🔥وعد الظلام🔥(بالدارجة المغربية)

✏الجزء الثامن ✏

🌻وعد الظلام 🌻

💖Nora & khaoula 💖

من بعد ما وصل لقبر ديالها هبط من سيارتو وشعرو على وجهو وحوايجو مامرتبنيش ويديه عامرين دم ..

گلس فوق قبرها والظلام مكايخليك تشوف والو ...

طاح فوق منو كايبكي بحال شي دري صغير ..محتاج ليها بزاف الحب لي كان فقلبو ليها قوي بزاف لدرجة الهوس دوزو بزاف ديال السنين مع بعضياتهم وكل يوم كان حبو ليها كايزيد يكبر حتى جا النهار لي تغير فيه كولشي

النهار لي زوجها باباها بأجود بزز عليها واخا هي مكانتش باغاه ولكن من بعد ولفات العيشة معاه وبغاتو ولكن يوسف بقا كايتعدب..(هادشي ماعارفوش أجود )

حاول بزاف باش يملكها ولكن ماقدرش فداك الوقت فقد الأمل فالحياة وهو كايتخيلها مع واحد أخر من غيرو.. صعيبة تشوف أحلامك كايحققها شي حد أخر.. من بعد حاول يتعايش مع الوضع وكمل حياتو وقلبو محروق گاع

دوك الأحلام لي كان باغي يحققهم معاها ضاعو.. وبقا كايراقبها غير من بعيد وعرف أنها حاملة... حاملة بداك الولد لي كان خاصو يكون هو باه حتى جا النهار لي سمع بلي

ماتت.. ماتيقش مشا بحال شي هبيل متوجه لمستشفى لي كانت فيه حتى تأكد أنها ماتت فداك الوقت كره أجود وكره راسو حيت ماقدرش ينقدها ولا يدير شي حاجة باش ترجع لحياة ولا نقولو ترجع ليه الروح ديالو ،ذخل عندها بالتخبية وقبل راسها وعنقها وودعها حيت أخر مرة غايشوفها ودموعو هابطين على وجهو... بقا معاها شي نص ساعة مقدرش يمشي مقدرش يخليها بوحدها حتى سمع شي صوت قريب وهو يمشي مشا وخلا قلبو وروحو ، صافي من ديك اللحظة تحول لوحش في هيئة إنسان ...النعاس فالليل مكاينعوس كل ليلة كايشوفها قدامو فكل بلاصة، هي مزال عايشة معاه ،وحالف حتى ينتاقم بأي طريقة كانت ...
بقا ديك الليلة حدا قبرها حتى جا الصباح وودعها ومشا...

❎❎❎

جالسين على طاولة الأكل حاتم كياكل وفرحان حيت شفاء كاينة ...وهي حشمانة كتاكل ومرة مرة كتهز راسها تبتاسم لسي احمد وكلثوم ...لي بدورهم رتاحو ليها وخا مزال معرفو اشنو وقع واشنو دارت عارفين غير أن أجود لقاها طايحه في الشتاء وجابها

سمعو صوت صونيت فالباب مشات الخدامة تحل حتى كيبان ليهم زين داخل وموراه اريج كدور فعينيها على الفيلا بإعجاب 😍

زين : هاواحد السلام عليكم ...
شفاء استغربات ملي شافتهم كيفاش عرفوها فين هي وواش زين كيعرف هاد ناس ...

أحمد وكلثوم: وعليكم السلام ولدي زين ...
حاتم تلاح عليه : عموو زين 😁
أريج تلاحت على شفاء كتعنق وتعاود : حبيبتي ياك لباس نتي بعدا مادارو ليك والو
شفاء : انا بخير احبيبة ماوقع والو ..اجي باش عرفتوني انا هنا ؟ واش زين كيعرف هاد الناس ؟
أريج : اه اصحبتي راه هداك سيد لي جابك لهنا صاحب زين وهو نفسو مول المزرعة ل عاود لينا عليه ...
شفاء : ااه فهمت دابا ...
زين : احم احم اش كتقولو تما بجوج ..
أريج بإبتسامة : احم لا والو ..هاء نسيت نسلم عليكم سمحو ليا ...
مشات سلمات على سي احمد ولالة كلثوم خلاتهم غير كيضحكو ههه ...
كلثوم : زينب ...زينب ..اجي ابنتي ..
جات الخدامة كتجري : نعام الالة ...
كلثوم : سيري ابنتي جيبي داك الداوء لي جاب ولدي أجود ...
الخدامة مشات جابتو وجات : هاكي الآلة
عطاتو لشفاء : انن لا مكيدوزش ليا الداوء مكنحملوش ...
سي احمد : لا ابنتي خاصك تشربيه باش تحسن صحتك كنتي غاتمرضي ...