مشيت بيت ناس ام يوسف لقيتها هي وافاق وبراءه سلمت عليهم وقعدت ، طبعا خالتو موده من جيت طوالي لوت لي خمشها وكل م اعاين ليها تحمر لي شكلها مغيوظه مني شددديد لانو يوسف امبارح ساب براءه وجاني وغير كده جابها بيت ناس امو طوالي من تاني يوم ، بعدها هي مشت غرفتها وافاق جاها تلفون فبرضو مشت مننا فضلنا انا وبراءه بس ، جيت قعدت جنبها ومسكتها من يدها قلت ليها براءه انا عارفه انك متضاايقهه مني ومن تصرفات يوسف بس صدقيني كلو عباره عن مسالة وقت ويوسف حيحبك ويتعود عليك وتجبييي منو بييي ، اي صااح هو هسي بتصرف معاك بطريقه م حلوه خالص وم مديك حقك بس انتي اصبري ، عيونها دمعو و قالت لي قااعده احاول يا ميامن لكن انا من الاساس م كنت عايزه العلاقه دي الا وافقت بسببك انتي💔حضنتها على وقلت ليها ربنا كرييمم ويوسف مصيرو يجي يوم ويتقبلك م تخاافي قالت لي ان شاء الله ، فكيتها وقلت ليها امسحي دموعك يا السمحه انتي عروس جديده م مفروض تبكي❤️هزت لي راسها ومسحتهم ابتسمت ليها ، قضيت باااقي اليوم داك معاهم وحتى اني ضربت ليوسف وقلت ليهو اني ح ابيت معاهم ، كنت عارفه انو اول م اقول ليهو كده هو زاااتو ح يجي وبيت معانا وبالفعل عمل كده ، من جا قعدنا اتونسنا كلنا لحدى م نعسنا ، يلا انا مشيت مع افاق غرفتها وبراءه مشت الغرفه حقتهم خلينا يوسف مع امو كانو لسه بتكلمو ، انا اساسا هدفي من اني انوم مع افاق كلو عشان يوسف يمشي لي براءه ، اها رقدت في السرير وبقيت بفكر في وضعهم وهل يا ترى يوسف قعد معاها في الغرفه ولا لا ، لمن زهجت من التفكير حااولت انوم بس برضو م نفع اخر حاجهه قمت على حيلي وطلعت بره فتشت يوسف في البيت كلو بس م لقيتو ، هنا انا عرفت انو ح يكون مع براءه لانو ماف ، في اللحظه ديكك قلبي نغزني شددديد ويالله قدرت انوم ، تفكيري كان ملخبط من جهه مبسوطه لانو يوسف اتقبل براءه ومن الجهه التانيه م قادره اتقبل فكره انو يوسف ح يقرب عليها💔.....
________________________________________
لمن كنت في الشغل بالي كان لسه منشغل بالتفكير في براءه والحاجات الحصلت فجاه ، فكرت مسااافه كدا مرات بقرب اني اصدقها واصدق انها مريضه بس تاني برجع بقول انها كذاابه صراحه احترت ، ميامن ضربت لي وقالت لي انها عند ناس امي وح تبيت معاهم وانا طبعا م بقدر انوم في حته هي م فيها فعشان كده انا برضو مشيت ليهم ، اخدنا الونسه وهم قاامو بس فضلنا انا وامي ، في قلبي قلت انا لازم اتاكد من الموضوع ، فسالتها امي انتي صحي براءه دي مريضه!! قالت لي ايوا للاسف وعندها سرطان💔صرااحه اتفاجات لمن عرفت انو امي عارفه لاني كنت متخيل انها بتكذب وم مريضه لانو قلت حتى ناس امي م عارفين بس في الحقيقه هم طلعو عارفين الا انا ، قلت ليها ومن متين الكلام ده وانا ليه م عارف قالت لي من زمن كنت فااقد ذااكره وحتى افاق عارفه الا انت لانك كنت في وضع م بيسمح لينا اننا نكلمك فيهو وبعدين انت م كنت بتحب سيرتها فاكيد لو كلمناك بمرضها م ح تشتغل بيهو كتتتير💔قلت ليها اخخ💔قالت لي على فكره انت ظالمها يا ولدي وحاليا قاعد تظلم فيها ، حتى ميامن عرفت انها طيبه عشان كده عرستها ليك بس انت م صدقت💔م قدرت ارد على كلامها لانو صح ، قالت لي مفروض تديها حقوقها وم تقصر معاها ربنا ح يسالك منها العرس دا م لعبه عيااال عشان تتصرف معاها كده هي انسانه في النهايه وحاليا مرتك ، كلام امي ده هزااني شددديد ووقتها وعيت على غلطي وحسيييت اني ظلمتها ولا كمان م صدقت انها عيانه واتغيرت ، في اللحظه دي مرا علي موقف لمن طلبت منها الزواج هي م رضت في الاول الا ميامن اتكلمت معاها انا كيف ممكن اقول انو هي كذاابه💔تاني قلت طالما ميامن وثقت فيها انا كمان لازم اثق فيها وم اظلمها معااي وح اجيب البييي منها عشان ميامن ، وجاتني الفرصه لمن ميامن مشت نامت مع افاق فانا طوالي مشيت غرفتي وكنت عارف انو براءه فيها ، طبعا هي من شاافتني ابتسمت لي ، دخلت وقفلت الباب وراي قالت لي شكلك ملخبط ميامن م هنا في غرفه افاق قلت ليها عارف❤️عاينت لي باستغراب نظام اذا عارف انها هناك جااي هنا ليه! ، خشيت الحمام استحميت وغيرت ملابسي وطلعت ، لقيتها راقده في السرير وبتبكي ، قلت ليها بسم الله براءه مالك بتبكي! من شافتني مسحت دموعها وقالت لي ماف شي💔قلت ليها لا في شي لانك م ح تبكي ساااي قالت لي يوسف بطل تظهر انك مهتمي بي انت اساسا م ملاحظ لوجودي ، هسي لو اختك افاق دي عريسها عمل معاها زي م انت عملت معااي خلاها في اول يوم من عرسهم وطوالي اليوم التاني جابها بيت ناس امو هل ح ترضى💔!انا عندي مشاااعر على فكره م ممكن تمشي وتجيني في الوقت الانت عايزو وبعدين انا م عرستك عشان بحبك وميته عليك لا انا وافقت عشان ميامن ولانها طلبت مني الحاجهه دي وكلو عشان يكون عندك بييي انا اساسا م فضل لي في الحياة دي كتتير غير سنه ونص او زي م انا بقول عليهم مجرد شهور لكن شنو انا عاافيه ليك حتى ولو انت بتظلم فيني وم مصدقني💔قلت ليها براءه انا اسف شدددديد على كل حاجه عملتها معااك💔م ردت على بس بقت تبكي م لقيت نفسي الا وانا بحضنها وبقول ليها خلاص م تبكي بوعدك اني ح اديك فرصه واحاول اتقبلك وم اظلمك ابدا قالت لي بالجد😭💔!! قلت ليها ايوا انتي بس اصبري علي فتره واتعود عليك وان شاء الله ح نجيب بييي❤️قالت لي يوسف انا م قادرة اعبر ليك لانك قبلتني عارف انو انت بكلامك دا نسيتيني الحصل امبارح وانك خليتيني براي يلا عشانك استحمل قلت ليها م بتقصري والله❤️قالت لي ممكن افضل في حضنك لحدى م انوم! قلت ليها طوالي تفضلي❤️خليتها لحدى م نامت في حضني وانا زاااتي نمت معاها ، حبييت انو ادي براءه وعلاقتنا فرصهه واكفر عن ذنبي معاها لانها م تستااهل ، انا برضو ظلمتها كتتتير ولازم ارجع اعتزر منها في النهايه هي م بااقي ليها كتتتير💔وبرضو لازم احاول اتقبلها واتقبل وجودها في حياااتي عشان نقدر نجيب بيييبي في اسرع وقت......
