🔥وعد الظلام🔥(بالدارجة المغربية)

✏الجزء 21✏

🌻وعد الظلام 🌻

💖 Nora & khaoula 💖

نمشو لبلاصة بعيدة على البلايص لي عايشين فيهم الأبطال ديالنا ،

وبالضبط فواحد الكريان كاينة فيه واحد البنت عايشة مع باباها فداك الخلا غير فواحد البراكة

إسلام محيحة مع واحد البرهوش كايسرق ليها التفاح خامج گاع مايتكل ضاير عليه الدبان ومزال محافظة عليه وبلا حشمة بلا حيا

كاتبيعو لناس وتقول ليهم راه زين ولونو هاكا داير حيت طايب مزيان وحتى هوما من نيتهم كايخدوه

هداك البرهوش هاز التفاح بين يديه وكايجري ودبان تابعو وإسلام سروالها بحال الخنشة وزيفها طاير فالسمة وهازة على حوايجها وتجري فداك الغيس 

إسلام: وقااف وقاااف المطوط ياخانز رجلين سرقتي ليا رزقي وااااااميمتي تفيفيحاتي مشااااو ويكويك أعباد الله رزقي ضاع

البرهوش خلاها تغوت وهرب بحال النمس مابقاش بان

حميد بابات إسلام: وديك المسخوطة تي زيدي دخلي لعشتكم راه مفيا لي يخرج عندك وهداك التفاح گاع مايتسمى تفاح أصلا

گالس كايضرب فالبيصارة ومسرح رجليه فالأرض..

إسلام رجعات لدار بغات تموت بالفقصة : واااا الواليد تا مال قلبك بارد هاكا 😑😒

 سي حميد : يخزيت ماتخلو بنادم يعيش شبابو..

إسلام كاتشوف فيه ديك الشوفة ديال من نيتك: الواليد واش البيصارة طلعات ليك السخانة ونوووض جمع الماعن خليني نمشي نبيع دوك التفيفيحات لي بقاو

سي حميد : گفض على حوايج وهز عكازو ومشا بكل برود :مالي خدامة عندك جمعي ماعنك وخليني نمشي نتفرج ونعيش حياتي 😒

إسلام: الله ياربي الله على زهر وناضت جمعات الماعن ولبست سروال عريض وكاشف وواحد القبية ديال سي حميد يشوفها لابساها يدبحها واخا مافيها مايتشاف ومشات دافعة واحد الكروسة فيها كيلو تاع التفاح واخا هو ماشي تفاح وتغوت فالزناقي ولكن مكاينش لي حشاه ليها 😒

صافي طلع ليها الدم ورجعات لدار ملقاتش سي حميد

إسلام: أويلي هذا فين مشا تاني مامولفش يخرج

وخرجات تجري برا سولات واحد الشارفة قالت ليها يلاه خرج..

مشات كاتجري وتقلب عارفاه مزعزع ويقدر يدير شي موصيبة

إسلام:  أويلي الواليد فينك فهاذ الليل
واحد الشوي حتى كاتسمع شي مرا كاتغوت..

مشات كاتجري حتى كاتلقاه شاد فديك المرا وحالف لطلقها

سي حميد : تعالي تعالي معايا تولي مرتي ونمشو لتركيا ونولي أنا كمال ونتي منار
المرا مسكينة شاداها الخلعة ومابقا ليها والو وتموت بالخلعة

سي حميد :وتي غير تعالي ندوز انا وياك شهر العسل فالمانديف

وإسلام تجر فيه فديك الظلمة والمرا تغوت وهو مابغيش يطلقها

سي حميد : عيشك عيشك غير يلاه معايا راه عندي فيلة والطموبيل تعيشي بخير

إسلام: والواليد وتا طلق المرا ونتا كاضرب غير البيصارة ليل ونهار حتى خرجت عليك وكاتقول لمرا عندك الڤيلا ومعرت شنو

لمرا : وااااااااااع واااعتقوووووني وبغا يقتلني ويكويك أعبااااد الله عتقوووني

�
إسلام :تقبت ليها ودنيها وهي تسرفقها حتى سقلات وسي حميد فاق وطلق منها ودار لإسلام والجنون فوق راسو

سي حميد : ضربتيييي ليا مرتي الحقيرة وشاد ليها فشعرها

إسلام كاتغوت: طلق طللااااق الوااليد راه غانصدقو فشي طاب وشي ماطاب

المرا مسكينة فرحات.. هزات على جلابياها وهربات

سي حميد رجع لحالو مهدن : بنتي إسلام زيدي لدار راه تعطلنا

إسلام كاتشوف فيه بإستغراب : واش من نيتك يلاه كنتي كاعي على قبل مرتك.. زعما هاديك المرا

سي حميد : زيدي أبنتي قدامي راه واقيلا تزعزعتي...

# يتبع 💞 👀

أرائكم وتوقعاتكم البنيات 😉

وشكرا بزاف على تفاعلكم كنحبوكم ههه وهاد البارت كتباتو حبي نورة 😂