🔥وعد الظلام🔥(بالدارجة المغربية)

🌼 الجزء 57 🌼

✨وعد الظلام ✨

💗 Nora & khaoula 💗

هاااي بناااتي سمحو ليا عارفة راسي كنتعطل عليكم بزاف هاد الفترة ولكن راه لفاك لي واخدة ليا وقتي والامتحانات قربو ف ملي كيتقاد ليا المورال كنرجع نكمل ....شكرا على الحب ديالكم بييزرو 🥺😘❤️

__________________

نهار جديد على القصة ديالنا لي مليئة بالاحداث ....

كتحل عينيها بشوية وسط الغرفة ...كتكسل باش تمدد عظيماتها وتفوه ... حطات يدها على كرشها وعنينها فسقف ...وترسمات إبتسامة على وجهها ....كل نهار كتفيق فرحانة ملي كتفكر انها غاتولي ام ... وأنها كتحمل فأحشائها جنين صغيور غادي يعمر عليهم ...جنين من صلبها ومن الرجل لي كنبغيه وتحماق عليه ....
قاطع تفكيرها ملي نزل عليها بقبلة حنينة على شفايفها ونطق بصوت هادئ : صباح نور ...
أريج ضحكات وتقادات فالجلسة: صباح الخير احبيبي ... غادي للخدمة ؟
زين جلس فجنبها على سرير وكيرجع شعرها وراء ودنها : ايلا بغيتي !
أريج عنقاتو وكتغبن : انننن ولكن غادي نتوحشك ...
زين كيضحك وكيدوز يدو على شعرها : هههه حتى انا اعمري غادي نتوحشك ونتوحش ولدنا ....
أريج بعدات عليه وشادة وجهو بين يديها : اهااه ؟ وشكون قاليك غايكون ولد ؟ ..انا بغيت بنت ...
زين ابتاسم وجرها عندو كثر وجلسها فحضنو : بغيت ولد ...باش منين منكونش انا يعوض بلاصتي...ههه ولدي يبقى راد ليك البال ...
أريج كتعوج شفايفها : امممم ولكن علاش متكونش نتا ؟ وأصلا حتى واحد ميقدر يعوض مكانتك عندي
زين ابتاسم ونزل راسو بإحباط : عارف ..عارف ..غير هو ..احم نتي عارفة المرض ديالي ...القلب عندي فأي لحظة يقدر يغدر بيا ..ههه ...وايلا خليت مورايا راجل من صلبي يحميك ...غانكون مرتاح ...

أريج ضربات صدرو بيدها كتغبن عصبها بهدرتو : واش باغي تحمقني نتا ... متبقاش تقول هكا ...( جراتو من كول القاميجة لي لابس ) شوفيا كنهدر معاك ...
زين تنهد وهز راسو عينيه فعينيها ....
أريج كملات : انا بغيت نعيش معاك كل لحظة من حياتي ونسمتمع بيها ...حتى واحد ماعارف شكون غادي يموت الاول واش انا ولا نتا ( زين غير سمعها وزير على خصرها بيديه كأنه باغي يبعد عليها الأذى بأي طريقة )
غادي نبقاو بزوج حتى نولد ونكبرو ولدنا وندخلوه المدرسة ...ونعيشو معاه اول خطوة يخطيها ...وتسمعو اول مرة يقوليك بابا ....ويكبر بيناتنا انا وياك ...( شبكات يدها مع يديه ) مستحيل نخليك تمشي وتخليني ...مزال بزاف دالاحلام نحققوهم ... وأصلا هادشي عندو علاج ...وغادي نمشي انا وياك باش تعالج

زين عينيه دمعو وضمها لصدرو بقوة ...تأكد انه ختار البنت المناسبة فحياتو ...رغم مرضو وافقات عليه ومتخلاتش عليه ... كيبغيها ...بل اكثر ...يقدر يدير أي حاجة على قبلها وعلى قبل باش يشوفها مرتاحة ....
زين : كنبغيك ...
اريج ضحكات وسط دموعها : وانا كثر احبيبي ...الله يخليك لينا ...( حطات يدها مع يدو على كرشها ) ....