تاني يوم من الصباح رسلت ليوسف وقلت ليهو يبعت لي اللوكيشن بتاع الشركه رسلو لي ، طلبت ترحال وصلني الشركه م شاء الله بس كانت كبييره شدديد وشكلها حلو جدا ، دخلت جوا كان في كميه من الناس منتظره عشان تقدم قعدت معاهم وانتظرت دوري لمن جا دخلت مكتب يوسف وقلت ليهو السلام عليكم قال لي وعليكم السلام اتفضلي قعدت في الكرسي ومديت ليهو ال cv تبعي قراهو وقال لي طيب يا ميامن ح تبدي معانا شغل بكره ان شاء الله قلت ليهو ان شاء الله❤️وطلعت م رجعت البيت طوالي مشيت بيتنا انا ويوسف اساسا المفتاح كان معااي وشايلاهو في شنطتي م بطلعو منها ، من دخلت سااي اتذكرت يوسف طبعا الحيطه بتاعت البيت كلها عباره عن صورنا انا وهو ، صور عرسنا وصور الجرتق وايام شهر العسل وصورنا ونحنا زهجانين وفرحانين وكلو ، صور كتتتتيره لينا كانت معبيه كل حطيان البيت❤️عاينت لصوره من صورنا كان هو فيها خاتي يدو في رقبتي وضاميني عليهو وانا بعاين ليهو بضحك ، بقيت بعاين في ملامحو اتنهدت مسافهه وقلت ليهو اخخ يا يوسف شوف نحنا كنا وين وهسي بقينا وين! احيانا بحس انو الحياة ظلمتني لمن خلتك بعيد عني وخلتك تنساني بس برجع وبقول انو هي اكيد داسه لي حاجه حلوة بدليل انها هسي بتجمعني بيك مره تانيه وبتخليك تهتم بي حتى وانت م متذكرني عارف انا م عايزه من الدنيا دي شي غير انك ترجع لي وترجع يوسف الزمان يوسف الاسم ميامن براهو عندو بالدنيا وما فيها ، دخلت غرفة النوم وبقيت بعاين فيها وفي صورتنا الكبيييره حقت الجرتق الكانت معلقه في نص الغرفه وكنا نحنا مغطين فيها بي القرمسيس وهو بعاين لي من جوا❤️من دخلت الغرفه كل ذكريتنا حااصرتني وما فارقت بالي لحظه ، لما اكون بكوي ليهو وهو يجي يحضني من ورا ويمسك يدي ويقعد يكوي معااي ويعضيني في رقبتي ، ولمن اكون نايمه وخاته رجلي في بطنو وهو يصحيني ويقول لي ميامن م ممكن معاك عدلي نومتك دي يااخ وانا اقعد انكد عليهو واقول ليهو انت اصلا بقيت م بتحبني وهو يفضل يراضي فيني ويقول خلاص تاني لو رجلك دي ختيتها في راسي انا م ح يكون عندي مانع المهم انك انتي م تزعلي ، ولمن اطلع من الحمام وشعري مبلول وهو يجي وينشفو ويسرحو لي ، ولمن ابكي ليهو نص الليل وم افهمو حاجه وهو يطبطب علي وينومني زي الشافعه الصغيره ، ولمن هو بيطبخ ويعمل لي كيكه وسلطة اسود عشان بحبهم ، ولمن يجي راجع من الشغل ويلقاني لابسه قمصيو ويقول لي كانو ملابسي بقت حقتك وانا اضحك ، كل الذكريات دي مرت على بالي لحظتها واتمنيت انها ترجع لاني حرفيا اشتقت ليهو واشتقت لي اني اضمو ، تاني م حسيت الا بدموعي وهي نازله على خدى ، مسحت دموعي وعاينت لي البيت كان وسخان وما مرتب فقلعت العبايه الابساها ونضفت البيت كلو ورتبتو وبعدها رقدت نمت م صحيت الا بصوت تلفوني وهو برن كانت دي مهاد رديت وقلت ليها اها احكي في ايه! قالت لي انتي وين قلت ليها في بيتنا قالت لي بيتكم! قلت ليها يا غبيه قصدي بيتنا انا ويوسف قالت لي اها+بضرب ليك من قبيل مالك م بتردي خوفتيني عليك قلت ليها كنت نايمه قالت لي امم قلت ليها م ح اجي بيت ناس حبوبه ح اخد لي شهر شهرين هنا قالت لي ح تقعدي براك! قلت ليها ايي قالت لي حبوبه م ح ترضى وح تقلق عليك لو قعدتي براك قلت ليها خلاص تعالي انتي اقعدي معااي قالت لي سمح بكلم حبوبه وبجيك بعد شويه عشان م تنومي براك م خايفه انتي! قلت ليها بالخوفني شنو قالت لي هسي كان جاك حرامي قلت ليها يجي سااي قالت لي والله انتي🤣❤️قلت ليها طبييعيه مالي فيني شنو قالت لي ولا شي قلت ليها تعالي سريع طيب قالت لي حااضر قلت ليها وجيبي معاك اكل قالت لي اها تاني في شي قلت ليها لا قالت لي اتخيلتك تقولي لي سلامتك وكده بس يا خساره🙂💔قلت ليها قدي يا وهميه وقفلت الخط في وشها ، قمت على حيلي ومشيت فتحت الدولاب طبعا ملابسي نصها كانت هنا ومعاها حقات يوسف شلت قميص من قمصانو ريحتو لسه كانت عالقه فيهو وشلت معاهو براموده خشيت استحميت وغيرت بيهم ، شويه كده والجرس رنا عرفت انو دي ح تكون مهاد مشيت فتحت الباب لقيتها هي ورزان وكانو شايلين اكل في يدهم شلتو منهم ودخلت بدون م اتكلم معاهم ختيتو في الطربيزه كانت بيتزا بديت اكل طوالي وم انتظرتهم مهاد قالت ليها عدم الزوق مشكله يا رزان ، رزان قالت ليها فعلا والله نحنا نقول شنو بس🙂💔قلت ليهم هووي م تقعدو تفسلسفو وتعملو لي دراما هنا تعالو اكلو سااي🤣💔جو وبدو ياكلو ، رزان قالت لي م كانو الملابس الابساها دي ملابس اولاد قلت ليها ايي ملابس اولاد مهاد قالت لي ملابسك كملت ولا شنو🙂💔قلت ليها لا بس بحب البس حقين يوسف قالت لي يا حليلو حتى ملابسو دايره تشاركيهو فيهم🙄💔قلت ليها راجلي واشاركو في اي حاجه انتي مالك يا بايره😏👊قالت لي هه بايره قال والله غايتو قلت ليها حرقك ولا شنو😉😂💔قالت لي انننن قلت ليها طب اسكتي عشان م اطعنك بي الكلام قالت لي عويره+كدي اصورك بيهم دي فرصه تاني م بتتعوض وطلعت تلفونها وبقت تصور ، اثناء م هي بتصور فيني كده جا على بالي اليوم داك.....
