🔥وعد الظلام🔥(بالدارجة المغربية)

🥀الجزء 40 🥀

✨وعد الظلام ✨

💗Nora & khaoula 💗

عند اسلام لي فايقة هيا وباها كيفطرو صحتها تحسنات وحتى باباها ولى شوية وخا مرة مرة كتشدو الحالة هههه مبقاتش كتخرج الكروسة حيت منعها عليها يوسف ووفر ليهم كاع لي يحتاجوه اذا علاش غاتخرج تعذب
كيصيفت ليها ميساجات ويصوني عليها يتطمن وهادشي مفرحها وكتقول مع راسها واخيرا لقيت فارس احلامي

جمعات دار وباها مقابل تلفازة حال فمو : وايييسلاااام تي أجي ابنيتي أجي شوفي شكون يدق فالباب
اسلام : بلاااتي ابابا نغسل يدي ونجي ...

خرجات عندو : شكووون ...وتاا شكووون

حلات الباب وهيا تصدم : يوسف

يوسف واقف بكل وسامتو وعلى وجهو ابتسامة : صباح نور قرب منها حط شفافو على خدها كقبلة
خلى وجهها يتزنك وحلات فمها فيه
يوسف كيلعب بخصلات شعرها ونظراتو ليها كلها حب : ماغاتعرضيش عليا نذخل (مع غمزة)
اسلام : احم .اه . اه دخل مرحبا بيك
ابتاسم ليها ودخل بكل ثقة ومشى نيشان حدا سي عبد السلام بدا كيهدر معاها وكيسولو على الاحوال
يوسف: احم سي عبد السلام بغيت ندي معايا إسلام شي ايام محتاجها فواحد الغرض
اسلام كتسمع فيهم : كيفاش بلاتي راه خاصك تشاور معايا انا
يوسف خنزر فيه : اششش الهدرة ماشي معاك
اسلام : اا...
شاف فيها واحد شوفة خلاتها تسد فمها
سي عبد السلام كيضحك : هييهي الله يرضي على نسيبي جاي تدي مرتك ديها اوليدي وحكمها هادي راه فليفلة عندي انا نقوليك ...
اسلام كتخرج عينيها فيه : بابا اش كتقول ...
يوسف ابتاسم : بطبيعة الحال اسي عبد السلام  عارف كي ندير ليها ...اسلام وجدي راسك دابا نلقاك عندي برا ...
ملقات متقول ضربات رجليها مع الارض ومشات جمعات حوايجها لي غاتحتاحهم  دوك الايام طلقات شعرها قادات مكياج خفيف لبسات سروال جينز بين جسمها وشوميز فالازرق الملكي جا معاها لبسات سبريدلتها بيضة هزات صاك معافرة معاه تقيل وخرجات عندو كتهزو شوية وتحطو وكتنهج ...حتى حسات بيديه خدا من عندها صاك وهازو عادي كأنه خاوي بقات غير كتشوف فيه : شكرا ...
يوسف : العفو ...جيتي زوينة بالازرق لوني المفضل
اسلام ترسمات على وجهها ابتسامة فرح وحب : شكرا اسي يوسف عينيك لي زوينين (تجمعي شوية ابنيتي 😒😂)
يوسف قرب منها ونزل راسو شوية حيت طويل عليها : قولي يوسف بلا سي..متافقين ..
اسلام قلبها كيرفرف : ا ..اه متافقين اس... ا يوسف ..يوسف
ضرب بخفة صبعو مع منخارها : مزيان تعلمتي درس

ركبو فطوموبيل ويوسف عينيه عليها مرة مرة فحين اسلام قلبها كيضرب وحنيكاتها حمارو كل مرة كيفاجأها بحركاتو جنتلمان معاها لواحد درجة حمقها ...

وتوجهو فطريقهم الفيلا ديالو ...

عند باب الفيلا ديال اجود واقفة من بعد ما رنات الجرس وهيا كلها كترعد ودموعها نازلين مبقاتش قادرة توقف وفاشلة لحسن الحظ حلات شفاء الباب وهيا تحل معاه عينيها بصدمة : ارييييج
اريج انفاجرات بالبكى وتلاحت عليها معنقاها : هييء هيء جرا عليا وقاليا مبقيتش باغي نشوف وجهك هيء هييء جرحني بزاف اشفاء هيء هيء ...
شفاء قلبها مجروح على صاحبتها كيفاش كتبكي بحرقة باينة قاليها شي هدرة جرحاتها ديال بصح عنقاتها ودخلاتها معاها ومشاو نيشان لبيت الضياف نعساتها تما بزز حتى قدرات تهدنها عيات بالبكى بزاف عينيها حمارو وجسدها فقد طاقتو ...نعسات بإستسلام ...