

شفاء لي بكات  حتى عيات  داها نعاس فخضن أريج لي غطاتها وخلاتها ترتاح ..
شفاء بنت هادئة بزاف حياتها بسيطة اه عندها مشاكل ولكن كتجاوزهم بإيمانها وتفاؤلها فالحياة

عندها عائلتها الصغيرة اصدقائها وخدمتها فقط

كانت صدمة ليها انها تشوف العالم الآخر لي فيه غير الشر والحقد والانتقام دخلات بنيتها نقدات طفل من بين يدي وحوش ويمكن لو تطيح فنفس الموقع غادي تعاود تنقدو حيت ضميرها وقلبها الحنين ميخليهاش تتجاهل  الموقف ...

وهادشي كانو عندو عواقب وشكل عليها خطر تخطفات باش تكون طعم لإنتقام ...دازو كاع الأحداث عليها ...عينين يوسف لي باين منهم الحقد وفنفس الوقت الألم. ..صوت الرصاص لي مزال كيتعاود فمسامعها دب الرعب فجورحها...

غير لقات حضن دافئ يحسسها بالامان نفسات على قلبها بالبكاء ...واستسلمات للنوم ...

###
 
حتا انا غانستسلم للنوم 😅 عييت الفتيات حتال غدا ونكملو ...
# يتبع ❤

توقعاتكم ومتنساوش vote ⭐

# good night 👀