مشيت لي افاق في غرفتها من شافتني قالت لي اوو ميامن رزاتنا البركه والله قلت ليها حبييتي يااخ قال لي الاخبار والصحه قلت ليها تمام التمام قالت لي اتفضلي قعدت في السرير قالت لي بس دقيقه وارجع قلت ليها طيب ، مشت جابت لي مويه وعصير قلت ليها م كان في داعي تتعبي نفسك قالت لي لا في داعي😂❤️قلت ليها اها الموضوع الخطير الجيباني عشانو شنو! قالت لي بتعرفي موفق صح! قلت ليها ايوا مش ده حبييك قالت لي بسس يااهو زاتو المهم هو عاوز يجي يتقدم لي وكده قلت ليها طب حلو وين المشكله قالت لي عاايزك تمهدي الموضوع ليوسف عشان لمن يجي راجع ناس موفق يجوانا هنا انتي عارفاني م بقدر اكلم يوسف وبحس انو هو م بيقتنع الا منك قلت ليها من عيوني م طلبتي شي وح احاول بقدر الامكان اقنعو لو رفض م تخافي قالت لي بالجد شكرااا يا ميامن قلت ليها انتي هبله م بيناتنا يا بت ابتسمت لي ، بعد مساافهه تلفونها رن فتحت الخط وانا شلت الكبابي نزلتهم تحت لقيت في نسوان كتاار قااعدين مع خالتو موده في الصالة بتونسو وبشربو قهوه قلت ليهم السلام عليكم ردو لي السلام ، واصلت في طريقي وكنت ماشه على المطبخ كده سمعت واحده من النسوان قالت ليها م شاء الله يا موده عاد مرت ولدك حلاتها قالت ليها بري يختي لا حلوه ولا شي زااتو انا م عارفه عملت لي ولدي شنو الا كان يبقى كتبتو عند فكي ولا حاجه لانو م معقوله يخلي بت اختي ست البنات الماف زيها ويجي يختاار الشرشوحه دي اصلو م بعيده بتكون كاتبااهو ، طبعا انا لمن سمعتها حاولت بقدر الامكان امسك اعصابي بس هي كانت لسه مستمره في كلامها وقالت ليها عليك الله دي هسي بتتقارن بي بت اختي! عان ليها عامله كيف المطلوقه تلقيها ماكله قروش ولدي كلها ال... وقالت عني الفاظ انا زاتي م بقدر اقولها او افكر فيها💔دموعي طوالي نزلو ومن شده انو الكلام م كان حلو وكعب لمن وقعت الصينيه الفي يدي والكبابي الفيها اتكسرو ، طبعا هى من شافتني وقعت الصينيه جات علي وادتني كف بي اقوى م عندها اتخليو بس ، قالت لي هيي انتي كيف تكسري الكبابي بتاعتي كسرتيهم قاصده صااح يكسر راسك نصين بركه الله ، وبقت تشتم وتقول الفاظ استفغر الله بس💔افاق لمن سمعت الجواطه دي نزلت ولمن شافت امها بتضربني جات جاريه عليها قالت ليها امي بسم الله مالك في شنو ضاربه البت بالطريقه دي وقدام الناس قالت ليها انتي م شايفه يعني كسرت الكبابي بتااعي قالت ليها هسي كان كسرت الكبابي تديها كف بذمتك دا سبب! م جاده والله💔قالت ليها م شاء الله غسلت لي اخوك مخو وهسى جات غسلتو ليك انتي كمان بت الهناي دي قالت ليها امي نرجع لكلامنا ده م سبب عشان تديها فيهو كف قالت ليها اصلا بت الحرام دي جااايه بيتي لي تاني م تجي هنا ، طبعا انا لمن جابت سيره ابوي م قدرت اسكت وقلت ليها انا سكت ليك كتتيييره لكن اياااك تجيبي سيره ابوي بالعااطل على لسانك لانو كان احسن منك ومننا اوكيشين وبدل تقعدي تتلفظي الفاظ م كويس وانتي في اخر عمرك امشي اعبدي ربك وتوبي كان يغفر ليك ، ومشيت بسرعه جبت تلفوني ومطبقتي وطلعت رجعت بيتنا وانا ببكي من وصلت م اتفاهمت مع زول وطوالي دخلت الغرفه ، مهاد جات لاحقاني قالت لي مياامن مالك في ايه بتبكي كده! هما زعلوك ولا حاجه! قلت ليها مهاد😭💔ضمتني عليها وقالت لي حبيييبي في شنو اتكلمي حكيت ليها بالحصل كلو ، قالت لي شوف التافهه لا يعني كيف تديك كف وبي اي حق تصبر لي بس وقامت قلت ليها ماشه وين قالت لي ماشه اربيها من اول وجديد واوريها الفي عمرها حاليا بيعملو في شنو بدل الفارغه اللي هي فيها دي قلت ليها خليها يا مهاد دي خسارة الكلام فيها انا م عايزه المشكله تكبر اكتر من كده عشان م تصل ليوسف لانو ممكن يقلب الدنيا لو عرف انها ادتني كف قالت لي اخخ بس لو تخليني امشي ليها واجرها من شعرها وامعطها واوريها الله كم ، م تمت كلامها كده تلفوني ضرب كان ده يوسف سبحان الله كانو حس اني متضايقه ومحتااجه ليهو بس م رديت ، مهاد قالت لي م تردي عليهو مالك قلت ليها لو رديت ح يعرف من صوتي اني كنت ببكي واكيد ح يسالني وانا م بعرف اكذب عليهو ح يكشفني طوالي قالت لي احسن عشان يعرف امو عملت شنو قلت ليها مهاااد قلنا شنو نحنا🙂💔قالت لي طب براحتك اعملي العايزاهو ، هو كان مصر انو يضرب اخر حاجه قلت ليها مهاد هاك قولي ليهو اني نايمه وانا بالفعل ح انوم شويه عشان حتى لو صوتي اتغير اقول ليه اني كنت نايمه قالت لي طيب ، شالت التلفون وردت ليهو وقالت ليهو اني نايمه قال ليها خلاص لمن تصحى خليها ترجع لي ضروري جدا قالت ليهو طيب وقفلت ، م عارفه كيف نمت وانا بفكر لحدي بليل حتى رجعت ليهو ، قال لي بتبالغي شدددديد يا مياامن يعني م ممكن انا من قبيل منتظرك ترجعي لي شغلتي بالي عليك قلت ليهو انا اسفه قال ل م تتخيلي كميه التوتر والقلق الدخلتيهو فيني قلت ليها بعتزر مره تانيه قال لي مشيتي ناس امي! قلت ليهو ايوا قال لي اها وحصل معاك شنو قلت ليهو م شي مهم بس اتونست مع افاق ورجعت قال لي اممم سكت مساافهه وبعدها قال لي ميامن قلت ليهو نعم قال لي م نفسك تعترفي ، في اللحظه ديك نططت عيوني وقلت ليهو اعترف بشنو قال لي بي العملتو امي معاك ، هنا انا انخلعت اكتر تابع كلامو وقال لي انا اسف بالنيابه عنها اعفي ليها يا ميامن انتي عارفه اني ممكن اتقبل اي حاجه الا فكره انو زول يضربك دي بقتل فيها عديل فما بالك لمن دموعك تنزل لو م كانت دي امي كان هسي ح تكون في خبر كان انا اساسا كنت عارف انو ح يحصل شي لمن تمشي ليهم ووقت م رديتي علي اتصلت لي افاق وهي كلمتني بالحصل ميامن ممكن تاني لو امي اتصرفت معاك كعب توريني لانو مصيري اعرف انا لي لحظه كنت ح اجي من الخوف والتوتر قلت ليهو يوسف😭💔قال لي تاني م تمشي بيت ناس امي رجاء يا ميامن عشان انا م بقدر اخلي الحصل ده يحصل معاك تاني فشنو نهائي م تمشي ليهم افاق لو عاوزاك تجيك هي قلت ليهو حاضر ، فجاه فصل الخط واتصل لي مكالمه فديو فتحت المكالمه قال لي اييكك عاان وشك ورمان كيف من كتر البكى امشي سريع غسليهو وتعالي عشان انا م بحب اشوفك كدا ، مشيت غسلت وشي وجيت قال لي الكف كان حاار💔! قلت ليهو يعني قال لي اسف قلت ليهو انت اعتزرت مني قبل شويه ماف داعي تعتزر مره تانيه قال لي طب بحبك قلت ليهو وانا كمان ، اتونست معاهو واخر الاتصال بقى يقرا لي في سورة يوسف زي العاده لحدى م انا نمت...
