السلام عليكم اولا 🥺 رجعت ليكم بعد غياب طويل مقدرتش نكتب ليكم حيت وقعو بزاف ديال حوايج شغلوني منها طلعت لفاك فمدينة اخرى وتشغلت وتبدا عليا كلشي وما شغف ديال الكتابة للأسف 🥲ومشاو الافكار ودابا رجعت ليكم من بعد مع جلست مع راسي وفكرت مزيان ههههه قررت نكمل القصة وعاودت قريتها من الاول باش نسترجع المعلومات 😅 المهم عدنا والعود احمد واعتذر على الغياب🥺 💗
المهم نرجعو للقصة (بنسبة لي نساوها ممكن ترجعو للجزء لي قبل وغاتفكرو 🥲) نبداو على بركة الله ههه _______________________
✨وعد الظلام ✨
💗 Nora & khaoula 💗
بعد مرور شهر ونصف على زواج ابطالنا واليوم خطوبة زين واريج الكل مجموع فدار زين شي افراد من عائلتو حضرو بحال عمو وولد عمو وباقي الأفراد كلهم كاينين والابتسامة على وجوههم خصوصا شفاء لي جالسة مقابلة مع صاحبتها وختها وهيا كتشوفها فرحانة وغاتبدا حياة جديدة مع شخص لي كيبغيها ويقدرها لبسو الخواتم تحت تصفيقات الجميع واريج وجهها مزنك بالحشمة وزين ماقاداه فرحة لالة كلثوم : الله يكمل عليكم بالخير اوليداتي والكل بارك ليهم قربات عندها شفاء بفستاها البيج سامبل وزوين مع حجابها الابيض لي كمل على جمال وجهها ومع ميكاب خفيف عنقاتها بحب وكتبارك ليها شفاء : مبروك الحبيبة ديالي وان شاء الله نحضر لعرسكم قريب زين هو واجود بعاد شوية عليهم كيهدرو اجود بإبتسامة: ايوا هاهيا قربات تولي مراتك مبروك عليك زين كيشوف فخطيبتو بحب : الحمد لله هيا نعمة عطاها ليا الله 💗ونتا عطاك الله شفاء اسم على مسمى غانكون هيا شفاء ديالك (وابتسم) اجود تنهد وشاف فشفاء لي كانت كضحك مع اريج بقى كيتأمل وبلاما يحس ابتسم وعينيه كيلمعو شفاء من وسط ضحكاتها جات عينيها فعينيه وقلبها ضرب كانو شوفاتو فشكل وقليل فين كايكون مبتاسم بحال هكا ردات عليه بضحكة زوينة وهو اكتفى يحرك راسو برضى وكمل كلامو مع زين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طاح ليل ونجومو وكل واحد ودع لاخر على أمل اللقاء يوم عقد القران وكل واحد توجه لدارو حالهم حال ابطالنا لي وصلو للفيلا ديالهم لالة كلثوم ورجالها داو معاهم حاتم يبات معاهم ...فحين اجود كان داخل يدوش وشفاء حيدات الحجاب ديالها وطلبات العنان لشعرها يتحرر مسحات الميكاب ديلها ودارت المرطبات لي كيعجبوها وكتحاول تحل سنسلة ديال الفستان لي لور موصلاتش ليها لقات صعوبة وهيا ماهية معاها حتى كتحس بشي يدين تحطو فوق يديها اجود : انا نتكلف شفاء كتشوف فيه من انكعاس المراية نزلات يديها وخلاتو هو يتكلف حط اصابعو على سحاب ديال الفستان وبقى منزلو ببطء وعينيه فنفس الوقت مع المراية لي عاكساهم بقى منزل سنسلة وصبعو شيئا ما كيلامس جسدها شي لي خلاها تقشعر ولكن حاولات متبينش غير كمل نطقات بصوت خفيف : شكرا وبغات تمشي تبدل حوايجها غير خطات اول خطوة رجعها من خصرها لبلاصتها وصدرو على ظهرها ونطق بقرب ودنها بصوت هادئ وفنفس الوقت رجولي : فين غادا ؟ شفاء توترات من القرب وتلعتمات فالهدرة :ا...انا ..اا.غادا نبدا حوايجي ( وكتحس بأنفاسو فعنقها شي لي كيخدرها) اجود بسرعة دورها عندو وجهو مقابل لوجهها وانفو قريب يقيس نيفها وكيشوف فعينيها نيشان : بدالي هنا قدامي حيت اصلا شفت كلشي شفاء خرجات عينيها وجهها حمر : ااا...اويلي مكتحشمش اجود : لا مكنحشمش شفاء كدور فعينيها ( حاطة يدها على عنقها بتوتر ) : ا حم ايوا راه واحد المثل كيقول ان لم تستحي فإفعل ما شئت اجود حابس ضحكة : فراسك دابا راك سجلتي هدف فمرماك ( غمزة ) يعني نتي بغيتيني ندير فيك مابغيت شفاء طاح عليها الكلاخ هههه : هااء ...و لا ..ولكن ..ا... اجود صغر عينيه ولاحظ كيفاش شادة فعنقها وقرب ليها : علاش فينما كتوتري كتقيسي عنقك شفاء لاحظات راسها ونزلات يدها ونطقات ببرائة : معرفتش انا هكا ☹️ اجود بقى كيشوف فعينها وقرب كثر حتى تلاحمت انفاسهم وميل راسو فإتجاه رقبتها وحط شفايفو بدفئ كيقبلها باش ترتاح شفاء قلبها كينبض بشكل جنوني غمضات عينيها بإستسلام وقطرات شعرو كتنزل عليها فحين اجود تعمق فالقبلة وفنفس الوقت كيستنشق عطرها لي ولا محفور فداكرتو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هز راسو وشاف فيها حلات عينيها السود لامعين بقاو هكاك لمدة وجيزة كيتبادلو نظرات العشق شفاء بدون وعي حطات يديها على كتافو وارتافعات بأصابع اقدامها عندو فور ما دور يديه على خصرها معاونها باش توصل ليه معرفاتش منين جاتها الجرأة ولكن تفكرات المرحومة ليلى وحسات بالغيرة بحال ايلا كتحاول تنسيه فيها تفكرات ليلة لي كان معاها ونطق سمية مراتو فبلاصة سميتها شي لي خلاها تاخد شفايفو فقبلة رومانسية فورا بادلها اجود ولى هو المتحكم ... شفاء مافكرات فوالو من غير انها باغا تفرض وجودها وتخلي البصمة ديالها فحياتو وتفاصيلو وتتبت ليه ولنفسها انه راجلها وهيا مراتو .. كينزل من على كتافها الفستان ببطئ حتى نزل وطاح فالارض
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شفاء تكمشات فيه وهو محاوطها بيديه ومخليها وسط حضنو حبس القبلة وتحنى هزها فحضنو وغادي بيها للسرير حطها بشوية وهي متشبتة بعنقو نزل لمستواها وطبع قبلاتو على جبينها عينيها خدودها حتى وصل لشفايفها ووقفاتو فاش حطات صبعها السبابة على شفايفو شافت فعينيه مباشرة وعينيها دمعو ونطقات بصوت ضعيف : اجود انا ..انا كنبغيك اجود حس بقلبو نبض بشكل مختالف معمرو حس هكا انتابو شعور الفرحة وهو كيشوف فعينيها كيدمعو نبدلو نظراتو عينيه كيلمعو وابتسم لا شعوريا ... كيمسح بابهامو دميعاتها : حبيبتي انا منبغيش نشوفها كتبكي واخا ؟ شفاء ابتسامات وحسات براحة : اهمم واخا اجود باس عينيها : الله يرضي عليك اشفائي شفاء فرحات فاش سمعات شفائي...كملو ليلتهم بكل حب وعشق خلاتهم ينتاقلو لعالم اخر فيه غير هوما توحدات اجسادهم كيفما توحدات روحهم فهاد ليلة كلكم غادي تستغربو حيت اجود ما قالش ليها كنبغيك ولكن لي معارفينش هو اجود انسان غاامض بزاف يعين ماشي من ساهل يعتارف وخا يكون كيبغيها ...غيرتو عليها وادمانو يكون قريب ليها كيبين انه كيحس بشي حاجة كتجدبو ليها ولكن رافض يتعارف يمكن كبريائو طاغي عليه ولا خوف من انه يتعلق بيها كثر ...
