🔥وعد الظلام🔥(بالدارجة المغربية)

✏الجزء الثاني ✏

🌻وعد الظلام 🌻

طلع للطموبيل معصب وراسو  غاينفاجر ...
حاتم من وراه نطق : بابا واش نقدر نجلس حداك فالقدام
أجود بصرامة :لا
حاتم بترجي : عفاك ابابي بغيت نجرب نجلس حداك
أجود غوت بلاما يحس : قلت ليك لااا جلس فبلاصتك وهنينا ...
حاتم قفز بالخوف وحدر راسو وخرج الشفة السفلة بيأس والحمرة بدأت تكتسي خدوده ونزلت دمعة وتبعوها اخرين حتى ولا كيتنخصص 😔
أجود عرف راسو اش دار سمعو كيبكي بقى فيه بزاف مولفو غير الخاطر وبالحيلة كيعلمو كلشي تنهد ودار عندو شافو كيفاش حادر راسو
أجود: حاتم
حاتم خرج صوت خفيف كيدل على أنه مقلق منو : اممم
أجود : أجي عندي اولدي أجي
هز فيه راسو ونفاجر بالبكاء فور ما خداه باباه فحضنو
أجود كيبوسو : اششش صافي اولدي صافي سمحليا منعاودش نغوت عليك مزال
قادو فالجلسة على رجيله وكيمسح ليه دميعاتو وحاتم بدا كيتهدن
أجود : حاتم سمعني اولدي انا كنجلسك فلور حيت خايف عليك والاطفال مخاصهمش يجلسو لقدام حيث خطر عليهم ممكن يوقع شي حادث وحنا الاباء خاصنا نحميوكم من الخطر  فهمتي اولدي ؟
حاتم سكت من البكى وكيسمع لباباه مزيان  : اه فهمت اباباتي سمحليا مغانعاودهاش مرة أخرى وعد ☺
أجود بتاسم ونسى كلشي من ديما كان حاتم كينسي أجود فكاع المشاكل والهموم رغم انو صغير ولكن مشاء الله ذكي وكيفهم من كلمة وحدة والابتسامة ديالو هي كلشي بالنسبة ليه ...

💖💖
******
من بعد يوم طويل فالعمل جاو سخفانيين تعشاو ومشاو ينعسو ولا بالأحرى غير أريج لي نعسات .
شفاء بعد ما بدلات حوايجها وقضات حاجاتها  وصلات صلاتها ستقرات على السرير وبين يديها رواية كتقرا فيها بعنوان "في قلبي أنثى عبرية "( واش سبق ليكم قريتوها 😍)
سدات الرواية وحطاتها جنب الكوافوز ...حطات راسها على الوسادة كتراقب السقف حتى داوها أفكارها لداك الشخص الغريب مزال عاقلة على صوتو وكلامو
# فلاش باك :📍

شكون نتي ؟
ماشي مهم تعرف شكون انا .. تحركت بخطوة للأمام فور ما قاطعها مرة اخرى  : ممكن نعرف شنو سميتك ؟
هي : إيلا تلاقينا مرة اخرى ممكن نقولك شكون انا ..
أجود : كتواعديني ؟
هي بإبتسامة : كنواعدك .
وكملت فطريقها بقى متبع الظل  ديالها حتى اختفت بين الاشجار ...

# عودة للحاضر : 📍
شفاء : اففف واش انا حماقيت علاش واعدت شخص مكنعرفوش وحتى ملامحو مشفتهمش ..واصلا مستحيل نعاودو نتلاقاو ومستحيل يعرفني ولا نعرفو 😕
شنو تكون سميتو زعما ؟ وعلامن كان كيبكي داك نهار ؟
استغفر اللہ اشفاء نعسي  ( كتهدر غير بوحدها😂)
نفضات من راسها كاع الافكار طفات الضوء ونعسات
(بالمناسبة البطلة ديالنا كتعيش هي وصاحبتها فمدينة أكادير نظرا للعمل ديالهم وفالعطل كيرجعو لعند عائلاتهم)
💖💖

****** 
عن أجود :
رجعو للدار من بعد ما دوزو نهار حافل مع بعضهم نساو فيه كلشي .تعشاو وحاثم فضل ينعس مع باباه هاد الليلة بقى معاه حتى نعس كيتأمل حروفو لي كيفكروه فيها كل مرة ...باس راسو غطاه  وخرج من الغرفة