عده زمن بسيط وتاني الجرس رن مشيت فتحتو كانت دي مهاد قلت ليها يا هلا يا هلا قالت لي اهلين قلت ليها الليله اتاخرتي قالت لي م لقيت مواصلات بسهوله قلت ليها اها ، دخلنا جوا وم تمت دقيقه كده رزان جات داخله ومن شكلها كان باين انو في حاجه مزعلها ، قلت ليها بسم الله مالك جايه ماده بوزك مترين لقدام ومكشره وشك كده قالت لي اسكتي بس مهاد قالت ليها زعلك وليد! (دا خطيبها) قالت ليها يااهو في غيرو قلت ليها مالو زعلك في شنو قالت لي سافهني من قبيل وهسي الطريق كلو م اتكلم معااي وقال لي الليله م فاضي ليك فما ح يتصل لي بعدين بليل اتخيلي ده كلو عشان في كوره🙂💔مهاد قالت ليها جد! قالت ليها اييي مهاد قالت ليها خلاص انا ح احضرها رزان عاينت ليها من فوق لتحت وقالت ليها عمري م شفت بت بتتحمس لي الكوره زيك انتي يا مهاد ، قالت ليها الكوره عشقنا الاول والاخير يا بت فكيف م اتحمس ليها😍💘قلت ليها خليها يا رزان اصلا دي محمد ولد وبعدين انتي عارفها م بتفوت ولا كوره🙂💔مهاد قالت لي بري استحاله افوتها كدي هسي ماشه اشوفها في يااتو قناه عشان لو م جايبنها في التلفويون امشي احضرها في كافي قلت ليها سبحان الله🙂💔رزان قالت ليها ولد انتي ولا بت م عرفتك مهاد قالت ليها بت لكن كان نفسي وبشده اطلع ولد😂💔هم قعدو يتناقشو في موضوع الكوره وانا سرحت بعيد....
_____________________________________________
ميامن نتفق من هسي بعدين عندي كورة فما تقعدي تمشي وتجي جنبي لمن تبدا عشان م تشغليني الكوره الليله مسخنه ولا اقول ليك الصاله دي زاتو م تجي فيها بس خليك في الغرفه قلت ليهو السمكك قال لي السمكك طيب انا بعرف اتصرف معاك كيف خلي لي بعدين بس🙂💔اها لمن جا وقت الكورة بقيت بحاول اشغل نفسي بالتلفون عشان اخليهو يحضرها بمزااج بس مشكلتي اني بزهج سريع وكنت بتموضع بيوسف لكن هو هسي بحضر في الكورة وم ح يشتغل بي فتحت الفيس والواتس والانستا وكلو بس م لقيت موضوع في الاخير قلت امش اقعد مع يوسف ، مشيت قعدت جنبو وهو اساسا م كان منتبه لي اتلفتت يمين وشمال وم كنت لاقيه حجه عشان اتكلم بيها معاهو واخليهو يركز معااي ، تاني ختيت يدي في شعرو وحركتها وكنت ببخلل ليهو فيهو قال لي مياامن انا حاليا م فاضي ليك فلمي يدك دي عليك🙂💔قلت ليهو بس انا زهجانه يخخ قال لي م شغلتي اسكتي ولا امشي من هنا قلت ليهو ابييت م ردا علي بقيت بحااول اشغلو وهو حالف م يركز معااي جيت وقفت قدامو وغطيت منو التلفزيون وشغاله ارقص ليهو واعمل ليهو حركاتك هبله عشان ينتبه لي بس كان شغال لي زحي يااخ ، ميامن الكوره ح تفوتني ، مياامن لو وصلتك م ح ارحمك دي كوره زحي يا زفت😡💔م اشتغلت بكلامو جيت قعدت في رجلينو وختيت يدي في رقبتو ولصقت انفي مع انفو وقلت ليهو خلاص م تتضايق قال لي م دايراني اتضايق كيف وانا الكورة ح تفوت علي بسبب تصرفاتك دي😢💔قلت ليهو هي الكورة اهم مني! قاال لي اممم دقيقه افكر ااا قلت ليهو م محتاجه كل التفكير دا اكيد انا قال لي كان نفسي اقول ليك كده بس في الحقيقه الكورة اهم منك🌚☺️💘قلت ليهو كويس يا زول لالا تمام😏👍 وقمت منو ودايره امشي كده جراني عليهو وقعدني تاني في رجليهو ، قال لي صاح الكورة مهمه لكن انتي اهم منها بكتييرر قلت ليهو بس انا زعلت ، عضاني في انفي قلت ليهو يوسف ياااخ قال لي ينفع تزعلي مني! قلت ليهو ينفع قال لي طب انا اسف قلت ليهو م مشكله قال لي انتي لسه م رضيتي صح قلت ليهو صح قال لي طيب اعمل شنو عشان ترضي وم تزعلي مني!قلت ليهو تقول لي بحبك قال لي لكن انا بعشقكككك م بحبك بس قلت ليهو قلبي والله😢❤️قال لي وهسي ممكن تمشي تغيري عشان نطلع لانو انا عازمك قلت ليهو وااي انت جاادي؟! قال لي ايي حاابك تغيري جو لاني شايفك زهجانه ومتنشنه قلت ليهو طب والكورة! قال لي ح احضرها في الكافي اقصد ح انساها وم ح اركز معاها بس ح اركز معاك انتي😁💘قلت ليهو امم اوعى يكون الفي بالي قال لي لالا ابدا😁💔 ، طبعا الشارع كلو هو بسال الاولاد البلقونا من الكوره والعجب في الكافي بقى يحضر فيها وناسيني انا كاني م موجود يعني الطلعه كانت زي قعدة البيت واحد وفي الاخيرر فريقهم خسر والله شمت فيهو شمااته وضحكت فيهو جنس ضحك اليوم داك😂💔....
