🔥وعد الظلام🔥(بالدارجة المغربية)

✏الجزء 11✏

🌻وعد الظلام 🌻

💖 Nora & khaoula 💖

نهار جديد بأحداث جديدة من بعد ليلة سوداء دازت على الأبطال ديالنا ... أريج بقات عند

زين فدارو داها نعاس وهي فالفوتوي غطاها زين وهو نعس فبيتو من بعد ما قاليه زين انه غايتكلف بالموضوع ديال شفاء ...

حل عينيه على صوت المنبه نعس غير ساعات قليلة كيكمش فعينيه بثعب كيحاول يبعد حاتم من حضنو بلاما يفيقو ونجح. .

دخل للحمام وهو كيمدد فعضلات جسمو باش يصحصح .. خرج لبس حوايجو ستيل رياضي  رش عطرو الرجولي باس حاتم غطاه ونزل

لتحت مشا للكوزينة الخدامة كتوجد الفطور حل تلاجة خدا بعض الفواكه قطعهم حطهم

فصحن وجلس كيكاكلهم تحت أنظار الخدامة لي ملي دخل وهي مراقباه ثارها العطر ديالو

لي فاح فالكوزينة مداهاش فيها وهي تبدا تقاد فحوايجها ومشات عندو كتعيوج : أحم

سي أجود محتاج شي حاجة نصوبها ليك؟ 

أجود هز فيها راسو طلعها ونزلها بنظرة

استهزاء : إلى حتاجيت شي حاجة كنديرها راسي..( نزل راسو كيكمل ماكلتو ) تقدري
تمشي. ..

الخدامة زيرت على يديها حسات بالقمعة لي عطاها من نهار جات وهي كتحاول تتير

انتباهو ولكن هيهات ماعارفاش كيف دايرة شخصيتو واشنو داز عليه. ..

خرجات من الكوزينة وهي كتغدد بالفقصة مشات تبردها فالجميع ههه. ...

 خرج من تما من بعد ما كمل وداز على الصالون فين جالسين لالة كلثوم وسي احمد

لالة كلثوم : صباح الخير اولدي فين غادي اجي فطر معانا. ..

زين باس على يديها ونتاقل لسي احمد : صباح النور الوليدة راني كليت شي حاجة غير

بصحتكم عندي شي غراض. ..

سي أحمد : الله يوفقك اولدي

أجود وهو غادي : امين الواليد بسلامة ..

كلثوم : بسلامة ...

خرج ركب السيارة ديالو وفطريقو اتاصل بزين يعلمو بمجيئو

###
عند زين فدارو أريج  داها نعاس وهي

فالفوتوي غطاها زين وهو نعس فبيتو. ..

فالكوزينة كيوجد الفطور حتى دخلات عليه

أريج باقة مقلوبة بالنعاس : صباح الخير. ..

زين كيشوف فالشكل ديالها وشاداه الضحكة : صباح النور وخا لي صبح على هاد الحالة

مغايدوزش نهارو مزيان هههه 😅
أريج حكات عينيها مزيان وخنزرات فيه : لهلا

يحييك علاه مالها كيف جاتك حالتي 😒
زين : ههههه لا مامالها والو غير خلعتيني
وصافي 😂

مشات كاضرب برجليها لعند المراية شافت
حالتها وهي تخلع هههه كان زيف مخربق

خرجو ليها شي شعيرات والايلاينر ساح

فكمارتها غير باندة محطوطة. ..قادات حالتها دغيا ورجعات عندو كشوف فيه غير بنص

عين 😑
وهو بزز حابس الضحكة ههههه

زين : اجي اجي تفطري ☺

جلسو  كيفطرو حتى طاحت ليها فبالها شفاء

وهي تقفز : زين زين نسينا شفاء اشنو نديرو خاصنا نقولوها للبوليس هوما لي غايلقاوها ...
زين : أريج سمعيني مزيان هاد الموضوع

مخاصوش يوصل للبوليس ..أحم شفاء راه مخطوفة ..

أريج : كيفاااش ...وشكون خطفها  وعلاش😵
زين : خطفوها هادوك لي حاولو يخطفو حاتم. ..

أريج : الله ياربي على زهر عندها هيء😭

زين : متخافيش مدام هوما شافوها مع أجود ميقدروش يأدوها غايحساب ليهم  عندها

علاقة بيه ...غير مجرد تهديد بغاو منو شي حاجة أخرى

أريج :  واش كيعرفهم واشنو بغاو منو ...

زين : كنشكو انه شي منافس قديم للشركة وأجود هو لي عارف ...

قاعطهم الاتصال ديال أجود علمو انه غايجي ...ماهي ايلا مدة قليلة ووصل ...

#####

فتحات عينيها بتثاقل رموشها الطوال وعيون البن كتحس بعياء كبير وألم طفيف فظهرها  كمشات عينيها على إثر اشعة الشمس ...

دخل أحد الرجال ديالو كيفتح النوافد ويزول الستائر كان مكان كبيير وخاوي فيه غير فوتوي والكرسي لي جالسة فيه شفاء ...

قدو قد البغل لابس غير الأسود والسلاح دايو فالسمطة دالسروال توجه عندها كيفك ليها فيديها

كيحل فيهم وهي بدات كدور عينيها وافكار الهروب بدات تسلل لدماغها ...

غير حسات بديها ترخاو وهي ضربها بجرية عند الباب لقاتو محلول ..غفلاتو وهو يدهشر جبد سلاحو وتبعها كيجري خرجو من الباب ديال ديبو

الرجل : اييه وقفي وقفي ...

شفاء كتجري بكل مافهجدها خرجات فغابة غير الشجر والدنيا كتصفر قلبها كيضرب فالتسعين كتسمع غير صوت داك الحارس تابعها ...

شفاء : ياربي تعاوني ياربي هيء هيء ...
الحارس كيجري وكيوجد السلاح فيديه ...

في لحظة صمت تسمع صوت الرصاص فالارجاء شي لي خلاها تعكل وطيح ...

# يتبع ⏪👀

توقعاتكم وآرائكم بنوتات 💞😍