قالت لي نفتح صفحه جديده مع بعض ولا شنو!! قلت ليها نتفح ، البت م صدقت قلت ليها كده طوالي جات حضتني وقالت لي بالجدد شكرااا يا خسارة الايام اللي م كنت عارفه فيها نيتك النضيفه وقلبك الابيض دا بالجدد اسفهه قلت ليهو م مشكله حببييه ماف داعي تعتزري وكونك عرفتي غلطتك دي برااها حاجه كويسه❤️ابتسمت لي وفاتت ، صرااحه كنت محتااره فيها كيف يعني ممكن هي تتغير وبالسرعه دي ، يوسف طقطق لي بيدو وقال لي شردتي وين! قلت ليهو م في محل قال لي طيب متحمنه كده مالك قلت ليهو لالا بس مستغربه قال لي من ايه بالظبط! قلت ليهو من براءه فجاه كده بينت لينا انها اتغيرت وبسرعه خياليه معقوله دي نفسها براءه القبل كم يوم كانت بتشاكلني وم بتطيق اسمي حاجه غريبه انها تتغير بسرعه كده م عارفه قلبي بيقول لي في شي تاني قال لي الله قادر على كل شي وبعدين نحنا م علينا الا نحسن بالظن وان شاء الله تكون بقت كده زي م هي مبينه لينا حاليا قلت ليهو ان شاء الله قال لي هسي خلينا منها نحنا كنا وين😉!وجا قريب مني قلت ليهو م كنا في حته+دا م بيتنا وممكن اي زول يجي زي م براءه جات هسي فشنو حافظ على التباعد الاجتماعي🤣💔قال لي اصلها هي كورونا ولا شنو🤣💔!ضحكت وقلت ليهو يلا انا ماشه قال لي وين قلت ليهو اساعد امك اكيد الضيوف محتاجين انو يقدمو ليهم الحلويات وكده قال لي وانا م ح تدوني! قلت ليهو انت اولهم قال لي اا زول😎💪❤️قلت ليهو م تصدق انت اخر واحد قال لي صدقت وانتهيت🤣💔مشيت لقيت براءه في المطبخ وشايله كم شياله شلت معاها وبقينا نقدم لي الضيوف وناس مهاد وحبوبه لقيتهم جو ، اها بعد خلصنا من الضيوف فتشت ليوسف عشان اديهو ، لقيتو بيتكلم بالتلفون مديت ليهو الشياله واشرت ليه بيدي نظام شيل ، شال ناعم بقى يااكل فيهو وبرد على الزول البيتكلم معاهو ، منظرو كان جميل شددديد ، طريقه اكلو لي الناعم ، طريقه كلامو ، الجلابيه المفصله عليهو ، لحيتو المخففه ، حرفيا اي شي فيهو بيهبل💘انتهى من المكالمه ولقاني شارده فيهو قال لي كفايه م تعايني لي كده ح تسحريني قلت ليهو يسحرك اي زول هنا الا انا وبعدين م تخاف حبيييي انا محصناك😌❤️قال لي وانا من جيتيني بره الكوفير حصنتك في سري اساسا عندي منو غيرك عشان احصنو قلت ليهو بحبك ياااخ قال لي وانا بدمنك❤️رجعت منو وافاق وموفق نزلو الناس بقت تبارك ليهم وتزغرد واتصورنا معاهم انا يوسف كترت صور ايككك ، اها انتهى اليوم على كده ورجعنا البيت من وصلنا قلت ليهو يوسف انا تعبانه وعايزه انوم فاذا حاابب تنوم في الكرسي وريني من هسي عشان امشي واسبقك🤣💔قال لي مش قبيل لمن جبتك من الكوافير قلت ليك اني اي صح ما متذكر الحصل في الاربعه سنوات الفاتوا بس أنا هنا وانتي هنا خليني أحبك وأهتم بيك من أول وجديد وعشان كده ح ننوم في غرفتنا❤️انبسطت شددديد من قرار يوسف ولانو حاابب يدي حبنا وزواجنا فرصه ويحبني من اول وجديد ، مشينا الغرفه غيرت ملابسي وجيت رقدت في السرير يوسف جا رقد جنبي قربت منو حضنتو ونمت ، صحيت تاني يوم قبليهو لقيتو نايم احححي انا من تفاصيل وشو وهو نايم💘عاينت ليهو مسافهه وبعدها قمت اول شي مشيت سقيت الشتله وتاني سويت الشاي ، شلت لي كبايه بتاعت شااي ومشيت البلكونه بقيت واقفه بعاين لي الشارع الفاضي والهدوء والسكينة واصوات العصاافير اخخ حاجه ترد الروح ، اثناء م انا واقفه كده حسيت بيوسف وهو بحاوطني من ورا تكيت راسي وعاينت ليهو بالمقلوب باسني في انفي كالعاده وقال لي صبااح الخير قلت ليهو صبااح النور شدددديد💘قال لي واقفه هنا بتفكري في شنو قلت ليهو ولا شي بس مستمتعه بالمنظر والشارع الفاضي دا عن كميه السكون والهدوءه بالبكون بالصباح❤️قال لي فعلا الجو بي الصباح بكون رهيب واي واحد فينا محتاج انو يقيف ليهو وقفة تأمل بالصباح قلت ليهو بالجد+عاوز شااي! قال لي يا ريت قلت ليهو طيب فكني امشي اجيب ليك قال لي م ضروري تمشي تجيبي اديني باقيك قلت ليهو هناك في لكنن قال لي بس انا عايزه اشرب من كبايتك دي ، مديت ليهو الكبايه شالها وقال لي اممم شربتي بياااتو جهه! قلت ليهو ليه!🌚💔قال لي م دايره ليها ذكاء انتي فاهماني قلت ليهو امههم بي الجهه دي قال لي م تكوني غشيتيني!! قلت ليهو لا والله م بكذب انا قال لي وانا م بصدقك عشان كده اشربي هسي منو وانا كده بعرف الجهه قلت ليهو والله انت🙂💔قال لي اشربي يا زوله بدون نقاش ، شلت منو الكبايه شربت وهو شرب بنفس الجهه الانا الشربت بيها وكات بيضحك❤️تاني قال لي صراحه عايز اتكلم معاك في موضوع قلت ليهو واللي هو! قال لي انا عاوز ارجع لشغلي في الجيش اتفكيت منو وقلت ليهو شنو!! قال لي مالك! قلت ليهو يوسف انت م جااادي كيف يعني عاوز ترجع وانت الحصل ليك وخلاك تقفد ذاكرتك هو الجيش قال لي ميامن اول شي اهدي بعدين انا اصلا م عاجبني الشغل في الشركه وقبل كم يوم اتصلت لي القائد بتاعتنا واستفسرت منو وقلت ليهو اني عايز ارجع الجيش وهو اداني فكره وقال لي رايك شنو تمسك الجنود البتدربو حاليا وتدربهم وتكون مسؤال منهم يعني تبقى القائد بتاعتهم وانا واقفت فشنو يا حبيبتي يعني م ح امش حرب وكده قلت ليهو يوسف قال لي ميامن ، كشرت ليهو وشي ، قال لي ميامن افهميني انا م ح امش حرب لا ح اكون هنا ومعاك بس ح ادرب ضباط قلت ليهو اممم طيب قال لي طيب شنو! قلت ليهو مواقفه بس ماف حرب وماموريه وم ادراك😏👍قال لي حااضر ماف🤣💔قلت ليهو طب والشركه قال لي ح اخليك انتي المديره فيها قلت ليهو لالا اعفيني من الحاجه دي انا برااي لي كم يوم بفكر استقيل لاني اساسا دخلت الشركه دي بس عشانك وعشان اكون قريبه منك وهسي طالما انت ماشي الجيش انا ح استقيل قال لي بس قلت ليهو م بس يااخ انا زهجت وم بقدر على مسؤوليه الدوام والبيت سوا كفايه اني كنت مستحمله استهزاءك بي لمن بجي متااخر🙂💔اخخ عيوني م كانت بتتهنى بالنوم زي الناس لكن شنو من القى نفسى زهجت ومليت بمشي اشتغل فيها قال لي كان كده عندي صحبي شددديد ح امسكو الاداره قلت ليهو حلو❤️قال لي خلاص هسي خلينا نمش نكلم ناس الشركه واضرب لصحبي يجي عشان نخلص كل حاجه الليله لانو انا بكره ح انزل الشغل الجديد قلت ليهو بكره دي! قال لي ايي انا مستعجل قلت ليهو امم اغير ملابسي بس واجي قال لي تمام منتظرك ، مشيت غيرت ملابسي وجيت لقيت يوسف برضو غير ومشينا الشركه ، يوسف عمل الاجتماع وقال ليهم كان بتمنى اني انا وميامن نواصل معاكم بس انا عاوز ارجع لشغلي القديم وميامن م حابه انها تشتغل حاليا ف اعذرونا وانا ح اسلم ادرة الشركه لصحبي❤️كلهم في البدايه زعلو لاننا ح نمش بس بعدين رضو ، الاء كانت زعلانه شدديد قالت لي بعد م اتعودت عليك دايره تمشي وتخليني قلت ليها حبيييتي معليش بس م في يدي لانو م بقدر على مسؤليه بيت ودوام في نفس الوقت لكن م تخافي بجي بزورك كل مره ولو حسيت بالزهج برجع اشتغل معاكم قالت لي توعديني انك تجي تورزيني قلت ليها بوعدك وكمان بعد بكره عازماك❤️قالت لي حبيييي انتي والله بس وريني الساعه والمكان وانا بجيك قلت ليها سمح ، قضينا باقي اليوم داك معاهم وتاني مشينا بيت ناس يوسف وهو كلم امو وفي البدايه ردت فعلها برضو كانت زيي وقالت ليهو انو م يرجع بس هو وبنفس الحنك راضتها وخلاها توافق وبعدها رجعنا بيتنا ، اليوم التاني صحيت بدري لانو ده اول يوم دوام ليوسف ، عملت الشاي ولقيت البسكويت خلص فلبست توبي ومشيت الدكان اشريت بسكويت ومعاها رصيد ، المهم وانا راجعه من الدكان كده شفت بيت حلو وفيهو ورود سارة اللونها احمر ديك جات في بالي فكره اني اقطع منها واحد واديها ليوسف😂💔اتسحبت برااحه على جهه البيت وقطعت الورده بسرعه وجريت البيت وانا بدعي انو م يكون في زول شافني😂💔رجعت البيت مصلت التوب ومشيت جهزت الشاي وختيت معااهو البسكويت والورده وشتلو ليوسف لكن لقيتو لسه نايم ختيت الشاي في طربيزه التواليت وجيت جنبو ضربتو ضربه خفيفه وقلت ليهو يوسف اصحى لكن ما ردا علي وقدر م حاولت اصحيهو ابى لي ، وهو عندو عاده انو يكون قالع فلينتو وهو نايم وينوم على بطنو ، اخر حاجه مشيت جبت مويه بادره تلج بس وجيت كبيتها ليهو في طهرو🤣💔قام على حيليو وهو مخلوع عاين لي وغمض وفتح عيونو قريب السبعه مرات من الخلعه قال لي الا اله الا الله دي طريقه تصحي بيها زول عليك الله!قلت ليهو قصدك حيوان لانك ابيت تصحى زي الانسان الطبيعي+هسي بطل رغي وقوم قال لي نعسان داير اتم نومي وداير يرجع ينوم ويتغطى كده مسكتو بي يدي وقلت ليهو لا قوم انت وراك شغل ، مسكني من نفس يدي وجراني عليهو بقيت قاعده في رجليهو وهو ماسكني من خصري بيديهو الاتنين ، تاني تكي راسو علي رقبتي وغمض عيونو قلت ليهو يوسف كده ح تتاخر قال لي واتاخر مالو قلت ليهو يوسف اسمع الكلام فكني وقوم صحصح عشان الشااي م يبرد وانت م تتاخر قال لي يعني م ممكن نفضل كده قلت ليهو م ممكن انت وراك شغل🙂💔باسني في رقبتي وقال لي امري لله بس وقام خشى الحمام يستحمى وانا فتحت الدولاب كنت عايز الحقو البدله بتاعتو حقت الجيش انا سلفا كنت مغسلاها وكويتها امبارح بعد رجعنا ، شلتها وكنت عايزه اقفل الدولاب كده انتبهت لورقه جديده مصلقه في باب الدولاب طوالي عرفت انو يوسف كتبها ، كان كاتب لي فيها " أريدك حلوا كنت أو مراً ، أريدك لأن الدقيقة التي تمر بقربك تعادل أيام من عمري ، ولأنك رغم كثرة المارين في حياتي، وحدك من أشعرتني برغبة الإستمرار ، فقط اريدك انتي لا غير❤️❤️ " قريت الكلام دا قريب التلاته مرات وكنت فرحانه بييهو شددديد لانو يوسف بيرجع يعيد في ذكريااتنا ، طلع من الحمام وهو لافي منشفه في نفسو قال لي شارده وين من قبيل بنادي عليك عشان تجيبي لي البدله قلت ليهو يوسف انا بحبك شدددددديد والله😭❤️قال لي وانا كمان بحبك حبيييتي قلت ليهو بالجدد م عارفه اقول ايه بس الورقه المصلقه دي فرحتني شدددديد قال لي حبييي تستااهليها والله قلت ليهو غلبني التعبير قال لي الفرحه باينه في وشك ماف داعي لي التعبير قلت ليهو اخخ انت حاجه حلوه شددديد😭❤️قال لي عارف😎💪+البدله قلت ليهو ح اتجاوز المقطع الاول🙂💔واديتها ليهو رجع الحمام لبسها وانا رجعت سخنت الشاي وولعت معاااهو بخور وجيت لقيت يوسف واقف وبتعطر ، واااي منو واااي من البدله عليهو واااي من العضلات كالعاده لازم يخليني انبرش فيهو😍💘قلت ليهو حضرة القائد يوسف محمد الشاي جااهز وجبت ليهو الصينيه عاين فيها وقال لي الله الله على الرومانسيه ورد وحركات بركات قلت ليهو مرتك يا زول فاكيد ح اطلع رومانسيه شبهك😉❤️قال لي حبييي انتي تسلمي لي❤️شال الورده شماها وقال لي ريحتها حلوة ، شربنا الشاي بمزااج وهو ماسك الورده م ختاها من يدو ابدا قلت ليهو على فكره الورده دي مسروقه🤣💔قال لي كيف يعني م فهمتك! قلت ليهو انا سرقتها من بيت عجبني قبيل لمن مشيت جبت بسكويت🤣💔ضحك وقال لي حرفيااا انا م قادر عليك يا ميامن🤣💔قلت ليهو ولا ح تقدر يا بييي قال لي لكن برضو كونها منك ح اعتبرها هديه قلت ليهو مححح يا قلبي😘❤️قال لي يلا انا بعد كده ح امش ، قدمتو لحدى باب الشارع قال يلا لي خلى بالك من نفسك لحدى م ارجع واخلى بالي منك قلت ليهو حااضر😔💘قال لي ميامن مالك عامله كده قلت ليهو م عارفه بس م دايراك ترجع لي الجيش قال لي اخخ مش اتكلمنا امبارح في الموضوع دا واتفقنا على اني ح اشتغل هنا قلت ليهو بس برضو قال لي باذن الله م ح تجيني حاجه بعدين انا شغلي ح يكون اني ادرب واشرف على الجنود الجداد وبس يعني قلت ليهو متاكد يعني ماف ماموريه وبتااع! قال لي والله ماف قلت ليهو امم قال لي هسي ممكن تضحكي عشان انا م ح اقدر اتحرك الا انتي تبتسمي ، ابتسمت ليهو بسمه خفيفه قال لي اكتر شويه ، ابتسمت تاني شويه قال لي عاوز اشوفك سنونك الشينه انا🤣💔ضحكت ليهو بصوت وقلت ليهو يوسف ياااخ ، قعد يحاكي فيني ضربتو في كفتو وقلت ليهو يوسف انا م بتكلم كده🙂💔قال لي سمح انتي م بتتكلمي كده😂👍قلت ليهو ح تجي راجع متين! قال لي العصر او قريب المغرب قلت ليهو طيب ح انتظرك قال لي يلا في امان الله وباس راسي ، طلع ووصل جنب باب عربيتو واتفلت عاين لي ، قلت ليهو تيك كيررر يا بيب هزر لي براسو نظام حااضر ، رفعت ليهو يدي وهو كمان رفع يدو وقال لي بحبك قلت ليهو وانا كمان ركب عربيتو ومشى وانا دخلت جوا ، اليوم بدون يوسف م كان حلو ابدا وانا بس كنت لافه في البيت من مكان لمكان ومره اسمع اغاني ومره اقرا لي روايه وحسيت انو اليوم طويل شددديد ، م صدقت متين جا قريب لي المغرب وسمعت صوت عربيه يوسف وكعادتي جريت اتاكدت انو ده هو بالبلكونه وبعدين مشيت انتظرتو حنب الباب من فتحو طولي اتشعلقت فيهو وحضنتو قوي قلت ليهو اشتقت ليك شددديد شددديد شددديد قال لي وانا كمان اشتقت ليك وقفدتك جدا قلت ليهو اها كيف كان يوم! قال لي كويس والله قلت ليهو الحمد لله...
_حبك لم يكن وقوعا ، حبك كان نجاة ، كان حياة ، كان علوا بين السماء❤️❤️.
اشوفكم❤️.
