قلت ليهو يوسف ممكن تبطل توهم نفسك اني شغاله بيك☺️👍لمن قلت ليهو كده عاين لي بي استغرب وكان مخلوع من كلامي ، تابعت وقلت ليهو انت كنت قاصد بكلامك داك اني غرت منها عشان كده وقعتها بس احب اقول ليك انو انا عندي البغير عليهو ف لي اغير من خطيبتك انت بالذات ، يوسف لو انت ناسي احب اذكرك اني متزوجه وعيني مليانه حتى ولو هو حاليا بعيدد عني بس انا حاسه بيهو قريب مني كل القرب يمكن انا وهو في الفتره الفاتت دي م اتكلمنا مع بعض كتتير بس لسه مشاعري تجاهو م نقصت بالعكس كل م هي ماشه تزيد وهو هو متذكرني ومتذكر انو مفروض يسال مني وح اقول ليك حاجه واحده واخيره م بهمني اذا انت صدقتني ولا لا بس خطيبتك دي كضاابهه وعملت نفسها وقعت وقالت انا الدفرتها قال لي وليه تكذب ح تستفيد شنو اذا كذبت علي وابتلك انتي بالذات! قلت ليهو تستفيد لانك ح تطدني قال لي بالله وانا المفروض اقصد بعدين هي اساسا بتعرفك من وين وعندها معاك شنو عشان تكذب وتخليني اطردك! قلت ليهو ده ح تعرفو قرييا ان شاء الله واووعدك انك ح تلقى الجواب لكل سؤال داير في راسك حاليا+انا بررت ليك عشان تعرف انو م كل حاجه بتشوفها بعينك بتكون دي الحقيقه☺️💔 قلت كلامي ده وطلعت من مكتبو ، كان من الضروري اقول الكلام دا ليوسف رغم انو انا م عندي زول اشتغل بيهو غيرو هو واي كل الكلام القتلو عن راجلي كنت بوصفو بيهو هو ، لازم يوسف وبي اي طريقه ينجذب لي ويبعد من براءه دي ، الاء جاتني وشافت يدي قالت لي كر علي يا ميامن سحروك الما بشبهوك مالك الحصل ليك شنو! قلت ليها وقعت واله قالت لي عوافي حبيييتي م تستااهلي قلت ليها الله يعافيك❤️اتونست معاي شويه ورجعت مكتبها ، م كان عندي شغل ولا موضوع فمسكت تلفوني وقعدت اتصور وشغاله بتهاابل وبمد لساني وبعمل حركات غبيه اثناء م انا بتصور كده فجاه اشوف ليك يوسف واقف قدامي وبعاين لي وبضحك ، ختيت التلفون على جنب وحدرت وضيقت ليهو عيوني قال لي مالك وقفتي تصوير كملي قلت ليهو وانت مالك امك اوقف ولا اكمل😏👊قال لي كدي اشوفهم قلت ليهو نعم! قال لي الصور الاتصورتيهم عاوز اشوفهم قلت ليهو بعصيبه كده " وليه تشوفهم يا سيد! " قال لي اهدي م تعصبي كنت بهظر معاك بس😂❤️قلت ليهو انا م صحبتك ولا مرتك عشان تهظر معااي🙂☺️💔قال لي يعني بتعيدي لي كلامي بس بصيغه تانيه قلت ليهو بالظبط كده مش انت قلت لي انا لا صحبك ولا راجلك عشان تنادي لي يوسف سااي وهسي انا ما صحبتك ولا مرتك عشان تهظر معااي اوكيشين!+ظاهر انك انت بتخت القوانين بس لكن م بتطبقها على نفسك كمان قالت لي زي يااتو قانون! قلت ليهو جيت داخل وبدون م تستاذن☺️💔حتى ولو كانت دي شركتك انت وم شركة ابوي زي م حضرتك بتقول ، بس زي ما انت م بتحب زول يدخل مكتبك بدون ما يدق الباب ويستاذن منك اول ، الناس التانيه برضو عايزاك تحترم خصوصياتها وتتبطق القانون ده على نفسك كمان☺️💔عاين لي وشكلو كان ملياان مني شددديد ، قال لي المهم خلصينا من دا وبطلي تفسلسفى كتتير وهاك دي معلومات عن شركه اماراتيه بالصدفه عرفت انو ح يجي منها وفد الاسبوع الجاي السودان ان شاء الله فعايزك تجيبي لي معلومات اكتر عنها عشان لو كويسه شدديد عندي فكره مشروع معاهم قلت ليهو طيب اداني الملف وقعد في الكرسي فتشت في قوقل عنها وفي مواقع كتتتيره طبعا بكتب في الكبيورد بي يدي الشمال ، قلت ليهو طب يا سيدي الشركه اسمها شركة مسعود البلوشي للاستثمار و..... اديتو كل المعلومات عنها قال لي تمام شكلها ظابطه خلاص لخصي لي كل المعلومات المهمه دي في فايل وانا ممكن اتعاقد معااهم واقدر اصمم ليهم برناامج قلت ليهو فكره حلوة والله+لحدي بكره بكون لخصتهم والملف عندك قال لي تمام وطلع انا طلعت وراهو ومشيت محل المغسله عشان كنت عايزه اتوضى لانو الظهر اذن ، طبعا يالله قدرت اتوضى بيد واحده😂❤️المهم وانا بمسح في شعري كده البانده وقعت منو وهو اتفكى ، اساسا البانده كانت مختوته خته سااي في الكعكه ومجرد م هبشتها وقعت اصلا دي تسريحه مهاد وهي م بتعرف غلطانه انا لأني اديتها تلعب لي بشعري🙂😂💔تميت باقي الوضوء وبقيت بحاااول الف فيها وم قادره لانو يدي ح توجعتي لو حركتها اقل حركه بسيطه ، بقيت بناادي لي الاء كان تسمعني لانو مكتبها قريب من المغسله بس م جااني رد منها ، شويه وظهر لي يوسف استغربت هو جا من وين شكلو كان ماري ، قال لي مالك بتكوركي محتاجه حاجه! قلت ليهو ممكن بس تنادي لي الاء ، قال لي والله الاء دي في مكتبها ماف لاني هسي جيت منو قولي لي عايزه ايه وانا بساعدك قلت ليهو شكرا بس انا م عايزه مساعدتك ورجعت احاول الف الكعكه بس م قدرت🤦💔طبعا ما رفعت طرحتي قدامو لانو في الاخير هو راجلي حتى لو كان هو متذكر ولا لا ، لمن شاف شعري مفكوك وانا بحاول المو جا علي وقال لي خليني اساعدك قلت ليهو بس انا قلت ليك م عا.. قال لي اسكتي لانو م عندك خيار تاني ، لمى شعري ومسكو لي بي البانده ورفع لي طرحتي في راسي وابستم لي وفاات ، في اللحظه ديك اتذكرت موقف حصل بينا ويوسف برضو سرح لي شعري فيهو واللي هو.......
