داخل المستشفى مع سبعة دالصباح بدا كيحل عينيه عنقو كيألمو حيت نعس على داك الفوتوي قاصح ... جلس كيتكسل دوز يديه على وجهو بتعب وناض دخل للمرحاض مخلي زين مزال غارق فالنعاس ... خرج كيمسح يديه ووجهو من الماء بمنديل ...خدا صلاية كانت تما زول حدائو وباشر بالصلاة كيف العادة ... بدا كيستيقظ بشوية لقاه كيصلي تسناه حتى سلا : حسدتك فهاد اللحظة اصحبي على الصلاة ههه اجود وقف كيطوي فالصلاية رجعها لبلاصتها لبس حدائو وحا وقف مقابل معاه : ربي عالم بحالتك فهاد الوقت وعاذرك ان شاء الله تشافا وترجع كيف كنتي ... زين سهى ونطق بلا شعور : هه موحال نرجع كيف كنت اجود سمعو : غادي تعاود ليا بخاطرك ولا غادي نعرف بطريقتي (غمزة ) اشنو وقع ديك ليلة ؟ زين غمض عينيه وساط عرف راسو مضطر يعاود ليه وفعلاا بدا كيعاود ليه ونظراتو كيتبدلو ملي كيهدر عليها ..ندم علاش اعتارف كون غير دفن داك الاحساس ودابا نيت مازال الحال وغادي يمحي من بالو هاد الحب رغم انه محفور فقلبو ... اجود : هي ماقالت والو ونتا فهمتي من سكاتها انها ماباغاكش ؟ زين : راه سولتها واش نفهم من سكاتها انها ماباغانيش وفعلا بقات ساكتة ومشات فحالها كانني مكاينش ههه فهمتي راه مكتبغينيش ومن حقها اجود : زين متبقاش تسرع انا عارفك مرضيتيش وعندك الحق كرامتك هي الاولى ولكن كان عليك تصبر حتى تأكد مزيان البنت باينة فيها ضريفة وكون مبغاتكش متجيش عندك هنا كتجري وخايفة عليك ... زين تفكر شكلها دموعها مكيبغيش يشوفهم ولكن هو راجل وقلبو ماشي ساهل يتعلق بشي وحدة ونهار عشق طاح بمرة : جات عندي شفقة منها وحيت كنبان ليها بحال شي واحد ضعيف ولكن من الاحسن ماقالت والو شكون هادي لي غاتقبل بواحد مريض بالقلب فأي لحظة يموت ههه!!! اجود بقى غير كيشوف فصاحبو باينة فيه طايح طيحة خايبة معرف مايقول لي عارف هو انه تبدل هاد المرة ومبقاش داك زين الضريف والضحوكي ...الخدلان كيبدل اي انسان💔
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
زين ✨ ⏳⏳
نمشيو عند البطلة ديالنا لي كتلبس لحاتم حوايجو وهو متحمس : يااي غادي نمشيو عند بابا وعمو زين شفاء : ههه يلاه دخل يديداتك هنا اوباا ..صافي دابا مزيان واجدين انا وخنيفيسي ياك ؟ حاتم بابتسامة: انا خنفوسك نتي اماما بوحدك ههه شفاء هزاتو كتبوس فيه خدات صاكها ونزلو لتحت سلمات على كلثوم وسي احمد من بعد مافطرو وعاودت ليهم كيفاش دازت الرحلة واشنو وقع ازين وتافقو انهم يزوروه فالعشية من بعد ما يرجعو شفاء واجود ... خرجات شفاء من الفيلا وطلبات من شيفور يوصلها لي بدورو اتاصل بأجود وخدا الاذن ديالو اجود : اممم جيبها ورد ليهم البال مزيان حتى يوصلو .. الشيفور : كون هاني اسي اجود .. بعد مدة وصلو للمستشفى حل ليهم شيفور الباب ونزلو .. كان اجود كيتسناهم امام المستشفى حاتم غير شافو ومشا كيجري عندو هزو حتال للفوق وحاتم كيضحك وعنقو ... وصلات قدامو شفاء فنفس الوقت هز حاتم على يد وحدة ومد يدو ليها يسلم عليها ... حتى هي مدات يدها ومتوترة ماعارفاش علاش فاش كتوقف قدامو كتحس بقلبها دقاتو كيتزادو واش خوف ولا شي حاجة اخرى ؟ شفاء : كيبقى زين ياك موقعات ليه حتى حاجة اجود : لا هو بخير الحمد لله ... يلاه غادي يدور وجهو بان ليه سي ياسين جاي كيبتاسم ..اجود جمع حجبانو وضغط على سنانو جر شفاء من يدها لي كان مزال شادها وقفها فجنبو ودور يدو على خصرها شفاء قلبها كيرقص الفلامنكو بزاف هادشي لي كيوقع ليها .. كانت حاضية اجود حتى بان ليها ياسين دايز وهي تفهم علاش ... دخلو قبل مايوصل عندهم ( اجود مكيتسوقش جرها ودخل 🤣) شفاء مزال كتفكر فالتصرف لي دار واش كيغير عليها زعما ههه العجب جاها احساس زوين خلاها كتبتاسم بدون إرادة ... دخلو للغرفة عند زين لي غير شافهم وترسمات على وجهو ابتسامة .. حاتم دغيا مشا تلاح عليه ، زين : ااااه حاتم بشوية على عمك راه مزال عيان هههه حاتم : هاء سمحليا اعمو زين مشفتش فيك ضربة ههه زين : ماشي مشكل البطل ديالي ... اجود جلس على الفوتوي ،شفاء مشات وقفات حدا زين : على سلامتك ازين خلعتيني عليك (مد ليها يدو ليسرى يسلم عليها وحتى هي شداتها بين يديها بحنان كتعتابرو خوها من شحال هادي ودابا عز عليها كثر وخاقت عليه علاش لا وهو ديما مساندها ...) زين : متخافيش دابا وليت مزيان خاصني غير نخرج من هنا شفاء : هااء مالك زربان راه جسمك مزال مارتاح وأصلا ماغاديش نخليك كنعرف شي اطباء هنا وغانهدر معاهم غير رتاح (غمزاتو) ... زين كيضحك : ههههه ومكتبدليش واه زعما زوجتك بيدي ووليتي ام ومزال مابغيتي ديري عقلك 🤣 شفاء : ههههه لا غير كون هاني معمري ندير العقل ...
داز هاد السيناريو قدام عينين اجود لي رجع ظهرو على الفوتوي وصغر عينيه ضاغط على سنانو بغيض وأكثر حاجة معصباه هي ديك الايد لي شادة بيها يد زين وكيفاش كضحك معاه ...عارف نوع العلاقة لي بيناتهم ولكن معرفش علاش كيحس هكا ماباغيش يعتارف بينو وبين راسو انه كيغير عليها وكيقول ان طبعو هكدا ... زين رد البال لسكوت اجود ملي دار عندو جات عينو فعينيه مباشرة كان مخنزر فيه هو فورا فهمو وطلق من يد شفاء راسم على وجهو ابتسامة ... شفاء مافهمات والو حدها ابتاسمات وشافت فأجود معرفاتش علاش مخنزر ...صونا تليفونها : سمحوليا واحد دقيقة ،خرجات من الغرفة وجاوبات ...: الو اريج اريج : شفاء حبيبتي لباس عليك شفاء : انا بخير ازين ديالي ونتي اش خبارك من البارح ونتي غابرة عييت نصوني ليك .. اريج : غير سمحليا كنت تالفة وكنحس براسي درت غلط كبير وزين عمرو يسمحليا ... شفاء : اريج فاهماك ..وانا فكرت فواحد الحاجة غاتخليه يسمحليك ... اريج : اشنو هيا ؟ شفاء : أجي هنا وغادي تعرفي ... ⏳⏳
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شفاء✨
عندهم لداخل زين : اجود بحال ايلا لاحظت انك كتغير على شفاء مني ؟ اجود خنزر فيه : مكنغيرش غير مراتي منبغيش لي يقيسها كتبقى شرفي ... زين : اجود نتا عارف شفاء كنعتابرها ختي لي معنديش .وايلا كانت مراتك نتا فراه ختي انا اجود : امممم مزيان زين كيبتاسم : هههه انا متأكد غادي يجي شي نهار وغابتبدل الهدرة ديالك مزال غاتعتارف ... اجود كيخنزر فيه : هاد القلب مات من شحال هذا مغايتبدلش من زواج ديال تلث اشهر ... زين : اه زواجكم كان بزز ولكن اصحبي حاول عطي فرصة لراسك ولشفاء البنت كتستاهل خاصك غير نتا لي تعطيها فرصة ... اجود كيدوخو هاد الموضوع فضل مايجاوبوش ... ⏳⏳
يتبع ... ارائكم اوريداتي 🌺 محطيتش ليكم حيت الويفي كان خاسر🙂❤️ مزال بارت تاني كنكمل فيه اشنو كتوقعو؟؟؟
