قالت لي يوسف انت عمرك م ح تخليني صح😭❤️! صراحه استغربت من تصرفها وسؤالها دا شدددديد قلت ليها ميامن انتي حاليا م واعيه لي البتقولي فيهو نومي ، م ردت لي بس بقت تتكرر في الجمله وحاضناني لحد م نامت ، رقدتها في السرير ومشيت غرفتي بسرعه وانا م فااهم حاجه او لي هي حضتني او لي قالت لي كده ، لحظه هي بين يديني وضمااني احساسي كان ملخبط م بين مبسوط بقربها مني وما بين العملتو ده م صح هي م من محارمي عشان تعمل كده ومن شده م كنت ملخبط لمن نسيت الصحن الاكلت فيهو جنبهم بقيت قاعد وبفكر هي ليه بتتصرف معااي بي اريحيه كده ومع اني ما بعرفها لي زمن ، طب انا ليه م بحب اشوفها زعلانه ، لحدي الشمس م شرقت انا م جاني نوم.......
_________________________________________
اليوم التاني صحيت بدري حتى قبل م افاق تصحى لاني كنت نايمه من بي النهار ، كنت قايمه كده انتبهت لي انو في صحن جنبي وفيهو بااقي اندومي قلت معقوله امبارح يوسف جابها لي من الدكان طيب انا كيف اكلت وكيف عملتها في النار م كنت متذكره حاجه ولا متذكره اني اكلت ، خشيت الحمام وطلعت مشيت وديت الصحن المطبخ لقيت يوسف هناك وبعمل في شااي ، قلت ليهو يسعد صباحك اتفلت عاين لي وقال لي وصباحك يا رب ابتسمت ليهو قال لي اعمل ليك معااي شااي! قلت ليهو يا ريت ، مشيت تجاه المغسله وغسلت الصحن قلت ليهو عارف حصلت لي حاجه غريبه امبارح قال لي واللي هي قلت ليهو اكلت الاندومي الانت جبتها لي وانا نايمه م عارفه كيف عملتها في النار واكلت م متذكرة شي😂❤️قال لي عادي بتحصل ، واتجاوز الموضوع كانو م حابب السيره دي قال لي دا الشااي بتااعك ختااهو لي في المصطبه وفاات ، م ركزت معاه كتتير شلت الشاي شربتو وغسلت الكبايه ورجعت الغرفه لقيت افاق صاحيه وكمان بتكوي في قميص شكلو حق يوسف، قلت ليها صباح الخير قالت لي صباح النور قلت ليها اصلك بتكوي من الصباح كده قالت لي لالا الليله بس لانو يوسف طالع قلت ليها اها قالت لي صحي امبارح اكلتي الاندومي مش! قلت ليها ايي ، لمن قالت لي كده قلت خلاص معناها هي العملتها لي ، قلت ليها انا عاوزه امشي البيت قالت لي بشنو قلت ليها مواصلات ترحال اي شي قالت لي امشي مع يوسف قلت ليها احتمال مشوارو يكون م على نفس طريقي قالت لي هسي لمن اودي ليهو القميص ح اسالو ليك قلت ليها م بتقصري ، مشت وجات قالت لي قال ح يوصلك معااهو قلت ليها هو اصلا ماشي وين قالت لي ماشي يشوف موقع بتاع شغل ولا حاجه بالشكل ده قلت ليها يعني ح يرجع لي الجيش! قالت لي لالا يا بت اساسا امي م ح ترضى لانو هو لمن قال ليها كده زعلت وقالت ليهو لو حصل معاك تاني زي المره الفاتت وقالت ليهو انها م ح تتحمل الصدمه المره الجايه وممكن تموت وراهو وهو قال ليها طيب م ح ارجع لي الجيش وح افتش شغل هنا ونسبه لي انو كان شغال في الجيش قبل وبعد م فقد زاكره وجمع قروش كتتتيره قال عاوز يستسمر منها جزء ويشتري بيهو عقار ويعملوا شركه قلت ليها حلو قالت لي انصحك من هسي انك تشتغلي في الشركه بتااعتو منها تملي وقت ومنها تكوني قرييه منو وهو يقدر يتذكرك في اسرع وقت قلت ليها بفكر❤️ ، شويه كده ويوسف نادى لي اتناولت طرحتي لبستها ومشيت ليهو كان منتظرني في العربيه ركبت قدام واتحركنا ، اثناء م نحنا في الشارع كده قلت ليهو سمعت انك ح تعمل شركه بالتوفيق ليك قال لي امين يا رب قلت ليها اعتبرني من هسي شغاله معاكم😂💔قال لي تشرفينا والله بس انتي جيبي cv تبعك وتعالي بوظفك قلت ليهو انت كيف قدرت تعملها بالسرعه دي قال لي هي اساسا كانت شركه صحبي تمام وهسي هو عاوز يسافر بره وقال عاوز يبيع الشركه بتااعتو وانا لقيتها فرصه واشتريتها منو بس ح تاخد اسبوع كده عشان عندي كم تصلحيات ح اعملها فيها قلت ليها حلو والله بالتوفيق مره تانيه قال لي امين+وصلنا قلت ليهو ايوا نزلت كده قال لي دقيقه م اديني رقمك عشان لمن انتهي من التصليحات اضرب واوريك اديتو ليهو وهو فات......
_____________________________________________
_انتي م شفتي يا امي الطريقه الاتكلمت بيها معااي البت دي شكلها واثقه شدديد في انو يوسف ح يتذكرها قريب حتى انها قالت لي انو يوسف متورط بيها حتى وهو فاقد الذاكره لانو بيسال افاق منها واتخيلي انو هو العزمها الكرامه
=انتي هسي م تزكري معاها كتتير ركزي مع يوسف وم تخليها تكون قرييه منو
_تفتكري يا امي انو يوسف ممكن يتذكرها!
=لو انتي كنتي لاصقه فيهو وم اديتيها فرصه م ح يتذكر
_انا بشوف احسن انو انتي تتكلمي مع خالتي وتخليها تحدد موعد العرس عشان كده اضمن انو هو ح يكون لي ومعاي
=اي كلامك صاح كدي ناوليني التلفون النضرب ليها
.........
=الو اي يا موده
* اهلين يا صفيه
=كيفك وكيف الصحه
*تمام والله انتي كيف وبتنا كيف
=نحنا كويسين نحمد الله ضربت عشان اتكلم معاك بخصوص موضوع مرت ولدك العفنه دي
*مالها كمان عملت شنو
=م يااهو يوم الكرامه اتكلمت مع بتي وبتي خافت من طريقه كلامها لانها كانت بتتكلم بثقة فانا قلت احسن نكسر ليها ثقتها دي ونحدد العرس
*اي انا زااتي قبيل كنت بفكر كده خلاص انا من يجي يوسف بتكلم معاه وبرد ليكمم
=سمح منتظرنك
_________________________________________
عده اسبوع كده وفي يوم جاني اتصال من يوسف ووراني فيهو انو اجي الشركه بكره اذا عايزه اتوظف عندو ، كنت محتاار في موضوع اني امش اشتغل في شركتو م عارفه لي مهاد جات لقتيني محتاره وماشه وجايه في الغرفه ، قالت لي هيي مالك قال مقلقه كده حكيت ليها القصه ، قالت لي والله انا شايفه انك تمشي وتتشغلي معاهو وتكوني قريبه منو عشان م تخلي امو تستغل فكره انو نساك وتخليهو يعرس بت خالتو الما بتتسمى ديك قلت ليها قولتك كده قالت لي ايي قلت ليها معناها بكره ح امش قالت لي تمام.....
_وما زلت اقع في حبك يوميا❤️❤️.
اشوفكم❤️.
