قلت ليهو يوسف انا عاايزاك تعرس براءه ، يوسف لحظتها فضل سااكت وبعااين فيني بي استغراب كانو م مستوعب انا بقول في شنو عاين لي مساافهه وبعدها رجع كمل اكلو عاادي وقام على حيلو بدون م يتكلم معااي قلت ليهو يوسف انت م سمعتني! قال لي سمعتك قلت ليهو طيب ليه م رديت قال لي اول شي استوعبي انتي قااعده تقولي في شنو حتى بعد داك انا ح ارد ليك قلت ليهو بس انا مستوعبه القلتو قال لي بالله! قلت ليهو جد يا يوسف انا عايزاك تعرسها قال لي على فكره يا مياامن العرس ده م لعبه اوكيشن! قلت ليهو وانا عارفه انو م لعبه قال لي طيب بالنسبه لي القلتيهو افهم منو شنو ممكن توضحي لي!قلت ليهو كلامي واضح عايزاك تعرسها قال لي ميامن انتي الليله شكلو عقلك دا م في محلو قلت ليهو لا في محلو قال لي م ح اتكلم معاك كتتير وشال صحنو ومشى المطبخ لحقتو وقلت ليهو يوسف انت لازم تعرسها ، فجاه وبدون مقدمات رمى الصحن الفي يدو بقوه لدرجه قرب يضربني بيهو وقال لي بصوت عالي كده ميامن بالله فكيني من السيره دي عشان م اتصرف تصرف م يعجبك لو سمحتي يعني ، صوتو كان عالي وردت فعلو وكسرتو لي الصحن خوفتني ، قلت ليهو انا م دايره الا مصلحتك من العرس دا😭💔قال لي ويااتو مصلحه دي يا اخت!! قلت ليهو لو عرستها ح تجيب بييي ويكون عندك اطفال شايلين اسمك قال لي وانا م دايرهم منها في شي تاني! قلت ليهو يوسف بليييز قال لي م يوسف ولا حاجه ميامن انتي الظاهر انك انهبلتي وعقلك فيهو حاجه فشنو اقفلي الموضوع ده لانو م ح يحصل خيييررر🙂👍وطلع من المطبخ تاني لحقتو ومسكتو من يدو وقلت ليهو يوسف طلقني ، اللحظه القلت ليهو كده نفض يدو مني بقوه وعيونو بقت عباره عن شرار ولونها اتغير ، جا علي وانا رجعت لورا لحد م اتلصقت مع الحيطه قال لي مياااامننن وصلت معاك لحدى هنا انتي عارفه طلقني ده معناها شنو😡😡💔لمن قال كده دموعي نزلت وكان مقرب مني شددديد لدرجه انفاسي اختلطت بي انفاسو ، قال لي انا اتاكدت انو انتي الليله م طبيبعيه ميامن اوعي😡💔وضرب الحيطه بيدو انا لمن قلت انو يدو اتكسرت ومشى شال مفتااح عربيتو وكان طالع قلت ليهو يوسف ماشي وين!! قال لي جنهم ماشه معااي!😡💔قلت ليهو يرضى عليك م تمش انت حاليا م شايف قدامك من الغضب م صااح تسوق العرييه بالوضع ده😭💔قال لي كان بهمك م كان فتحتي معااي الموضوع دا من الاساس👍وطلع ، انا خفت عليهو لانو حالتو م كانت بتتوصف شلت التلفون ضربت ليهو فصل فيني وحاولت كم مره تاني قفلو عديل وانا هنا خلاص هبطت وجسمي بقى عباره عن مويه بس ، فضلت منتظراهو لحدى بليل وهو م رجع وتلفونو لسه مقلق....
______________________________________
اتفاجات بميااامن وهي بتطلب مني اني اعرس براءه صرااحه انصدمت صدمه عمري م ح انصدم زيها💔فهمتها وقلت ليها انتي م واعيه لي البتقولي فيهو بس هي كانت مصره م قدرت امسك اعصاابي وعليت صوتي عليها ولحظه طلبت مني الطلاق انا هنا الدنيا لفت ودارت بي حسيت اني في حلم من الصدمه💔اتمالكت بااقي اعصابي ومرقت من البيت لاني لو قعدت زيااده م عارف كان ح يحصل ايه ومن الغضب م كنت شاايف حااجه قداامي ، لقيتها متصله لي فصلت الخط في وشها وهي رجعت اتصلت على كم مره وانا مسمتر افصل فيها اخر حاجه لمن زهجت قفلت التلفون ورميتو في الكرسي الورا بتاع العربيه ومشيت مكان انا زااتي م عارفو وين ، شربت سجااائر تقريبا كملت خمسه علب سجائر وكل م اتذكر انها قالت لي طلقني بشرب واحده جديده مع اني باذي في نفسي بس كلمتها دي كانت اكبر من اي اذى تاني يا ريت بس لو م فتحت السيره دي من الاساس ، المشكله انو ميامن م دايره تفهم اني م ح اعرس غيرها لو انطبقت الارض والسما بس هي مصره اني اعرس ولا كلو عشان اجيبيب بييي بس هي برضو م دايره تفهم انو انا لو م جبت بييي منها هي م عاااايزو ، اخخخ لو تفهمي بس يا ميااامن اخخ💔.....
