*MATAR DA ZAN AURA*
BY NAFSAL KZ
*KARAMCI WRITERS ASSOCIATION📚*
_[Karamci tushen mu'amula tagari]_
Visit to Our Page-https://www.facebook.com/110308337320465?referrer=whatsap
Wattpad https://my.w.tt/RXazzM0MY7
Youtube https://www.youtube.com/channel/UC1cigRjL8UfjxSLNtt-x4MQ
Page 33&34
__________📲Anty Dija ce tsaye gaban gidan Malam Mudi tana k'arewa gidan kallo ya sha kyau bana wasa ba, komai an chanja masa fasali, rik'e k'ugu tayi tace "eh lallai kud'in mu sun yi rana kenan, sumalam Mudi anyi tari mai yawa to wallahi bai isa ba, ni zai cuta ina ji ina gani bari na shiga ayi ta ta k'are" daidaita fushinta tayi sannan tayi sallama cikin zauren Malam.
Abdallah ne ya samu Baba a falon Anty Dija ya gaidashi amsa wa yayi, sannan ya tambaye shi ya makarantar, Abdallah ya sanar da Baba komai lafiya.
Salim ne ya shigo cikin shiri ya gaida Baba amsa masa yayi cikin walwala sannan yace "Na shigo Maman taku bata nan ko kun San inda taje, "
Salim sauke kansa yayi yana mai takaicin halin Babarshi ko da yaushe tana sa shi k'arya don ya kareta, shi ma kansa baya sanin lokacin da take fita sai dai ya k'irk'iri wani abin ya fad'a, bai d'ago ba amma ya cewa Baba taje sayan kayan yaya Abida.
Baba yace "to Masha Allah, yanzu ga dubu ishirin nan kuje gidan aikin yayar ta ku Sai ku taho da ita" Salim ya kalla yace "Ka amso address din gidan ko"
"Eh gashinan"ya fad'a tare da nunawa Baba takardar, Baba yace to yayi sai ku kama hanya dan kar kuyi dare.
Sallama suka yi wa Baba sannan suka tafi.
Malam Mudi yace "Aa Uwar Amarya ke ce a tafe, shigo ki zauna" zama tayi kamar yanda ya umarce ta sannan ta fara koro masa jawabi.
"Malam ni fa ban gane me kake shirin yi ba, a gaskiya na fara ganin kamar ka gaji da aikina ko Kuma ba zaka min ba ne saboda da d'anka, gashi na gani Sai shirye-shiye kuke saboda kuna maraba da abin, gaskiya hak'uri na ya k'are"
Malam ya gyara zama ya nutsu sannan yace "Dije tunda muke dake kin tab'a ganin na miki k'arya ko na sab'a alk'awari" tace "Aa" yace "to yanzu ma hakane, idan ba zanyi ba dana sanar dake, Dan haka da aiki ya kammala biya mai tsoka zaki min wannan karin"
Anty Dija tace "kaima kasan wannan ba matsala bace, amma Malam ka tabbatar wannan karin ma ba za'a samu akasi ba", Malam ya tabbatar mata ba za'a samu matsala ba, sannan sukayi sallama ta koma gida.
*******************
Abida ta kafe lallai ba zata bi Mustapha ba har Sai ya fad'a mata dalilin dake sashi korar mata samari, ganin tana b'ata musu lokaci yasa shi fad'in "Idan ba zaki bi ni mutafi ba zan je in saya wa Granny abinci don nasan Yunwa yake ji".
Sai a lokacin Abida ta tuna da girki zatayi don haka cikin sauri ta shiga mota suka nufi gida
Isar su gida Abida ta wuce kitchen ta fara aikin ta cikin sauri mai tattare da nutsuwa.
Mustapha yayi sallama a falo ya tarar da Annur shi kad'ai don haka yace masa akwai matsala Uband'aki na.
Tashi Annur yayi ya biyo Mustapha suka jera suka nufi bayan gidan, fararen kujerun roba suka zauna Mustapha yace saurayin da tayi a yau yafi k'arfin karawa ta.
Annur yace "waye shi," Mustapha yace "M Hadi D'an Deputy governor, Kuma a yanda na ganshi zai iya mana over taking"
"Insha Allah ba matsala ina ta lallab'a Granny ya amince min Kuma na dogara da Allah nasan ba zan rasa ta ba".
