حبوبه جات لاحقاني لقتني ببكي قالت لي شيلي الصبر قلت ليها لمتين يا حبوبه لمتين بس قالت لي اشتقتي ليهو! قلت ليها كتتتيرر شدددديد قالت لي ادعي ليهو بس ده كل الفي يدك انك تعمليهو هزيت ليها راسي بمعنى سمح ، يوم الجمعه كنت واقفه بلبس في عبايتي كده جاتني مهاد قالت لي ماشه وين! قلت ليها ناس خالتو موده قالت لي المرا دي غير المشااكل م عندها حاجه ماشه ليهم ليه قلت ليها عشان يوسف لانو لمن يرجع ح يسالني من امو واختو وانا ضروري اكون مطمئنه عليهم في النهايه ده واجبي عاينت لي بحسره كده وقالت لي ميامن انتي لسه م مقتنعه قلت ليها اقتنع بشنو بالظبط كدا! قالت لي موت يوسف قلت ليها اتناقشت معاك في الموضوع ده قبل كده وقلت ليك انو يوسف م مات وح يرجع انا متاكده+هسي انا اتاخرت يلا قالت لي امش معاك قلت ليها لا م بيحتاج م تخاافي ابتسمت لي طلعت ومشيت ليهم لكن قبل اصل وقفت في الطريق اشتريت فواكهه نظام اشيلهم معااي انا اصلا كنت متعوده انو كل فترة والتانيه ازورهم رغم انو امو بتضايقني لكن بستحمل عشاانو ، لقيتهم قاعدين في الصاله سلمت علي افاق وسالتها من احولها واخبارها اما خالتو موده مدت لي اطراف اصابعها بس ، اثناء م نحنا قاعدين كدا افاق لاحظت لي الدبله في يدي وقالت لي انتي لسه م طلعتيها قلت ليها ولا ح اطلعها قالت لى انتي ليه م دايره تفهمي انو يوسف خلاص مات💔قلت ليها لانو هو فعلا م مات امو قالت لي بطلي تمثلي علينا اصلا ولدي مات بسببك افاق قالت ليها امي ميامن م عندها دخل قالت ليها لا عندها هي اساسا من دخلت حيااة ولدي خربتها حسبي الله عليك بس قلت ليها انا م خربتها وم تخافي كلها عباره عن مسالة وقت ويوسف يرجع قالت لي انتي وحده مجنونه وبتتكلمي ساي ومن فراغ قلت ليها لا م ساي+معاكم سلامه افاق قالت لي اقعدي شويه قلت ليها يا ريت والله بس لو قعدت هنا زياده ح تحصل مشكله م ليها اول ولا اخر، امو حمرت لي وقالت لي قصدك ايه قلت ليها العفوا م قصدي شي ويلا بجيكم مره تانيه خالتو موده قالت لي مشيه بلا عوده بركة الله ، م حاولت اركز مع كلامها طلعت وكالعادة لقيت رجليني بودوني البحر فجاه اتمنيت اني اشوف البت الشفتها قبل اسبوع م عارفه لي بس قلبي ارتاح ليها❤️ ، قعدت وبقيت ارمي الحجاره في البحر تاني مشيت وقفت في بدايه المويه وشردت م حسيت الا بي يد بتتختى في كتفي اتلفت لقيتها دي نفس البت ديكك فرحت جدا جدا لمن شفتها ، قالت لي هااي هااي قلت ليها اهلين قالت لي كيفك قلت ليها تمام التمام والله وانتي قالت لي الحمد لله قلت ليها شايفاك متحسنه ووشك منور قالت لي دقيقه ، طلعت جزمتها وجات وقفت معاي في المويه وقالت لي امم لانو صالحني وانا كنت فاهمهو غلط وافتكرت انو ديك كانت النهايه بس طلعت غلطانه شوفتي جملتك حقت " النهايه البتكون حزينه دي م نهايه عشان ربنا م بيظلم زول " دي م فارقت علقي وبالفعل ديك م كانت نهايتنا قلت ليها الحمد لله انكم اتافهمتو قالت لي الحمد لله ح احكي ليك القصه من البدايه قلت ليها قولي انا مستمعه ليك قالت لي كدي قبل احكي ليك نتعرف قلت ليها انا ميامن احمد قالت لي وانا ريان منصور اتشرفنا ومدت لي يدها وانا كمان مديت ليها يدي وقلت ليها عظيممم الشرف قالت لي طب انا وعلي بنحب بعض من الثانوي اوكي وطول فترة ارتباطنا دي نهائي م شفت منو حاجه كعبه او هو غلط في حقي ، المهم قبل اسبوع كان عيد ميلادو...
