🔥وعد الظلام🔥(بالدارجة المغربية)

🌼الجزء 55🌼

✨وعد الظلام ✨
💗Nora& khaoula 💗

اشرقت شمس الصباح ...حلات عويناتها ...حسات بالغثيان بعدات عليها حاتم بشوية وخرجات من الغرفة ديالو كتجري فإتجاه الحمام ...
دخلات وحلات الباب محلول ...كتحس بمعدتها مقلوبة
فاش كتفيق...هذا هو الحمل ...مزال كتقيا ...حتى حسات بيدين كيجمعو شعرها  لفوق  ...كان اجود لي جامع شعرها بيدو مخليها تاخد راحتها ...غسلات وجهها بهدوء ووقفات ...طلق شعرها ينزل على طول ضهرها وخدا منشفة ...وقرب ليها ...بهدوء كيطبطب على وجهها ورقبتها لي نزل عليها الماء ...
اجود كينشف ليها وفنفس الوقت كيهدر : خاصنا نشوفو طبيب ... كتباني ليا مريضة ...
شفاء بعدات عليه شوية : انا ممريضاش هادشي عادي فهاد الفترة ديال الوحم ...
اجود حط المنشفة من يدو وشاف فيها بنظرة خوف : ولكن ضروري خاصنا نتأكدو ...ماباغيش توقع ليكم شي حاجة ( حط يدو على كرشها)
شفاء تعصبات وضربات ليه يدو : قلت ليك مغادي يوقع ليا والو باراكا ما تقارنني بيها ...ليلى ماتت الله يرحمها هادشي مكيعنيش حتى انا غادي نموت بنفس طريقة
انا ...(حسات بدوخة والارض دارت بها ) اجود دغيا شدها لعندو : اششش تهدني وتنفسي مزيان ...(كيدوز يدو بحنان على شعرها وهيا كتغمض عينيها وكتحاول تحلهم باش تسترجع وعيها..
اجود ضامها لحضنو وجهو فوجهها نيشان : نساي كلشي المهم هوا تكوني نتي بخير ...(حط شفايفو على جبينها على شكل قبلة )

كلثوم : احم احم ...عصافير الحب اشنو كديرو هنا 🙂
شفاء بعدات عليه دغيا حشمانة من لالة كلثوم وكتقاد فشعرها بحرج ...
اما اجود فا واقف عادي وتايق فراسو هههه مكيدير حتى حاجة حرام هادي مراتو بطبيعة الحال ...
كلثوم ابتاسمات : على سلامتك ابنتي ...كنت خايفة لما ترجعيش لينا وحنا ولفناك وولدي أجود مقدرش على فراقك ...
شفاء نزلات راسها وكتهدر فداخلها: كون بغاني ديال بصح كون قالها ليا ...ولكن انا بقرة

اجود قرب عند مو باس راسها : الوليدة تهلاي فشفاء وفحفيدك لي جاي فطريق ...
كلثوم حلات فمها بصدمة والفرحة : واش بصح اولدي غايتزاد عندنا حفيد جديد ..
شفاء ابتاسمات : انا حاملة ...
كلثوم عنقاتها بقوة : الله يرضي عليك ابنتي فرحتيني الله يفرحك ....( عينيها دمعو وشدات يد اجود وشفاء مع بعضياتهم ) الله يخليكم لبعضيااتكم ويخليكم ليا ...ونتي ابنتي  ..راك شفاء لهاد العائلة من نهار دخلتي لهاد دار تبدل كلشي للأحسن ...انا غادي نمشي نعلم سيدي احمد ..اكيد غادي يطير بالفرحة ...

مشات وخلاتهم واقفين يديهم مشابكين ...شفاء جاتها لحظة ادراك نفظات يدو مخنزر فيه ومشات من حداه

اجود بقى غير حاضيها وكيبتاسم تنهد براحة : واخيرا شفتك فداري وكدوري حدايا...وغادي تكوني ام اولادي

تحرك ويدو فجيبو : ولكن خاصني معاك صبر اشفاء صبر هههه

******

إسلام لي فاقت بكري ناضت كتوجد ليه الفطور بمساعدة الخادمات ...فجو ديال الضحك والهدوء تعرفات عليهم كاملين بحكم هيا شخصية اجتماعية وحمييمقة ... واقفة كتمتل ليهم شخصية يوسف وهو معصب وكيغوت ههههه كتبدل صوتها بحالو وهازة فيديها المقلة ...
شافتهم مضحكوش ليها وهيا تعجب : مالكم مصدومين زعما عجبكم التمتيل ديالي هيييهي 😭🤣