🔥وعد الظلام🔥(بالدارجة المغربية)

🌹الحزء31🌹

✨وعد الظلام ✨
💗 Nora & khaoula 💗

⏳⏳

الشمس سطعت فيوم جديد ..
الأشعة ديالها بدات كتسلل للغرفة ..منحل عينيها بصعوبة كتحس بشي  هواء حار على وجهها استغربت فالاول ..وسعت عينيها فورا وهي كتشوف وجهو امامها مباشرة وانفاسو كانت كتلفح بشرتها قراب لواحد الدرجة كبيرة ...
تنفضات دغيا من بلاصتها خلاتو مغمض عينيه قلبها كيضرب
قالت شعرها عرفات غادي يكون هو لي زول ليها الشال ..ولكن علاش جابها لهنا
شفاء فنفسها : كون غير خليتيني تما يضربني البرد حسن ما نصبح على وجهك ...شافت فيه كان ناعس كيبان ضريف وهو مهدن ولكن ملي كيفيق العكس ...

يلاه غادي توقف حتى دخل حاتم : صباح الخير ماماتي سفاء
شفاء بصوت هامس : اشش أجي أحاتم باباك ناعس
جا عندها جلساتو فحضنها وجارت ليه واحد الحنيك ببوسة 🤣😘 شفاء : فين كنتي فقت مالقيتكش ؟
حاتم : كنت بالمرحاض وخليتكم حدا بعضياتكم نتي وبابا😍
شفاء غير كتشوف فهاد البجغوط لي عارف العجب هههه

على إثر كلامهم حل أجود عينيه وبدأ كيتكسل وهو يتلاح ليه حاتم فوق صدرو كيبوس فيه
حاتم : صباح الخير بابا ..
أجود رد عليه بصوت رجولي باح بالنعاس : صباح نور البطل ديال باباه ..كيهزو لفوق بيديه وينزلو وحاتم كيضحك ..
شفاء بدون قصد لقات راسها ساهية فعضلات يديه وهوما كيتحركو مع حاتم واول مرة تلاحظ واحد شوية من الابتسامة ديال أجود وحاتم كان كيضحك من قلبو كيبانو فعلا لوحة متكاملة ...ارتسمت على وجهها ابتسامة خفيفة ...
حتى فيقها أجود ملي استوعب وجودها وشاف فيها ..تفكرات كلشي والهدرة الجارحة لي قال البارح حيدات الابتسامة وخنزرات فيه وناضت هزات حوايجها من الخزانة ودخلات للحمام ...
خلاتو تابعها بعينيه وحتى هو كيخنزر ..خرجات بعد مدة جامعة شعرها الفوق تاركة العنان لعنقها الصافي يبان ومزينينو بعض الشامات ( الخالات😌) لابسة اونسومبل بحال سيرفيت كيبين الخصر شوية ملي كتهز يديها وهي كتقاد شعرها ...
هادشي كلو داز على عيون أجود سرط ريقو بغضب حيت بقى حاضيها وناض دغيا للحمام حتى هو قضى اغراضو استحم بدل حوايجو ( وغير الكدوب ميكدوشوش كل نهار 🌝🤣) احم كملو كملو ...
خرج لقاها كلمات صالاتها صلى حتى هو فحين هي وحاتم نفس الروتين وجدو  الفطور وفطرو فجو كئيب وشفاء قالبة  عليه ومكتشوفش فيه بمرة ...

داز نهار كيف البارح وكان مرهق بزاف بالنسبة الاطباء ...
وعند اريج لي حتى هي ايلا بزاف بينما كان زين كيهدر مع أجود فالخدمة حتى أجود لاحظ ان زين  كيسهى مرة مرة وعينيه على اريج ...صغر عينيه وهدر بصوت هادئ : زين بغيتي تقوليا شي حاجة ؟
زين حرك عينيه بتوتر وتنحنح : احم لا ماكاين والو علاش ؟
أجود : غير ايلا بغيتي تهدر مرحبا حسيت بيك هاز فقلبك😉
زين تزنك : احم ان شاء الله ( هز عينيه فأريج) ...

⏳⏳

وصل الليل والجو غيم باينة غادي طيح الشتاء ...تحرك البرد
كلشي بدا كيتفرق ملي بداو قطرات المطر كينزلو  ...
شفاء رجعات للدار بدلات حوايجها وكتحس بالرواح حيت حوايجها ترطبو شوية بالماء أجود وحاتم كان. متكين على واحد الكنبة مقابلين مع التلفزة وكيتفرجو فواحد الفيلم ..
شفاء دخلات للمطبخ دارت قهوة سخونة باش دفئ جسمها من البرد ..وهزات بعض المكسرات والحلويات فطبق صغير وداتهم ... خرجات عندهم يلاه مدات الصحن يلاه غادي يشدو أجود حتى بعداتو عليه وحطاتو قدام حاتم
حاتم : شكرا ماما ..
شفاء : بصحتك احبيبي ..
أجود غير كيشوف فتصرفتها كتحاول دير معاه ضد وهو مبرد كثر منها ...
جلسات فجنب حاتم من لهيه وكترشف من كاسها مرة مرة ..
كتحس براسها بدا كيدور وجسمها  كيسخن رغم الجو البارد
شفاء : اتسييي ( بحالي الله يستر🤣)
بدات كتعطس واجود لاحظ هادشي ولكن مابغاش يبين ..
بدات كتغمض عينيها بوشة حتى داها نعاس والسخانة دوخاتها