🔥وعد الظلام🔥(بالدارجة المغربية)

✏الجزء التاسع ✏

🌻وعد الظلام 🌻

💖Nora & khaoula💖

سلام بنوتات سمحولينا بزااف عارفين طولنا عليكم ولكن كانو عندنا امتحانات وراكم عارفين هاد الفترة 😊
خليو لينا تعليق ونجمة لطفا ❤
قراءة ممتعة ♡

######

يوم جديد وأحداث جديدة 👀💖

فالمستشفى كيف العادة خدامين بين الاطفال وجو مرح بين الاطباء ...

أريج وشفاء فالمكتب كيقراو فشي ملفات وكيهدرو فلي وقع ..وشفاء كتعاود ليها بالتفاصيل شنو وقع ...

شفاء : ولكن خسارة ماتلاقيتش بيه نشكرو على شنو دار معايا ...

أريج : وراه هو لي خاسو يشكرك حيت نقدتي ليه ولدوا

شفاء : ههه بالكعس هدا واجب وكنت نديرها مع أي واحد ...

أريج : والصراحة شفتو فالفيديو كتبان فيه صغير وزوين ماشاء الله ...😆

شفاء :هههه نتي لي شفتيه كتحماقي عليه 😅
قاطعهم دخول زين : أكيد كتحماق عليا انا 😉

####
أريج خنزرات فيه وعيباتو :نيينيني 😩

زين وشفاء تفرشخو بالضخك : هههههههه واه على حمقا 😂

دخل جلس معاهم بقاو مجمعين فمواضيع كثيرة ونهارهم داز مابين الخدمة والاطفال من بعد ما غادر زين للعمل ديالو ( بالمناسبة زين كيخدم مع أجود فالشركة )

....
وصل الليل وبدا المستشفى كيخوى من الناس من غير الاطفال لي كل واحد فالغرفة ديالو

ناعسين وشي اطباء قلال كيبقاو ليل كامل
فحين أريج سبقات متاجهة للباركينغ تخرج

طوموبيل بقات شفاء كتجمع اغراضها ودعات  بعض الاطفال وتمات خارجة مع الكولوار .

غادية وكتحس بشي جسم وراها ...تلفات

ملقات والو ...كملات طريقها وكل تقدمات كتسمع شي خطوات والاضواء كيطفاو وراها

بدا كيدخلها الرعب وقفات وكتشوف وراها

ظلام (بصوت كيترعد): ش ...شكون هنا ...وا..واش كاين شي واحد ..

(لا جواب ) كملات طريقها وخطواتها كيزيدو كلما كتحس بالاصوات وراها كيقربو بدات

كتجري حتا قربات للمخرج ديال المشفى بانت ليها اريج يلاه غاتحل فمها تنادي عليها

تحط مشوار على انفها وفمها ويدين قوية متحكمة فيها كتحاول تفك بكل قوة ولكن

بدون جدوى عينيها بداو يتغمضو وجسمها ترخى ...

هزها داك الضخم (هههه قد الحيط 😂) وزاد دغيا لاحها فطوموبيل لور وركب طاير من تما.

######

ناعس فبيتو حتى كيوصلو اتصال فيقو من نعاسو كيحل عينيه بتثاقل جاوب بصوت

ثقيل : الوو ...

الشخص : سمحليا ايلا فيقتك من نعاسك اسيدي راه ...

قاطعو ( يوسف) : قصر قصر الله يرضي عليك ..😑

الشخص (بتلعثم): اا ..بغيت نقولك راه هاديه البنت لي وصيتينا نقلبو عليها ..أحم مشيت وجبتها ليك اسيدي ...

يوسف وقف من بلاصتو : عاود ..كيفاش ...كيفاااش جبتيها ؟؟(بصراخ)
واش كتسطى عليا اصحبي ؟ ..انا قلت ليكم جيبو ليا معلومات عليها وماشي جيبها هي ...

الشخص (بخوف) : سمحلينا اسيدي راه كيحساب لينا بغيتها باش تنتاقم ...

يوسف : بببفففف صافي صافي جيبها وحطها فالديبو تقدر تنفعني ...

يوسف 

*قطع الخط*

#####

فالفيلا ديال البطل ديالنا من بعد ماداز نهارو فالشركة فالاجتماعات والملفات ...رجع لعند عائلتو وعند ولدو ... تعشاو وجالسين كيتبادلو اطراف الحديث ...

كلثوم : ماشاء الله على هاديك البنت اشنو كان سميتها ؟

نقز حاتم : سميتها سفاء اجدة سفاء ...

كلثوم : هههه اه سميتها شفاء اولدي ...

سي أحمد : ههههه دغيا ولفتيها احاثم

حاتم بحماس : اه اجدو ظليفة بزاف وقالت ليا غاترجع عندنا ...

كلثوم : اه احبيب جداتو ان شاء الله ترجع ...

فحين كان أجود ساهي كيفكر فهاد الاسم جاه غريب اول مرة يسمعو هه قال فنفسو واش بصح نيت شفاء ولا غير السمية هه ...

كلثوم لحظات السهوة ديالو : ولدي الحبيب اشنو شاغل بالو ؟

أجود : أحم غير الخير الواليدة ... (وقف وهز حاتم )

نخليكم هاد الساعة تصبحو على خير

احمد وكلثوم : تصبح على خير ...

وطلع للبيتو حط حاتم لي بدى يجيه النعاس بدل ليه ملابسو لبيجامة نوم وهو اكتفى يزول التيشورت وبقى بسروال رياضي ...

اخد حاتم فحضنو لي بدورو عنقو وتخشى فيه غطاه واستقرات عينو على السقف وبحر الافكار كيديه ويجيبو ...

######

أريج يديها كيترعدو وهي كتسوق الطوموبيل ودموعها نازلين : أهيء أهيء فينك اشفاء فينك ....
راحة البال مع الطريق خرجات تيلفونها حددات رقم زين وكتسناه يجاوب : اففف جاوب ازين جاوبك عافااك اهيء
عدة محاولات دون رد !
مدة قليلة وكانت قدام دار زين مشات كتجري للباب وكدق بيديها بجوج. ..

  يتبع ...

باقي جزء 😌❤