🔥وعد الظلام🔥(بالدارجة المغربية)

🌼الجزء 48🌼

✨وعد الظلام ✨

💗 Nora & khaoula 💗

حلات عينيها بشوية يلاه بدات كطلع شمس بعداتو عليها بحذر باش مايفيقش ....شافت فيه كيف ناعس بايت فيه العيا ...
مشات بدلات حوايجها ولبسات مونطو سخون على البرد خرجات لافاليز ديالها من ديك البلاصة لي مخبية فيها وكانت تحركاتها بحذر ...
كانت واجدة ...خدات ورقة وستيلو وبدات كتكتب وحاطة يدها على. فمها حابسة شهقاتها المجروحة ...
كتعبر على كل مافيها ....وقلبها مكسور ...ماشي هيا الانثى لي تبقى فبلاصة ماشي ديالها ....حسات براسها اذات دور ديالها كأم بديلة لحاتم وزوجة مؤقتة ...ودابا جا الوقت لي تنساحب ....
طوات ديك الورقة وحطاتها حدا المراية ...مسحات دموعها وتنفسات بصعوبة ....

خدات لافاليز وكانت خارجة ...بلاما تحس رجعات عندو
وجلسات قريبة ليه ... نضراتها كلهم حب وعتاااب كتبغيه اه كتبغيه ولكن للأسف اكتاشفات انه حب من طرف واحد هو ماعمرو عتارف ليها كانو تصرفاتو معاها رجولية وزوينة ولكن غير حيت مراتو وواجبو يعاملها مزيان .... لي وقع بين ليها الحقيقة أنه منساش حبو الأول ...فأول مشا كيجري عندها وحتى اتصالاتها محاوبش عليهم ...نساها ...نسى وجودها بمجرد حضور اسم ليلى فالموضوع ...
شفاء كتهدر: كيبان ليا اشفاء نسيتي راسك علاش مزوجة هههه(نزلات راسها بيأس) للأسف تسرعتي وبغيتي الشخص الغلط ....ولكن غانصلح هاد الغلط ...
قربات منو غمضات عينيها وطبعات قبلة على خدو ...
كأنها كتودعو حاسة انها مغاتبقاش تشوفو ...
اجود تحرك وهو مغمض عينيه حتى تلاقاو شفايفهم حسات بيه باسها وقلبها خفق خافتو يكون فايق وسمعها ....مخرجة عينيها وبعدات عليه دغيا ....
بان ليها ناعس ومتحركش حتى تأكدات منو ...وحدات اغراضها وخرجات ....

فطريقها دازت على غرفة الضيوف كانت مفتوحة وشافت حاتم فحضن ماماه ليلى ...بلا كذوب حسات بألم فقلبها....حاتم بنسبة ليها هو كلشي عتابراتو ولدها وحبيبها ...ولكن دابا متقدرش تبقى حيت رجعات الام الحقيقية ...
صيفتات ليه بوسة فالهواء ...ومسحات دمعة من عينها وخرجات من باب الفيلا وقلبها عالم بيه غير الله ....
طلبات من شيفور يوصلها للمطار واكدات عليه انه ميقوول والو على خروجها ...وواعدها ميقول ليهم والو

دازت مدة من الوقت وصلات للمطار حجرزات بلاصة وجلسات كتنسى مقابلة الطائرات كل وحدة والوجهة ديالها ....
جبدات تيليفونها وحددات رقم اريج باش تهدر معاها

اريج كانت يلاه وصلها زين للمستشفى باش تبدا الخدمة ديالها وكتسنى فيها
اريج : الو شفاء حبيبة فينك مزال ماجاية ؟
شفاء بصوت متعب : اريج انا مجاياش ومبقيتش غانجي 💔
اريج بإستغراب : كيفاش اصحبتي مبقيتش جاية ؟ ميمكنش نتي تخلاي على خدمتك ؟ شفاء قولي اشنو وقع ؟
شفاء شداتها البكية : اريج عفاك متسولينيش ...منقدرش نبقى هنا مزال ....انا ....
مع اخر كلمة طاحت مغمى عليها ..واريج كنسمع اصوت الناس ضايرين بيها واصوات تدل على انها فالمطار ....