🔥وعد الظلام🔥(بالدارجة المغربية)

🌹الجزء34🌹

✨وعد الظلام ✨
💗 Nora, khaoula 💗

اجود زاد سعر وشفاء حلات فمها بصدمة , كيفاش وقع ليه هادشي كامل وهوما مافخبارناش ..
اجود كيهدر معصب : علاش خبا المرض ديالو علاش ؟ هز راسو فالطبيب بغيت نشوفو دابا ..
الطبيب : واخا غادي نخليك دخل عندو ولكن 5 دقائق متفوتهاش ..
قبل مايدخل شاف فيها بنظرات هادئة : جلسي نتي وحاتم هنا شوية ونرجع ليكم وخا ؟
شفاء بهدوء : وخا
خدات حاتم فحضنها كان بدا كيعيا بالوقفة وجلسو قراب للغرفة كيبان ليهم كلشي من زاج...
اجود دخل جلس فكرسي قريب للسرير وفالغرفة كيتسمع غير طنين الآلات ...تكا على الكرسي وكيشوف فحالتو : بغيت غير نعرف علاش خبيتي علينا..بففف حيرتيني معاك اصحبي ..
حبس ملي شاف زين بدا كيحل عينيه وقف دغيا
اجود : زين ..زين واش كتسمعني
زين كيسمع شي اصوات بعيدة غادية وكتوضاح ليه الرؤية بان ليه اجود وهو يبتسم بدبول ...حتى تفكر اشنو وقع قبل الحادث وتبدلو شوفاتو ...
زين كيهدر بصعوبة : احوو احوو ..اجود قاد ليا المخدة
اجود قاد ليه المخدة وتكاه عليها ..حيد الأوكسيجين من وجهو
وفيما كيتحرك كيضروه عضامو كاملين وراسو كيدوخ...
اجود رجع جلس وفخاطرو كيحمد الله : على سلامتك أصاحبي كنتي غاطير من يدينا ...
زين : ههه ياريت
اجود خنزر فيه : كيفاش واش نتا مريض اصحبي ..اولا بعدا مزال ماتحاسبت معاك علاش مخبي علينا انك مريض بالقلب
زين : ببففف اجود بلاما تبدا عوتااني مافيا لي يتناقش ..
اصلا مرضي مكتب من عند الله اشنو غايتبدل كون قلتها ليكم كاع...
اجود بعصبية : كنا غانوقفو معاك راه حنا خوت اولا لا ؟ وشفاء لي خايفة عليك واريج مافكرتيش فينا حنا كاملين
زين غير سمع سمية اريج وهو يتعصب : احسن حاجة درتها هي ماقلتهاش ليها باراكة غير اشنو دارت كون عرفات كانت غادي غير تشفق عليا وانا كاره هادشي
اجود : شكون هادي واش كتهرد على اريج ؟
زين كيتنفس بعصبية : نسى عليا المرض مبغيتش نسمع سميتها
اجود : ماغاديش  نحكر عليك دابا حيت مزال عيان ولكن نتفاهمو من بعد

كانو بجوج عند الباب من بعد ماسمعو  كلشي اريج عينيها عمرو بدموع وشفاء حداها مصدومة من لي سمعاتو
جراتها من من تما لايسمعوهم ( اريج جات من بعد ما صونات ليها شفاء جات مخلوعة وكتبكي فطريق وكتلوم  راسها انها كانت السبب هو اعتراف ليها بأشنو كيحس وهي ماقدراتوش بقات غير ساكتة كون غير عطاتو فرصة ...وصلات وحاولت شفاء تهدئها ولكن كانت النهاية انهم تصدمو واريج كثر فاش عرفاتو مريض وهي زادت على مابيه )
اريج كتبكي : شفاء ..هيء انا السباب هو جا عندي قاليا كنبغيك ..وكان فرحان شفت الفرحة فيعينه ولكن الخوف لي فيا خلاني نصدو بقيت غير ساكتةاهيء ..اناا .مقدرتش ...هيء هيء ...
شفاء : اشش احبيبتي عفاك براك من دموع نتي ماشي السبب هو اعتارف ليك فوقت ماشي مناسب وتهور انا عارفة زين ...
اريج : اهيء اه ولكن تزاد عليه الحال حيت أنا جرحتو بداك التصرف
شفاء : اففف عافاك اريج باراك ماتلومي راسك دابا غير تهدني وغانهدرو فكلشي المهم هو. دابا بخير ...
خرج من عندو اجود بانت ليه شفاء واريج كيهدرو رما عينيه لأريج شاف حالتها وعرف انه بيناتهم شي مشكل ..
اجود : احمم اريج دخلي شوفيه ايلا بغيتي ...( وطبيب قاليك خمسة دقائق الله يهديك الحااج🙄🤣)
اريج ترددات ولكن شجعاتها شفاء ودخلات بخطوات مهيلة كان كيشوف لجهة الأخرى عند بالو شي طبيب ولا فرملية حتى استنشق رائحتها فالغرفة ...شاف دغيا وهي تصمرات بلاصتها ملي خلعوها نضراتو كانو مبدلين بزاف على ديك ليلة ...
سرطات ريقها وتقدمات عندو ...
تقاد فبلاصتو وكيخنزر فيها : اشنو جيتي كديري عندي ولا حسيتي بتأنيب الضمير هههه اه غانكون بقيت فيك حيت أنا فهاد الحالة ضعيف ...
اريج : هاء ..لا ماشي هكاك أنا ....
زين : سيري فحالك ونساي كلشي بحال موقع والو ...يلااه
صرخ بألم :ااااه
جات كتجري  بخوف كتقاد فيه : عفاك غير بشوية عليك راك مريض
دفعها بعصبية : قلت ليك بعدي مني مامحتاجش ليك سيري
عينيها دمعو والغصة فحلقها : واخا غادي نمشي غير رتاح ..
دارت دغيا خارجة وحاسة بيه قسى عليها بزاف ولكن من حقو حيت حس بكرامتو تكسرات وعند بالو غير شفقة منها جات لعندو ..ولكن لا هي خايفة عليه ...دازت من قدام شفاء واجود وهي حاطة يدها على فمها وكتبكي ...

اجود مبغاش يسول شفاء علاش قال حتال من بعد ...داز نهارهم تما حتى حاتم. نعس ليهم  واجود بان فيه العيا ديال بصح حيت منعس مزيان بليل ..وشفاء حتى هي عيات
اجود خدا منها حاتم وهزو عنقوا : احمم يلاه نوصلكم ليل هذا وحاتم عيا وحتى نتي...
شفاء كتشوف فيه ببراءة : ونتا ماغايديش ترتاح منعستيش البارح مزيان .🙄
اجود كيوشف فيعينها مباشرة : لا غادي غير نوصلكم ونرجع بغيت نبقى معاه حتى نشوف حالتو مستقرة ...
شفاء : امم وخا ...

⏳⏳

كانو وصلو الفيلا نزلو وصلهم الباب ووقف شفاء خدات من عندو حاتم
يلاه غادي يمشي وهي تمد يدها شدات فيدو لي كانت كبيرة : اجود حاول ترتاح عفاك زين دابا ولى بخير الحمد لله ...
اجود قرب عندها وعينيه ناعسين بالعيا زير على يدها بين يدو : اممم واخا متخافيش ..وحتى نتي ردي البال لحاتم وليك حتى نتي ..مفاهين ؟
شفاء قلبها كيضرب وكتشوف فعينيه بحال شي هائمة : اممم
اجود : اشنو قلتي ..
شفاء : احمم قلت اه ..اه مفاهمين ..
اجود دار نصف ابتسامة : امم هكا مزيان ..يلاه تصبحو على خير باس حاتم وطلق من يدها ومشا طلع فطوموبيلتو ونطالق

شفاء دخلات للفيلا حاتم بين يديها وطالعة فالدروج كضحك وقلبها كيضرب ...شفاء : احممم جمعي راسك ازمرة اييخ
(🤣الله يستر )

يتبع ...