🔥وعد الظلام🔥(بالدارجة المغربية)

🌹 الجزء 30🌹

✨وعد الظلام ✨

💗Nora& khaoula💗

وصلات 11 ديال النهار وكانو الاطباء كلشي خدامين واريج وشفاء دايرين بيهم العيالات كبار فالسن كيجمعو ويضحكو وفنفس الوقت خدامين كيفحصو فلي مراض ولي محتاجين لشي نصيحة كيعاونوه فجو كلو حماس وطيبوبة ...
فحين كان حاتم كيلعب مع شي اطفال قدو تقريبا واجود شاد واحد الكرسي بعيد شوية وعينيه. على شفاء وحاتم راد البال لشغلو ههه ...حتى تسلطات عليه واحد المرا قصيرة وغليضة
حس بالشمس غبرات عليه غير هز عينيو بانت ليه وحدة كتبرق فيه عينيها وكضحك استغرب وعقد حواجبو
أجود وهو كيتقاد بالجلسة : احم كاين مانقضيو الحاجة ؟
المرأة : نتا هو راجل الطبيبة ياك أولدي ؟
أجود : ايه علاش ؟
المرأة : غير بغيت نقوليك تبارك الله ماشاء الله على مراتك شحال حنينة وظريفة تهلات فينا كاملين ...
أجود (شاف فشفاء ) : اممم كدير غير خدمتها هادشي لي كاين
المرأة : ايه اوليدي وحتا نتا باينة فيك راجل ونص غير تهلا فيها الله يرضي عليك (كتشوف فيها) سميتها شفاء وفعلا هي شفائنا حنا كاملين ..وغاتكون الشفاء ديالك حتى نتا بإذن الله
أجود هدرتها خلاتو تلقائيا يسهى فشفاء وهي كتحاور مع الناس وهي وسطهم والابتسامة على وجهها حركاتها كأنها كانت الوحيدة تحت انظارو فداك المكان نسى كلشي وانصاع للوجدان ديالو ...وبقى هكاك حتى هزات عينيها وجاو نيشان مع عينيه شي لي خلاه يفيق ويرجع لوضعو التفت ملقاش ديك المرأة كأنها مكانتش ...

اريج نغزات شفاء : احممم ناس كانو حاضيينك الآلة ههههه حاضي رزقو 😏😂

شفاء : لواه زعبول نوضي تكعدي من حدايا قاليك رزقو
اريج : وتي سيري اش كتعرفي نتي باينة درتي ليه شي حاجة ياللفعة حتى ولى كيسهى فيك ياكما سحور 🤨

شفاء كتقرص  فيها : سكتي يالشوهة راه كيشوف فينا أما نوريك 🙂
اريج كتموت عليها بالضحك : 🤣صافي غاتهدني ياختي نسيبي شحال زين والقلدة
غير دورات وجهها عند شفاء وهي تجمع النوضة مشات هربانة ههههه

⏳⏳

عند زين كان شاد الطريق وكيهدر مع أجود باش يصيفت ليه لوكالزاسيون لي هوما فيها بعدما جمع اغراصة لي يحتاجها وعازم على الفكرة  لي فراسو وكيباتاسم متحمس ...

وصل الليل وحل الظلام على قصتنا " وعد الظلام "
كانو الاطباء كملو المهمة ديالهم ومنهكين من العمل طول اليوم وجالسين مجموعين على طاولة كبيرة وكتعشاو فحين كانو كيتعرفو على أجود وكيباركو لشفاء الزواج ..حاتم جالس فحضن شفاء وكيبتاسم لأريج لي كتعوج وجهها باش ضحكو
أجود فيتنام كيتطرح عليه شي سؤال كيجاوب على قدو ومن حركات كتبان عليه الصرامة والمعقول وبالاضافة الوسامة ديالو خلى شي بنات يحسدو شفاء عليه ( ماعارفين والو )

بقاو كيتبادلو اطراف الحديث ..حتى وصل نص الليل أجود بان ليه حاتم داه نعاس وهو عند شفاء قرب لودنها وكيهمس بصوت رجولي : حاتم داه نعاس وليل هذا .نمشيو ؟
شفاء شافت حاتم نعس : اه نمشيو خاصو يرتاح عيا باللعب ( باست حاتم فجبينو ) واجود كيشوف هاد المنظر قدامو كل نهار كيزيد يتأكد من حبها لولدو ولكن خاصو مزال يبقى على بال ...
وقفات شفاء واجود خدا من عندها حاتم حط راسو على كتفو وضمو بيد وحدة . بكل لباقة دار عند الجلوس : أمسية سعيدة تصبحو على خير .... شفاء ايضا :  تصبحو علي خير وسلامات على اريج ...
الكل رد عليهم : تصبحو على خير ...
خرجو من الخيمة واجود ماسك فيد شفاء كيبانو فعلا كأنهم عشاق ...غادين باتجاه الدار لي كراوها ...فطريقهم حتى كيبان ليهم شخص جاي قدامهم كان ياسين ...
وقف قدامهم وعرف ان هذ غايكون هو راجلها ..مد يدو لشفاء باش يسلم , يلاه بغات تمد يدها لقاتو مزير عليها وعينيه بحال الصقر على ياسين ...طلق من يدها وبسرعة صافحو رجل لرجل خلى ياسين يستغرب وشفاء حسات بالحرج حيت ياسين كتعتابرو صديق ليها وعادي تسلم عليه ...
أجود زير على ديو وعينيه فعين ياسين  : انا ياسين طبيب فنفس المشفى مع شفاء ...
أجود : متشرفين وانا راجل شفاء اكيد غاتكون عرفتيها تزوجات ....( قالها ووجه نظراتو القاسية لشفاء لي غير شافتو عرفاتها غاتكحال ) 
ياسين فهم انه ماباغيهش يقرب ليها تفهم الأمر : اه اكيد فراسنا كاملين مبروك عليكم الله يكمل بالخير ..
شفاء بصوت خفيف وغير كدور فعينيها : امين شكرا ..
ياسين : تصبحو علي خير ..ومشا ...