🔥وعد الظلام🔥(بالدارجة المغربية)

🌼الجزء 59 🌼

✨وعد الظلام ✨

💗 Nora & khaoula 💗

تحل الباب بشوية ودخل برجيلاتو حافيين وكيمسح عينيه من نعاس ... كان ضوء باين شوية فالبيت شي لي خلاه يشوف ناموسية فين كاينين ماماه وباباه ...
ابتاسم بفرح ومشا كيجري نقز فالسرير بيناتهم حتى شفاء ناضت قافزة من حضن أجود ....
جامعة حواجبها بإستغراب وكتحل عينيها بوشية ...رجعات شعرها وراء ودنها...توضحات ليها الرؤية ملي شافت حاتم ابتاسمات وبانت الاشراقة على محياها...
أجود حل عينيه ومزال متكي ...كيشوف هاد البرهوش ديال ولدو فيقو من نعاس على غفلة ...
حاتم تلاح على شفاء معنقها : صباح الخير ماماتي ...
رجع لور ومزال حاط يديه على شعرها وكيباستم ببراءة : توحشتك ...وقرب باسها على خدها ...
شفاء عينيها لمعو بحب والضحكة مرسومة على وجهها عنقاتو بحرارة : ولدي انا ....توحشتك كثر ...( كتطبع قبلاتها الناعمة على راسو ) كنبغييك الحبيب ديال ماما (غطسات راسها فعنقو ) اخخخخخ توحشت انا هاد ريحة ....
حاتم كيضحك وكيتهرب حيت حس بدغدغة : ههههه عفاااك ماماتي صافي ..صافي
شفاء كضحك وكتزيد دغدغو : ههههه ولكن انا مشبعبتش منك اشنو ندير ؟
حاتم : هههههه
فهاد اللحظات كان أجود عاقد حواجبو وكيراقبهم بصمت ...واش دابا تهنى من كلشي وغادي يبدا يغير من ولدو ...نطق بصوت مبحوح : صباح الخير ...زعما ايلا ساليتو ليا !
شفاء وحاتم شافو فيه وبقاو ساكتين شوية وهوما يتفرشخو بضحك : هههههههههه صباح نووور
حاتم قرب وطبع بوسة على خد باباه ...أجود حضنو كيلعب بشعرو...: البطل ديالي ...متوحشتيش باباك ؟
حاتم تخشى فيه وكيبان صغيور فحضنو ...وسط العضلات القوية ديال باباه : توحشتك بزاف ابابا ...ولكن كنت كنمشي للاكريش مع الاطفال بحالي ... كنقراو وكنلعبو بزااف ...
أجود ابتاسم : امممم برافو ولدي ...يلاه سير بدل حوايجك وغسل وجهك باش نفطرو ...
مشا حاتم كينقز ...شفاء حيدات عليها الغطاء ووقفات حتى حسات براسها تجرات بعنف حتى كانت تحت منو
راد بالو معاها حيت حاملة وخا زرب عليها هههه...
مخنزر وصوتو قاصح : هاد رومانسية ديالك كتبان غير مع حاتم ...وقدام باباه كتولي بحال القطة ...
شفاء مخرجة فيه عويناتها ببراءة ...قريب ليها لدرجة كبيرة حتى كتحس بأنفاسو دافئة على البشرة ديالها
نطقات بصوت خفيف : احمم حاتم راه ولدي ...و ..خاصو ضروري يحسن بالحنان ديالي ...
أجود رخى جسمو باش يتقل عليها وهدر : وقيلة انا راه راجلك وحتى انا خاصني نحس بهاد الحنان
شفاء وجهها ولى حمر : اااخ اجود المغياار راك بجغتيني
واااع ونوض راه غاتخنق ليا ولدي وهو مزال بيبي
تهز عليها شوية حتى تنفسات : اووووف
أجود كيشوف لشفايفها : ودابا نوبتي نجربو الحنان ياك ؟ (غمزة ومع نصف ابتسامة حتى بانو انيابو المثيرة )
شفاء فهمات قصدو بدات كدور عينيها : اممم دابا حاتم كيتسنانا ...ياك ؟ ...و خاصنا نفطرو ..احم ..و خ...
أجود قاطعها بصوت زعزعها : شفاااء
قفزات وخرجات فيه عينيها : احم واخا واخا غير تهدن
يا بسم الله ...( دورات يدياتها الناعمين على عنقو شي لي خلاه يغمض عينيه كأنه اقشعر من لمساتها ...وكانت هكا دائما ...غير لمسة منها كتحرك فيه الأحاسيس المدفونة ...) نزل عندها شوية حتى حس بطراوة شفايفها على خدو ...ابتاسم وهو مستمتع بهاد اللحظة
شفاء من حبها لهاد الرجل لي سلب قلبها ... انتاقلات للخد الاخر بهدوء كتطبع عليه شفتيها ... ترفعات بشوية حتى وصلات لعينيه مغمضين مزينينهم شفارو السود
قبلاتهم بحب ...ثم جبينو...وختماتها بقبلة خفيفة على شفايفو ...ورجعات تكات قلبها كيضرب ...ووجنتيها حومر ...حيت قليل فين كتبادر من عندها ...الخجل كيسيطر عليها ...وفالغالب كيكون هوا المتحكم دائما
أجود حل عينيه والنظرة ديالو خلاتها توثر ...عينيه نايمين ...وعلى وجهو شبه ابتسامة ....دفن وجهو فرقبتها بحال شي طفل صغير كيحاول يتخبى فماماه باش يحس بدفئ ديالها ....
أجود كيستنشق عطرها ونطق بصوت رجولي : توحشتك
شفاء كتحاول تهرب حيت عارفا ايلا زادو شوية مبقاش غيطلقها : احمم نمشيو نفطرو ؟
أجود عضها حتى غوتاات : ااااح وحشومة عليك ا أجود
اجود هز راسو كيتغدد : مزال مدرنا والو وبديتي بأااح
شفاء : علاه اش غانديرو ؟
اجود ناض عليها ووقف : نوضي نفطرو حتى ليل وتعرفي اش غانديرو ....