قال لي وراجلك وين!! انا هنا قلعت عيوني وبقيت منططاهم ، سكت وم عرفت ارد ليهو قال لي الو قلت ليهو ايوا معاك قال لي م جاوبتيني قلت ليهو بخصوص ايه! قال لي ميامن هسي نحنا كنا بنتكلم في شنو طيب انتي مش متزوجه! قلت ليهو انا ، ااا ، اي متزوجه ، والله انا زاتي م عارفه نفسي قلت كده كيف🤦💔قال لي طب راجلك وين قلت ليهو اممم مغترب قال لي اها تمام قلت ليهو دقيقه دقيقه انت كيف عرفت اني متزوجه😳!قال لي بسيطه شفت الدبله والمحبس اللابساهم في يدك الشمال وبس يعني قلت ليهو ااها ، عاينت لي يدي واتذكرت اني م ملصتهم قلت في قلبي يا ربي بكون قرا اسمو تاني قلت لا لا لو قراهو اكيد ح يسالني اخخ الله يعيني علي الجااي بس🤦💔، قال لي مشيتي وين قلت ليهو ولا محل قال لي بالمناسبه قبيل اتصلت على مدام مها وقالت لي انو العزومه ح تكون يوم السبت الجااي ان شاء الله وفي مزرعه قلت ليهو م اظن امش قال لي ليه! قلت ليهو وضع جدو وكده قال لي لي السبت ربنا يسهل يا زولتي قلت ليهو طيب ح اقفل قال لي طيب ، قفلت وانا قلبي لسه كان بدق وخايفه انو يكون يقرا اسمو المنحوت في الدبله بس م اظن قراهو تاني اتجاوزت الموضوع ومشيت اتونست مع جدو عشان انسى الحصل وم افكر فيهو كتتيير ، المهم عدا اسبوع ويوسف كان بجينا دايما عشان يطمن على جدو ومره جات معاهو الاء ، م كنت بمش الشغل اخدت اجازه عشان اقضي وقت اكتر مع جدو ، هو كان دايما بصر علي اني امشي الرحله بس انا برفض ، اها يوم الجمعه بالعصر كده يوسف جانا كنت قاعده في الغرفه وم عارفاهو جاتني مهاد وقالت لي يوسف بره قااعد مع جدو امشي سلمي عليهو قلت ليها سمح ، لفحت اقرب توب لقيتو في وشي ولبستو ، مشيت ليهم لقيتو بتونس مع جدو قلت ليهو السلام عليكم قال لي وعليكم السلام قعدت جنب جدو ، يوسف كان بعاين لي سااي فجاه سالني وقال لي انتي بكره ماشه معانا صاح! قلت ليهو امشي وين! قال لي الرحله العاملاها الجمعيه قلت ليهو لا م ماشه ، في قلبي قلت هو عارفني م ماشه بس اكيد هو اتكلم قدام جدي عشان يخليهو يصر علي امشي🙂💔جدي قال ليهو الرحله دي وين يوسف قال ليهو في مزرعه عازمننا جمعيه اتعاونت معانا في مشروع وكده جدي قال لي وانتي لي م دايره تمشي! قلت ليهو م لي مزاج قال لي لو مشيتي ح تفرفي وم ح تحسي بالزهج امشي ساي يا بتي قلت ليهو امم بشوف ، هنا يوسف ابتسم ورفع لي حاجبو كشرت ليهو وشي ، جدي قال ليهو هسي انت يا ولدي م متذكر اي حاجه حصلت معاك في الاربعه سنين المضو ديل!! قال ليهو للاسف ما متذكر💔بس انت عارف يا جدي حااسس انو في حاجه مهمه مفروض اعرفها حصلت معاي في الاربعه سنين ديل قال ليهو زي شنو مثلا! قال ليهو كانو في زول كان منتظرني ارجع وانا رجعت عشانو لكن م اتذكرتو والزول ده مهم في حياتي شددددديد ومن المهم اتذكرو الله يذكرني بس جدو قال ليهو باذن الله ح تتذكر وقريب كمان قال ليهو ان شاء الله يا جدي دعواتك❤️لحظتها عرفت انو يوسف بتكلم عني اتمنيت انو دعوتو دي تتحقق بسرعه عشان انا المنتظراهو😔💔اها لمن جا طالع مشيت معاهو لحدي الباب ، قلت ليهو يوسف انت جيت هنا بس عشان تخليني امشي الرحله صح🙂! قال لي ايوا قلت ليهو كنت عارفه قال لي اهو في النهايه ح تجي قلت ليهو ومنو القال ليك انا قلت بشوف لكن م قلت بجي قال لي بس انا متاكد انك ح تجي قلت ليهو ومن وين جايب كل الثقه دي قال لي سر م بوريك قلت ليهو هه😏💔جراني من انفي وقال لي يلا قلت ليهو يوسف يااخ م تعمل لي كده😪💔سكت مسافهه وقال لي كاني سمعت الكلام دا قبل كده ، اتوترت وبقيت اطقطق في اصابعي وقلت ليهو اي احتمال سمعتها من زول قال لي بس بنفس نبره صوتك قلت ليهو ااهه انسى م تزكر كتتير، هزا لي راسو ودعني وفات ، صباح اليوم التاني قررت اني امش اساسا كدا كدا ماف موضوع في البيت ، لبست لي بنطلون جينز لبني فااتح وتيشير ابيض واسبورت كمان ابيض بس الطرحه ملونه بي الوان كتتتيره وجايه مع اللبسه وعملت مكيب ، يلا اصلا مفروض كل الناس تجي الشركه ويجتمعو هناك ويجي بص نمشي بيهو المزرعه ، مشيت الشركه لقيتهم كلهم موجودين م عدا يوسف سلمت عليهم وكلهم قالو لي فقدانك وكده❤️الاء قالت لي ميمي حبيييتي مشتااقين شددديد قلت ليها كتتتير والله قالت لي الشركه بدونك م حلوه نهائي😪❤️قلت ليها اصلا عارفه اني انا المحلياها ليكم🙈😂❤️قالت لي اييكك راسك م يكبر +لقيت انو الكلام السمح م بينفع معاك ضحكت وقلت ليها صحي انتي يوسف وين! قال لي لسه م جا قلت ليها ايواا ، م عدينا مسافه كتتيره كده يوسف جا وكانت معاهو براءه طبعا من شفتها وشي اتقلب وبقيت مكشراهو ، كانت ماشه بحنكشه كده وماسكه يد يوسف بكل عين قويه التافهه🙂💔في قلبي قلت يالله اقدر امسك اعصابي وم اتهاوش معاها عشان م عارفه ح اعمل فيها شنو وهي قريبه من يوسف كده ، اها من شافتني جات علي وبكل دلع وحنكشه قالت لي هيي انتي هنا! قلت ليها ايي وكمان شغاله هنا😏💔قالت لي يعني انتي هسي فاكره لو انك اشتغلتي هنا يوسف ح يتذكرك ويعاين ليك مسكينهه والله قلت ليها م فاكره انا متاكده حبيييتي🙂💔قالت لي يا حليلك وههه قلت ليها بتضحكي في ايه قالت لي بضحك في امنيتك ال م ح تتحقق دي معليش اتمني اتمني اصلا انتي عندك شنو غير التمني! قلت ليها عندي حب يوسف اللي انتي م قادره تحصلي عليهو حتى وهو ناسيني😎😏❤️قالت لي قريب ح تسمعي بعرسنا حبييتي وبعدها حا تعرفي اذا هو بحبني ولا لا قلت ليها اطمنى م ح اسمع بيهو لانو لو فكر مجرد فكره في انو يحدد عرسكم ح اوريهو اي حاجه قالت لي م بتقدري لانو كده ح تاذيهو قلت ليها انا بعرف اتصرف معاه كيف وبدون م اذيهو بس مستنيه الوقت المناسب وفت منها وقفت مع الاء ، قالت لي دي مالا كمان معاك قلت ليها م تشتغلي بيها كتتتير ارح نركب في البص قالت لي ارح مشينا ركبنا والناس كلها جات ركبت ورانا ، يوسف وبراءه كانو قاعدين جنب بعض وهي متلصقه فيهو لصيق وهو بتونس وبضحك معاها الفكره ضايفتني شدديد وحاولت بقدر الامكان امسك دموعي وم اخليها تنزل ، الاء قالت لي البت الاسمها براءه دي قلبي اصلو م ارتاح ليها ولا رادها قلت ليها م اظن في زول بيقدر يرتاح ليها اساسا قالت لي هسي يا ربي استاذ يوسف ده مستحملها كيف قلت ليها ربنا يعينو عليها بس😂💔ضحكت وقالت لي امين ، طول الطريق الناس كانت بتتونس وبتضحك الا انا بس بعاين لي يوسف وبراءة ومتغايظه منهم ، لمن وصلنا لقينا مدام مها وبقيه الناس منتظرننا سلمنا عليهم وقعدنا في قلبي قلت هسي يوسف من امبارح وهو مصر علي اني اجي كلو بس عشان اجي واشوفو وهو ماسك يدها وبضحك معااها يا ريت لو م سمعت كلامو وم جيت من الاساس كان ارحم لي💔اثناء م نحنا قاعدين كدا يوسف قال لي خالد غني لينا ، خالد قال لي ليهو طوالي هو انا لاقي ، كانو جايين معاهم جيتار ومسكو وبدا يغني ، غنى اغنيه بقيت تمر بينا وضاف ليها مقطع " زي م نسيتني خلاص " كلماتها كانت..
