قلت ليهو اخت ليك الغداء!قال لي لالا بس تعبان وعايز انوم قلت ليهو طيب ادخل الغرفه نوم وارتاح ، هز لي براسو ومشى الغرفه وانا لحقتو بي عصير ومويه شربهم ورقد نام من ملامحو كان ظاهر انو هو تعبان ومرهق ، الساعه تسعه كده كنت قاعده في الصاله باكل في شبس وبحضر في مسلسل ، يوسف جا لقاني بحضر ومركزه مع المسلسل شدديد قال لي ميامن ، م رديت ليهو قال لي ها بتكلم معاك قلت ليهو في شنو! وانا لسه بعاين في التلفزيون قال لي كدي عايني اول قلت ليهو اتكلم كده انا سامعاك م ضروري اعاين ليك عشان افهم انت داير تقول شنو🐸💔م ردا على بس مشى فصل التلفزيون ، قلت ليهو يوسف يااخ هسي فصلتو مالك المسلسل مسخن افتحو يخخ قال لي اول شي اسمعيني قلت ليهو اها قول سريع عشان المسلسل ح يفوتني قال لي انا عاوز اتذكر الحصل في الاربعه سنه وعاوز اتذكر عرسنا وكل لحظاتنا قلت ليهو حتى انا عاوزاك تتذكر بس المشكله انو كيف انت تتذكر😭❤️قال لي عندي صحبي طبيب مخ واعصاب وكده قبيل بعد طلعت من الشغل مشيت ليهو وقلت ليهو الكلام دا قال لي طيب خلي مرتك تحكي ليك اكتر موقف مؤثر مره بينكم وحااول بقدر الامكان تذكرو واضغط على نفسك دي الطريقه الوحيده اللي ممكن تتذكر بيها حاليا او يحصل ليك نفس الموقف ال انت فقدت بسببو الذاكره ، فانا حاليا عايزك تحكي لي اكتر موقف مؤثر حصل بينا وانا من المستحيل كان انساااهو بس نسيتو لمن فقدت الذاكره ، ميامن انا عاوز اتذكرك كفاايه كده😭💔قلت ليهو ح احكي ليك بس انا م عايزاك تتاذى قال لي باذن الله م ح تجيني حاجه بالعكس ح تذكر فاحكي😭❤️قلت ليهو.....
_________________________________________
يوسف كان مااخد اجاازه من الجيش وجاااي الليله بالمساء ، ولحسن الحظ ضرب انو دا يوم عيد زواجنا ففكرت اعمل هدية لي يوسف وافاجو بيها ، مشيت من الصباح اول الكوافير رسمت وغيرت لوني شعري وتاني مشيت السوق اشتريت زينه وهديه طقم جلابيه ومعاهو ساعه وعطر ورجعت بيتنا م مشيت بيت ناس حبوبه ، لاني كنت عارفه انو يوسف من يجي الخرطوم بيجي بيتنا انا وهو اول شي ، من وصلت طوالي زينت البيت بالزينه الجبتها وانتظرت لمن مواعيد وصولو قربت مشيت جهزت نفسي ، لبست فستان قصير لحد الركبه وفكيت شعري لاني سلفا بعد م عملت الميج كويتو وعملت شويه مكيب ، وكنت مجهزه عشاء ظريف فضلت بس منتظرة يوسف ، كان عندي ليهو هدية تااانيه تعجبو جدا جدا انا واثقه ، يوسف جاء داخل واستغرب من شكل البيت والبالونات والشموع الماليه كل الحته وبقى ينادي ميامن انتي هنا صح!! جيت وقفت قدامو وضحكت على منظرو وقلت ليهو اينما تكون انت اكون انا🌍💙فضل يعاين لي بحب كده لمن انا خجلت اخدني في حضنو قال لي مشتاق شددديد وحياة عينك قلت ليهو انا اكتر يا سيدي ، فضلنا ضامين بعض قريب النص ساعه كده حتى بعد داك فكاني ، قال لي ف مناسبة الليلة ولا شنو مجهزه البيت كده ومنتظراني هنا م عند ناس حبوبه!!قلت ليهو لا بس مش من حقنا اننا ننبسط شوية واعمل ليك مفاجاه وانتظرك هنا قال لي من حقنا ليه لا😉❤️قلت ليهو اتفضل العشاء جاهز اها قال لي اووو ، عاين في الصفره وقال لي تسلم يدينك الحلوين الطبختهم عشاني قلت ليهو قلبي والله❤️اها اتعشينا وهو بس شغال يتغزل فيني بعد خلصنا عشاء طلعنا غرفتنا كنت مجهزه ليهو الهديه في السرير ، عاين في السرير وشاف البوكس حق الهديه قال لي دا ايه! قلت ليهو افتحو ، شالو وفتحتو كنت كاتبه ليهو بره البوكس " كل سنينا الجايه فرح ان شاء الله ، ربنا يخليك لي وم يحرمني منك وكل سنه ونحنا طيبين ومعااافين ببعض❤️ " يوسف لمن قرا الكلام دا مسكني من خصري وقال لي اخخخ انتي لي جميله كده وكل حاجه بتعمليها بتكون جميله قلت ليهو لاني مرتك😌❤️قال لي بختي والله قلت ليهو لا انا البختي قال لي طيب فكرك اني ممكن انسى يوم زي دا ي حبيبي😉❤️!قلت ليهو كنت عارفه انك متذكر لانو م صدفه تااخد اجازه وفي يوم زي دا بالذات😉✅قال لي حبيييي الحلو والذكى كمان قلت ليهو الله الله قال لي وانا برضو عندي ليك هديه وةقتها طلع الدبله المنحوت فيها اسمو ولبسني ليها وطلع لي القديمه وقال لي دي احلى عشان احس انو انا دايما معاك قلت ليهو احلى هديه والله بس هديتي انا ح تعجبك اكتر قال لي قصدك الجلابيه والعطر ديل! قلت ليهو لا قال لي يعني تاني في هديه! قلت ليهو ايي وقال لي وينها م شايفها هنا ، مسكت يدو وختتيها فبطني وقربت منو وهمست ليهو في اضانو انا حامل بحته منك🙈❤️يوسف لحظتها بقى يعاين لي ومن الفرحه م قدر يتكلم قال لي شنو ثواني ثواني انتي حامل! قلت ليهو ايي ، حصلت ليوسف لحظات لخبطة عجيبة قعد وقف واتفلت بكل الجهاات واخر حاجه ختى يدو ف راسو كانو بيستوعب ضحكت في حالتو الغربيه دي ، رجع مسكني تاني و سالني انتي بالجد حامل يعني انا ح ابقى أب❤️!!قلت ليهو ايوا قال لي م تتصوري فرحتي قدر ايه بالجددد شكرا ليك شددديد😭❤️قلت ليهو حبيبي انا كمان فرحت شديد لمن عرفت اني حامل بحته منك قال لي لا يعني انتي وانا واليوم الحلو دا وكمان حامل مني لا لا كتير علي😭🌍💙قلت ليهو واخيرر حبنا ح يثمر قال لي اخخ يا ميامن اخخ انا الليله م ح انوم من الفرحه ، وبالفعل يوسف اليوم داك م نام وكل خمسه دقائق يسالني بطنك بتوجعك! نمشي الدكتور نطمن! وانا زهجت من اني ارد ليهو نفس الرد واقول ليهو لالا وانا حامل لي شهرين ياداب يا يوسف🤦🏻♀️💔يلا انا عرفت اني حامل لمن هو كان مسافر لي الماموريه الفاتت دي وم حبييت اكلمو الا لمن يرجع ، اها مره شهر تاني وبقيت في التالت ويوسف من الفرحه اخد اجاازه كم شهر زياده كلو عشان يقعد معااي ويهتم بي وسجل لي كمان مع دكتوره عشان اتااابع معاها وكل م نمشي المقابله يسال الدكتوره هل تولد طبيعي! طيب هل هي ح تحتاج شي! ما تاكل اندومي صح! لانها جنتتني بيها ، دكتوره كلميها تتهتم بصحتها ، وانا بس اضحك عليهو😂💔يوسف كان فرحان ب البيبي ده أكتر من فرحي انا وكان كل يوم يجيب ليه لبسة مرة لعبة واي شي نفسي دخلت فيه كان بجيبو لي على طول مهما كانت الساعة أو اليوم م كان بتنرفز أبداً وطلباتي كلها اوامر😂❤️في يوم وانا نايمه بالنهار كده ويوسف طلع عندو صحبو ماشي ليهو ، لمن صحيت من النوم كان في دم نازل مني وكتتتير شدددديد وبطني بتوجعني بطريقه م طبييعيه💔انا لما شفت الدم انخلعت خلعه وقلبي بقى يضرب بسرعه لحسن الحظ تلفوني كان جنبي شلتو وضربت ليوسف وم فهمتو حاجه وقفلت الخط ،ومن الخلعه اغمى على وهو في نص ساعه جا داخل واتفاجى بالمنظر زي م عارفه كيف يوسف ده قدر يشليني ويمشي بي المستشفي ، وبس يااااهو ال في بالكم اي اجهضت💔لمن صحيت م استوعبت الكلام دا واني اجهضت عديت اليوم داك في المستشفى وتاني رجعت بيتنا ، يوسف كان عامل روحو قوي وبيقويني وانا عارفه انو هو محتاج لذات نفسو محتاااج زول يقويهو💔بعد كم يوم شلنا التحاليل ومشينا لي الدكتوره الكانت متابعه معااي ايام الحمل عاينت لي التحاليل وقرتهم ، يوسف قال ليها في شنو يا دكتور كيف يعني هي ممكن تجهض كده وهي م بتشتغل حاجه وبس راقده ومتبعه كل الانظمه الصحيه كيف انا م فاهم💔قالت ليهو للاسف مرتك عندها اورام ليفيه في جدار الرحم وده سبب من الاسباب البتخلي حملها ضعيف وم ثابت لانو الجنين م بيقدر يستقر في جدار الرحم فتره الحمل كلها عشان كده بيسقط من يعدي شهرين او تلاته لو حملت مره تانيه برضو الجنين ح يفضل كم شهر بس بيسقط💔طبعا انا لمن سمعت الكلام ده حسيت بي انو وقعت فيني صاااعقه وبقيت م فاهمه حاجه ولا استوعبت باقي كلامهم وطلعت بره ودموعي جارين يوسف جا ولحقني ، قال لي ميامن💔قلت ليهو يعني كده انا م ح احمل مره تانيه ولو حملت ح اجهض تاني😭💔يوسف قال لي ربنا كريممم يا ميامن قلت ليهو اخخ يا يوسف💔اللحظه ديك دموعو حات جاااريه ولي اول مره اشوف دموعو الموقف داك هزاااني شددديد حرفيا ، يوسف م قدر يعمل شي غير مسكني من يدي وركبني في العريبه لاني م كنت قادره اتحرك براي ، كده كل فرحتنا ديك راحت سااي دخلت في حاله اكتئاب وبقيت نادرا م اضحك او اهظر معااهو بس هو كان بحاول يطلعني من الجو ده لكن انا كلام الدكتوره داك فضل معلق ف راسي واحتمال اني ما احمل تاني لأن حملي الأول كان ما ثابت ويمكن حتى لو حملت ح اجهض تاني💔يوسف كان بقول لي أنو ربنا كريم وانا ما أحزن وكذا بس انا ما قدرت حسيت إني بظلم يوسف معاي لدرجه مره قلت ليهو طلقني💔يوسف لمن قلت كده اتخلع وقال لي ميامن انتي مستوعبه القاعده تقوليهو قلت ليهو ايي قال لي لا انا متاكده انك م مستوعبه قلت ليهو يوسف نحنل نبقى جاادين انت لو فضلت معاااي م ح يجيك طفل ولا عمرو م ح يجيك شافع صغير يقول ليك بابا ، يوسف انت فااهم حكايه انك م بتقدر تجيب بييي مني😭💔قال لي م فاهم ولا داير افهم كل الدايرو انك تكوني معااي ولو م جاءني بيييي منك انا م دايرو من زول تاني وبعدين انتي بتي وشافعتي ولو جا يوم وكان نفسي اسمع كلمة بابا ح اجي واقول ليك قوليها لي ، ميامن انتي بتي واختي وامي وحبييتي وكلو وبس يعني😭❤️
_______________________________________
قلت ليهو بس وانت بالطريقه دي نهيت النقاش وخليتيني اتقبل فكره انك م عايز بييي لاني انا بتك ، لمن خلصت من الكلام دا وحكيت ليوسف الموقف لقيتو عيونو مدمعه ، قال لي ميااامن😭💔قلت ليهو يوسف انا اسفه م كنت دايره أحكي واذكرك بي الذكريات المؤلمه دي بس م عندي حل دا اكتر موقف مؤثر مر بينا😭💔ضماني عليهو شددددديد وقال لي بحبك لبعد حد انتي ممكن تتخيليهو قلت ليهو وانا كمان والله❤️وفي راسو كاان بيحاول يتذكر وضغط على نفسو شددديد لدرجه انو صدع صداع حاااد بس هو م وقف تفكير والموقف حق البييي دا بقى يتشاف ليهو طشاش طشاش وراسو كان دايش بقى ماسك راسو وعيونو بتغمض وتفتح قلت ليهو يوسف مالك!! قال لي م قادر اتذكر حاجه من الموقف قلت ليهو م تضغط نفسك عليك الله😭💔قال لي لا انا لازم اتذكر ، هو بحاول والطشاش شويه شويه بدا يظهر بصوره اوضح لحدي م ظهر ويوسف اتذكر لكن فجاه اغمى عليهو ، لمن داااخ دموعي طوالي جو جارين وبقيت بصحي فيهو قلت ليهو يوسف قوم ، يوسف😭💔وهو ما كان قادر يفتح عيونو او يقوم وانا خلاص لحظتها بقيت ارجف من فوق لتحت يالله قدرت وبسرعه مشيت جبت مويه وجيت رشيتو بيها ، شويه بدا يفتح في عيونو قلت ليهو يوسف انت كويس! وضميتو على قوي قال لي ميامن😭❤️قلت ليهو يوسف انا خفت عليك شددديد تاني م تعمل كده وم تحااول تتذكر انت كده ح تاذي نفسك قال لي اصلا تاني م ح اعمل كده لاني اتذكرت كل حاجه😭❤️طبعا لمن قال لي كده فكتيتو وبقيت بعاين ليهو وانا مخلوعه ومقلعه عيوني قلت ليهو جد! قال لي ايي قلت ليهو واااااااي م قادره اصدق😭❤️قال لي لا صدقي انا خلاص اتذكرت قلت ليهو اخخخ الحمد لله😭❤️قال لي الحمد لله ، واليوم داك من الفرحه خليت يوسف يحكي لي عن حياتنا الزمان وهو حكى لي كل حاحه وفعلا اتذكر ، ولمن ناس خالتو موده عرفو م تصدقو امو دي فرحت كيف ياااخ لمن زغردت من الفرحه❤️ ، مره كم يوم وكنا فرحانين شددديد واحساس انو يوسف اتذكر م كان بيتوصف ابد❤️.....
________________________________________
طبعا براءه من سمعت انو يوسف رجعت ليهو الذاكره طوالي قامت مشت المطبخ عملت سلطه اسود وختتها في سااخن بااارد ولبست وكانت طالعه كده لاقتها امها..
_مااشه وين
=بيت يوسف
_وشايله معاك شنو!
=سلطه اسود دايره اديها لميامن😉
_براءه انا م فاهمه انتي بتخططي لشنو بالظبط كده مش قلتي ح تكتبيها خلاص ماف داعي انك تحبيها وتعملي ليها كل الحاجات دي
=لالا غيرت رأيي
_كيف يعني م ح تكتبيها وتخلي يوسف يعرسك!
=م كده
_ممكن تفمهيني انتي بتتخططي لشنو!
=طيب عايني البت الاسمها ميامن دي مسكينه شددديد وبتصدق اي حاجه بسرعه وبالذات لو كانت مؤثره يااخ انا يوم اعتزرت منها نزلت كم دمعه بس وهي صدقتني وسامحتني فانا ح استغل مسكتنها دي واخليها تعرس لي يوسف الكتابه م ح تنفع زي لمن اثر عليها😉✅
_ طيب ح تستغليها كيف وبشنو!
=دا خلى لبعدين هسي انا اتاخرت لازم امشي ليها واخليها تشوف حبي وطيبتي😉😘❤️
_ههه اي لازم تهظريهم ليها طالما عندك غايه منهم😉✅
=يلا بااي يعسل
_باااي
...........
_انت الوطن الذي الجأ اليه من تعب الحياة🌍💙💙.
اشوفكم❤️.
