وفي يوم وانا قاعده في البيت ويوسف في الشغل بالعصر كده الجرس ضرب مشيت فتحتو لقيت دي براءه استغربت من جيتها لانو نهائي م حصل جاتنا في بيتنا دا ، سلمت عليها ودخلتها كانت شايله ساخن بارد في يدها ادتني ليهو وقالت لي عملتها ليك بيدي عرفت من افاق انك بتحبي السلطة اسود فقلت اعملها واجيك قلت ليها حبيييتي يااخ م كان في داعي لي التعب🌍❤️قالت لي العفوا تعبك راحه ، شلتها منها ختيتها في المطبخ وجبت ليها مويه وعصير ، قالت لي والله زهجانه في البيت وم لقيت موضوع قلت اجي اتونس معاك قلت ليها مرحب بيك انا زاتي كنت زهجانه وقاعده برااي ومستنيه يوسف يجي قالت لي ربنا يعينا بس قلت ليها امين ، بقيت بتونس معاها وصراحه في الاول م كنت مرتااحه ليها بس لمن لقيتها ظريفه وعلى نياتها حببيتها وقلت اكيد هي اتغيرت ، اها اخدت ونستها ديك معااي وقالت لي انا بعد كده لازم امش قلت ليها اقعدي كمان شويه قالت لي لالا بعد دا راجلك ح يجي وانا مفروض امش قلت ليها خلاص بما انك الليله جبتي لي السلطه اسود بكره عازمك غدا وريني انتي بتحبي شنو اعملو ليك قالت لي حبييي اي شي م فرقت لكن بكره عندي شغل بعد بكره كيف معاك! قلت ليها م مشكله بعد بكره قالت لي تمام ، مشيت معاها لحدى الباب ودعتها ورجعت دخلت وما تمت نص ساعه كده يوسف جا داخل ، قلت ليهو هلا بالقمر قال لي اهلين ختى يدو في كفتي وكنا ماشين على الغرفه قال لي الليله شايفك مبسوطه قلت ليهو لانو جاتني براءه قال لي جد! قلت ليهو ايي جاتني واتونست معااي تصدق طلعت ظريفه وحبابه شدددديد قال لي طيب دي حاجه حلوه قلت ليهو بالجد شكلها اتغيرت قال لي الحمد لله انها اتغيرت ابتسمت وقلت ليهو يلا غسل عشان تاكل سلطه اسود معااي😍❤️قال لي عشقك الاول والاخير بعدي انا طبعا قلت ليهو تتذكر يوم جيتيني في بيت ناس حبوبه!! قال لي اخخ هو داك يوم بتنسى قلت ليهو رغم اني كنت متضايقه منك لانك لويت لي يدي وسقت براءه معاك الجمعيه بدلي بس لمن جيتيني في البيت بليل نسيت كل الزعل يعني حتى وانت فاقد ذاكرة زعلي م هااان عليك🙈😌❤️قال لي اصلا حبيييتي كل حاجه الا زعلك قلت ليهو احم احم😌🌍❤️ فكيتو ومشيت جهزت الصفره وختيت باقي الغداء الانا عملتو مع السلطه اسود ، يوسف جا وبدينا نااكل بعد خلصنا بقينا نرتب في الحته هو نضف الصفره وانا مشيت بقيت بغسل في العدة وأثناء م انا بغسل كده ظفري اتكسر زعلت شددديد لاني مربياااهو لي زمن😭💔سبت بااقي العده ومشيت لي يوسف في الغرفه لقيتو قاعد وماسك الابتوب حقو جيت قريبه منو وقلت ليهو يوسف شوف ومديت ليه يدي عاين ليها وقال لي مالا؟! في شنو مالك بتبكي؟!💔قلت ليهو ظفري ظفري اتكسر و قعدت ابكي بكى زي الكانو في زول مات😭💔رفعت راسي ولقيتو بيضحك فيني قال لي م جاده صح؟! بتبكي عشان ظفر؟! قلت ليهو يوسف انا بكرهك تف ياااخ😭💔قال لي اكرهيني بعدين بس هسي انتي بالجد بتبكي عشان ظفر م جاده في حيااتك يلا قلت ليهو انت م عارف انا تعبت في تربيتو كيف😭💔قال لي ده فراغ منك بس قلت ليهو قصدك شنو اني زوله فارغةة؟! قصدك كدا صح! ضربتو وطلعت من الغرفه مشيت قعدت في الكنبه برة و تميت البكي حقي ، شويه وحسيت بيهو قعد جنبي اخدني في حضنو وقال لي بتبكي وانا قاعد؟! معقوله اخليك و بعدين انا ابدا م قلت انك واحده فارغه و الظفر دا بنستبدلو بالف ظفر بس يعني انا شايف انو اصلا مف داعي ليه بس يلا عشانك ح اعتبرو كنز وضاع منك قلت ليهو انت لي دايما بتستهتر بي اول شي في الشتله وهسي في الظفر يوسف انت بقيت م بتحبني زي زمان انا بكرهك👊زحيت منو وقشيت دموعي وطوالي مشيت المطبخ ختيت قهوه في النار وجيت راجعهه لمن قربت اصل باب المطبخ شفت يوسف جاااي على م اشتغلت بيهو وكنت طالعه كده مسكني من يدي وقربني منو شددديد قلت ليهو يوسف فكني م رايقه ليك قال لي لا م ح افكك قلت ليهو يوسف لو سمحت🙂💔قالت لي كيف ممكن افكك وانتي زعلانه مني! قلت ليهو عاادي زي م استهترت بي قال لي ميامن انا اسف م قصدي اني ازعلك والله قلت ليهو م مشكله فكني قال لي لا مشكله طالما انتي مكشره كده قلت ليهو فكني ياااخ😭💔قال لي بحبك وعمرو حبي ليك م ح ينقص ف لي المره المليون تاني م تقولي اني اتغير عليك يا شافعتي😘❤️قلت ليهو لا اتغير قال لي يزوله اديك قلبي عشان تعرفي انو م تغير قلت ليهو خلاص وانا بحبك باسني في خدي وقال لي عااسل دا م مشكله بكره ظفرك يقوم وانا بنفسي ح اضرب ليك فيهو منكير قلت ليهو بالجد! قال لي ايي يلا اضحكي ، ضحكت وطلعنا بره وهو مشى جاب الابتوب حقو وقعد جنبي في الكنبه وتااابع شغلو الكان بيعمل فيهو ، اها اثناء م انا بتصفح في الفيس كده لاقاني منشور عن الزمام و كان في صور لي بنات قادين زمام قعدت اعاين ليهم و اتبسم ساي واتخيل اني قديتو كنت مركزه مع الصور شددديد وم مركزه انتبهت بيوسف وهو بلفتني وبقول لي ميامنن القهوه لسه في النار! نطتت ليهو عيوني جدعت التلفون وقمت جري على المطبخ عشان الحق القهوه ، لمن وصلت لقيت فاارت واتدفق منها ، كبيت منها فكابتين وشلتها ليوسف اديتو ومسكت تلفوني لقيت مهاد متصله على مكالمه رجعت ليها اتونست معاها شويه ورجعت لتصفحي...
