🔥وعد الظلام🔥(بالدارجة المغربية)

🌼الجزء 51🌼

✨وعد الظلام ✨

💗 Nora & khaoula 💗

فألمانيا وبضبط فمدينة برلين من بعد ما دازو اسبوعين بسرعة ...كانت كتمشى جنب البحر لابسة مونطو طويل مدفي ليها كامل جسدها بحكم الجو بارد بزاااف ضامة نفسها بيديها وعينيها على انعكاس الأضواء بالموجات ديال البحر حطات يديها على بطنها وابتسامة على وجهها
شفاء : ولدي ولا بنتي ....نتا أحسن حاجة وقعات ليا فحياتي ...( هزات راسها للسماء ) حتى قلت حياتي تدمرات ولكن ربي رزقني بيك باش تونسني..  
تنهدات  وكملات بصوت حزين ....معرفتش واش غاتقدر تسمح ليا اولدي حيت بعدتك على باباك ولكن كنت مضطرة ونتا من بعد غادي تفهمني ....

كملات طريقها كان البحر خاوي من ناس بحكم كان البرد وليل ...وحتى ايلا كانو ف ميكهتموش بوجودك حيت كل واحد داخل سوق راسو واهم حاجة الامان...
كانو شي دريجات تما طالعة فيهم بشوية حتى فلتات ليها رجليها وكانت غاطيح شهقات بخوف وأول حاجة جاتها فبالها هيا كرشها قلبها كان غايوقف حتى حسات بشي يدين قوية جراتها من دراعها حتى تباعا قدام

هدر بصوت رجولي ( كيهدر بلونغلي بحكم حتى هوا ماشي ألماني )
**(I got you I got you...أمسكت بك

شفاء استرجعت نفسها وهيا حاطة يدها على بطنها : thank you (شكرا لك )
طلق من يديها بهدوء ورجع لور كيعدل الكوستار الاسود ديالو لي جاه عبار 💪 طويل ومعضل ياختي كيبتاسم ليها ولاحظ الخاتم لي فيدها ...
**: Are you okay? ( هل انتي بخير )
شفاء ابتسمات بهدوء (yeah I'm fine شكرا بزاف)
**عقد حواجبو وكيبتاسم بسنيناتو البيضين : واش نتي مغربية ؟
شفاء ضحكات من هاد صدفة العجيبة : هههه يعني حتى نتا مغربي ؟
** ياس انا مغربي هههه، ....(مد يدو ليها ) انا سميتي قصي ..ونتي ؟
شفاء : متشرفين .(بادلاتو سلام بيدها ) وانا شفاء
قصي (بصوت خفيف) : شفاء ...
رجعات يدها بلباقة: تشرفت بمعرفتك ( وتحركات من حداه غادية )
قصي دار بانت ليه غادية داير يدو فجيوب سروال ومراقبها والابتسامة ممفارقاش وجهو
شفاء كتسنى فشي طاكسي يحس ومكاين والو !
قصي : احمم نقدر نوصلك ايلا بغيتي
شفاء دارت عندو : شكرا مبغيتش نعدبك معايا غادي ناخد طاكسي
قصي : بالعكس مكاين لا عذاب لا والو ...ليل هذا منقدرش نخليك بوحدك هنا ..احم راك عارفة
شفاء بانت ليها دنيا خاوية وليل فا خافت على راسها ووافقات يوصلها ...
ركبات معاه وكتوريه طريق ديال دار لي كارية فيها ومرة مرة كيهدرو ..ولكن شفاء محتارمة راسها وحيت مزوجة فواجب عليها هادشي وكون مكانتش مضطرة متركبش معاه ....
وصلها ووقف مراقبها حتى دخلات
قصي مع راسو : ياربي غير متكونش مزوجة ..ولكن داك الخاتم ؟ بففف ...
انطلق فطريقو ....

***
فهاد الأسبوعين لي دازو كان اجود كل نهار كيزيد يذبل مبقاش كيهتم براسو كيف الاول والخدمة هملها... شكلو كيبان فيه تعب والحياة ولات كثيفة هيا وشعرو ...بشكل عشوائي ولكن وسامتو غالبة على هادشي ...وحاتم كل نهار كيفيق متأمل ان شفاء ترجع وكيسول جداه وجدو عليها ...هاد الاخيرين لي كيكتافيو غير بأنهم يوهموه شوية باش ميبقاش فيه الحال وحتى هوما متمنين ترجع ...حيت شفاء بصح إسم على مسمى كانت شفاء ليهم ...حياتهم تحسنات ملي دخلات ليها ...الابتسامة ترسمات على وجوههم ...كيبغيوها ...حاتم ولف عليها وحتى هيا كانت معتابراه ولدها وكتبغيه كثر من راسها
حتى من أجود لي كان مدمر وقاسي مع كلشي تبدل ولى انسان اخر ...ضحكتو لي سنين ما شافوها كانت شفاء لي رجعاتها ليه ...