فجاه لقيت رجليني داخلين في حته مليانه طين شويه وانتبهت اني لابسه جزمه كل فرده من بلد والاتنين مليانين بي الطين الدخلت فيهو اتجاوزت المنظر البيش ده ومشيت باقصى سرعه عندي كان الحق الاجتماع لمن وصلت م صدقت اني حصلت الشركه وتوشك جريت على غرفه الاجتماعات جيت داخله بدون سابق انذار وقطعت ليهم الاجتماع وقفت في النص واخدت نفس كلهم كانو ساكتين ومخلوعين من المنظر القداهم دا ، قلت ليهم انا اسفه لاني اتاخرت عليكم🙍🏻♀️💔يوسف قال لي واخيرر شرفتي يا انسه قلت ليهو انا اسفه والله ب... م تميت كلامي كده قال لي بره قلت ليهو عفوا قال لي بصوت عالي كده اطلعي بره انا لمن انخلعت من نبرة صوتو العاليه قلت ليهو بس انا قال لي م بتفهمي انتي ولا ايه بقول ليك اطلعي بره منتظره شنو! ، اتخليو احرجني بالطريقه دي قدام اللجنة والموظفين كلهم طلعت بره وانا متغايظه منو ودموعي في طرف عيني يعني حتى كلامي م سمعو ومن غير م بيعرف عذري شنو طردني يطاردو كلب بركه الله🙄👊 ، م حزينه الا على المرمطه الاتمرطمتها وانا في الشارع والمنظر الجيت بيهو والجري وسهري تبع امبارح كلو رااح سااي وفي الاخير م لقيت غير الذله والاهانه ، بعد خصلو اجتماع جاتني الاء (دي وحده شغاله معانا وظريفه كده) قالت لي السيد يوسف بينادي ليك😂💔قلت ليها وااي اكيد ح يزلني تاني قالت لي على فكره من شكلو باين عليهو انو حازم شددديد قلت ليها الله يطمنك يا فلانه🙂💔قالت لي معلش معلش+الليله جيتي بي منظري لا تحسدين عليهو قلت ليها الله يجازي الكان السببب بس🙂💔قالت لي عان جزمتك عامله كيف قلت ليها اخخ اسكتي الجزمه بس ولا منظري كعامه+م عارفه ليك محل قريب من هنا بتاع جزم قالت لي لالا والله بس لحسن الحظ انا بجيب سفنجتي حقت البيت معااي عشان اصلي بيها ممكن اديك ليها تلبسيها بدل الجزمه دي قلت ليها ايي جيبيها طوالي اصلا عان وسخت الحته كيف+اسرعي عشان فلان داك منتظرني قالت لي دقيقه بس ، مشت بسرعه جابتها لي قعلت الجزمه ولبستها ومشيت ليهو فتحت الباب ودخلت اول حاجه قالها لي ارجعي دقي الباب وم تدخلي الا انا اقول ليك عشان ده م مكتب ابوك تجي داخله في اي وقت وبدون اذن+المره الجايه انتبهي م تدخلي بالطريقه دي ، انتو متخيلين معااي كميه التفاهه اللي هو فيها🙂💔رجعت دقيت الباب لمن يديني وجعتني حتى قال لي ادخلي دخلت وجيت دايره اقعد كده قال لي خليك واقفه م تقعدي🙂💔اتضريت وقفت ومن جوا كنت بنبذ فيهو ، قال لي م شاء الله من اول جتمااع جاايه متاخره قلت ليهو اتاخرت لانو...م تميت كلامي كده قال لي انا سالتك من السبب! قلت ليهو لا قال لي طيب بتتكلمي ليه+تاني م تفتحي خشمك الا انا اقول ليك سامعه ولا لا هزيت ليهو راسي قال لي هل انتي عارفه انو كل اللجنة والموظفين كانو منتظرين حضرة سيادتك تشرفي وفي الاخير جيتي لمن الاجتماع قرب يخلص قلت ليهو اسفه قال لي انا قلت شنو مش قلت ليك م تتكلمي الا اقول ليك😑💔+حاولي بقدر الامكان انو الموقف ده تاني م يتكرر لانو م ح يحصل خير فاهمه هزيت ليهو براسي نظام حاضر ، قال لي ان شاء الله بعد التاخير دا كلو تكوني فكرتي في مشروع كويس هزيت ليهو راسي ، قال لي اتكلمي قلت ليهو شكرا لانك سمحت لي اتكلم انا حرفيا م قادره اعبر ليك عن امتناني لانك قلت لي اتكلمي🙂🙄👊حمر لي وقال لي خلصينا انا م عندي ليك زمن قلت ليهو طيب مشروعي بتكلم عن الاتي وبقيت اشرح ليهو لمن انتهيت وقف على حيليو وصلح زايرر البدله بتاعتو وقال لي كويس نوعا ما ابتسمت ليهو بغيط كده وقلت ليهو شكرا😏👊قال لي ح اعتمدو لانو هو احسن مشروع اتقدم لي ما بين مشاريع بقية الموظفين كلهم ، في قلبي قلت اكيد عاجبو بس الغياظ م ح يعترف عشان غرورو ، جمع اللجنة والموظفين مرة تانيه وقال ليهم بتاسف لانو جمعتكم مره تانيه بس ميامن عندها مشروع حلو وح اعتمدو بعد م انتو تشوفوه وتدونا رايكم وعاين لي قال لي يلا ابدي اتكلمي عن المشروع بتاعك ونشوف نحنا ح نتفق على شنو قلت ليهو طيب وصلت الابتوب بالبلوجكتر وبديت اشرح ليهم الفكره ، قلت ليهم امبارح بالصدفه لاقاني عم كببير في السن للاسف ولدو ومرتو طردوه من البيت وم كان عندى حل غير اني اوديهو دار رعايه المسنين المهم وديتو والمكان صراحه م كان مناسب لعمر مسنين من حيث البيئه والاكل والشراب وكلو ففكرت في انو نحنا نتعاون مع جمعيات خيريه ونحسن ليهم البيئه في الدار ففكرتي انو بواسطه التعاون مع الجمعيات الخيرية نعيد تهيئه الدار وبيئتو ونتكلم مع مدير الدار ونغير كل العاملين الشغالين هناك وم شايفين شغلهم صح ولازم كل غرفه يكون فيها سريرين بس ومعاهم دولاب فيهو ضلفيتن كباار وحفاظه بتاعت مويه وضروي انو المويه دي نعين ليها ناس يغيروها صباح ومساء وتكون مويه نضيفه والاكل كذلك عشان نضمن صحة الاعمام الكبار ونعمل عياده خاصه بيهم ويكون كمان فيها صيدليه يتوفر فيها كل انواع الادويه عشان يقدرو يلقو علاجهم بسهوله والعاملات والعاملين الح نوظفهم لازم يكونو فعلا جديرين بالثقه م اي كلام سااي ، كلهم قالو لي مشروع كويس وكده يوسف قال لي صراحه فكره ممتازه ومنها نفتح الشركه بعمل خير وناخد اجرو في الاخره ونكون لي الاعمام اولاد بدل أولادهم الرموهم ديك❤️قلت ليهو بالظبط كدا قال ليهم خلاص ح نبدا من الليله لانو م عايزين نتاخر ميامن عايزك تفتشي لي افضل جمعيه خيريه نتعاون معاها ومحمد انت شوف لي ناس التصلحيات والبوهيات وكده اما انتي يا الاء ف ح تشوفي ناس التنظيم الح يرتبو الدار من اول وجديد ويعملوا زي م قالت ميامن ويخلو في كل غرفه سريرين ودولاب كبيير وحفاظه مويه وانت يا خالد ف ح تشرف على انك تجيب موظفين جداد ومضمونين ، ومحمود ح تكون مهتم بالاكل وح تجيب كل المواد التمونيه انت ومعاك باقي الموظفين ولازم تتاكدو انو الاكل البينطبخ نظيف وصحي وكويس لي اعمارهم وتشوفو لي تكلفتهم كم! كلنا قالنا ليهو طيب وبعدها اي زول مشى شاف شغلو ، انا قعدت ابحث عن الجمعات الخيريه الافضل في السودان وبعد تعب لقيت واحد كويسه شدديد شلت الابتوب ومشيت مكتب يوسف دقيت الباب طبعا😂💔عاين لي وضحك نظام دقيتي الباب وكدا تاني قال لي اتفضلي قلت ليهو لقيت جمعيه كويسه قال لي هاتي اشوفها جيت وقفت جنبو وختيت اللاب في الطربيزه ودنقرت فتحت ليهو موقعها هو قرب عشان يوفشها وبقى قريب مني شدددديد انا كنت مركزه معاهو ومع ريحه عطرو كانت نفس الريحه الدائما بتريح بيها م غيرها فجاه هو اتلفت على وبقت عيونو في عيوني انا هنا طوالي انتبهت وقمت لفوق وقلت ليهو احم شفتها! قال لي ايوا م بطاله قلت ليهو بصوت واطي والله انت لا بعجبك العجب ولا الصيام في رجب🙂💔قال لي عفوا قلتي حاجه قلت ليهو ابدا قال لي طيب اتواصلي معاهم قلت ليهو رقمهم هدا ليهو في الموقع قال لي خلاص اضربي ليهم هسي واتفقي معاهم قلت ليهو ظابط لكن انا تلفوني في المكتب داك ممكن تلفونك اضرب بيهو قال لي ممكن ومداهو لي شلتو منو وضربت ليهم ردت لي مراة ، قلت ليها السلام عليكم قالت لي وعليكم السلام قلت ليها انتو جمعيه....! قال لي ايوا نحنا قلت ليها انا اسمي ميامن من شركه... قالت لي اهلين فيك قلت ليها صراحه نحنا بنفكر مشروع جديد وحابين انكم تتعاونو معانا قالت لي لو في يدنا اكيد ح نتعاون طيب احكى لي المشروع بتكلم عن شنو! ، حكيت ليها الفكره بتاعتو قالت لي طبعا الفكره جمليه شددديد وبإذن الله ح نشاركمم فيها❤️قلت ليها شكرا ليكم وعلى تعاونكم+نحنا حبينا نتعاون مع جمعيه خيريه لانو في ناس كتاار بكونو حاابين يتصدقو ويتبرعو بس م بلقو زول يتصدقو ليهو فنحنا من خلال الجمعيه دي ح نديهم الحل قالت لي فعلا كلامك صح قلت ليها تسلمي يا رب قالت لي طيب بكره ممكن تتفضلو عندنا انتي ومدير الشركه عشان نتفاهم ونتفق معاكم قلت ليها ان شاء الله+الزمن! قالت لي 2 ظهرا كده بنكون فاضين قلت ليها تمام لبكره قالت لي تمام وقفلت يوسف قال لي اها قالت ليك شنو! قلت ليهو قالت ح تتعاون معانا وبكره نمشي ليهم انا وانت في الشركه الساعه 2 عشان نتفق قال لي باذان الله ابتسمت ليهو ورجعت مكتبي فضلت بشتغل لحد م وقت الدوام انتهى ورجعت البيت كنت نعسانه شددديد فطوالي نمت وم صحيت الا تاني يوم من كتر التعب ، قلت بما اننا ماشين الليله لناس الجمعيه البس حاجه حلوه لبست جمسود لونو كاكاوي كده وطرحه واسبورت بيج وعملت مكيب خفيف ، رزان قالت لي وااااااي الجمسود فيك دررعه م شاء الله بس😍❤️قلت ليها حبيييي والله+انتي عارفه لي هو حلو كده! قالت لي ليه قلت ليها عشان ده هديه من يوسف💘قالت لي وبعلييي زوقو حلو قلت ليها اصلا لو م كان زوق حلو م كان اختارني انا😌❤️قالت لي شكاار نفسو ابليس يا سيده😂💔ضحكت وقلت ليها يلا انا ماشه بعد كدا قالت لي بالتوفيق حبيييي قلت ليها امين يارب ، ودعتها ومشيت الشركه من دخلت سااي لقيت الاء في وشي قلت ليها صباح الخير قالت لي صباح النور قلت ليها كيف اصبحتي قالت لي الحمد لله وانتي قلت ليها الحمد لله وهاك دي السفنجه بتااعتك شكرا ليك شدديد قالت لي م بيناتنا يا قلبي قلت ليها حبييتي والله قالت لي بالمناسبه الجمسود بتاعك حلووو شددديد وانتي زايداهو حلا تبارك الرحمن قلت ليها حببيي باقي حلاوتك والله😍❤️اتكلمت معاها شويه كده وبعدها دخلت مكتبي بقيت شغاله وبحضر في الخط الح ننفذ بيها المشروع وم قابلت يوسف خلال اليوم ده نهائي لحد ما الساعه واحده جات مشيت ليهو في مكتبو دقيت الباب ، قال لي اتفضل دخلت وقلت ليهو استاذ يوسف نحنا مفروض نتحرك بعد دا عشان نحصل مكتب الجمعيه في الموعد المحدد قال لي كلامك صااح طب انتظريني جنب العربيه انا هسي ح الحقك قلت ليهو سمح ، ده كلو وهو كان شغال بي تلفونو وم رفع راسو عاين لي المهم غشيت مكتبي شلت كل حاجاتي ونزلت انتظرتو جنب العربيه لمن جا حتى ياداب انتبه لشكلي عاين لي مساافهه وكانو شرد تاني انتبه على نفسو وقال لي احم احم نتحرك! قلت ليهو ايوا ركبنا واتحركنا ، اها وصلنا ولقينا السكرتيرة يوسف قال ليها نحنا شركه...وعندنا موعد مع مدام مها قالت لينا اتفضلو معااي المدام مها منتظراكم في مكتبها مشينا معاها ودتنا مكتبها المهم بعد موال السلام والترحيب اتناقشنا معاها في المشروع وقالت لينا انو نبدا بعد اسبوع وهم في الاسبوع ده ح يعلنو في السوشلميديا عن الحمله والمشروع عشان الناس العاوزه تتبرع ، عده اسبوع ونحنا في الاسبوع ده جمعنا تبرعات كتتتيره شددديد بواسطه الجمعيه وجهزنا كل حاجه ومحتاجنها وبدينا شغل ، اها في اول يوم من الصباح كنت متحمسه شددديد عشان ح نبدا في العمل الخيري ده ومبسوط اكتر لانو يوسف برضو مشارك فيهو حبيت اني اعمل مفاجاه لي الاعمام الكبار واشريت ليهم هدايا وبوالين ورسمت عليها اموشنات ، كنت مشرفه على انو كل التهجيزات خلال اليوم دا تكون مكتمله وبي احسن شكل ، قريب المغرب كده كل الناس مشت بيوتهم الا انا ويوسف لانو كان عندنا باقي شغل عاوزين نتمو لمن انتهينا قال لي ح اوصلك وانا م مانعت ، طبعا هو م حصل مره وصلني لانو انا كنت دايما برجع برااي حتى يوم مشينا مكتب ناس الجمعيه رجعت برااي مع انو هو اصر يوصلني بس انا م وافقت ، المهم ونحنا في العربيه كده وانا بوصف ليهو لمن قربنا لي البيت كده قال لي انا ليه حااسس اني جيت المكان والشارع دا قبل كده! ، انا هنا اتوترت واتذكرت اني م كان مفروض اخليهو يوصلني لانو ده بيتنا انا وهو وخايفه انو يحاول يتذكر وياذئ نفسو بالتفكير الكتتير ، قلت ليهو بكون وحاولت اشغلو واتكلم معاهو بخصوص بكره ح نعمل شنو عشان م يفكر في الموضوع كتتيير م صدقت متين وصلنا ، هو كان بعاين لي البيت بطريقه غريبه كانو عرف انو ده بيتنا نزلت بسرعه ودخلت جوا وانا قلبي بدق وبقول يا رب م يكون لاحظ انا كل البهمني صحتو وانو م يتاذئ ، مشيت استحميت ولبست لي فستان قصير لحد الركبه كدة وكنت ماشه على المطبخ لانو جعانه وعاوزه اكل الجرس ضرب قلت اكيد دي يا مهاد او رزان مشيت فتحت الباب بس اتفاجات بيوسف وانا كنت واقفه بمنظري داك قداامو لحظتها جا على بالي البيت والصور وخفت يشوفهم ومن اللخبطه قفلت الباب في وشو🤦🏻♀️💔تاني انتبهت وفتحتو شويه وطلعت راسي بس بقيت عامل زي المعاقه حرفيا كلو عشان م يشوف الصور😂💔قال لي انا اسف م كان قصدي ارجع بس نسيتي تلفونك في العربيه شلتو منو وقفلت الباب بدون م اقول ليهو شكرا حتى😂🤦🏻♀️💔.......
_______________________________________
جا يوم المفروض نبدا فيهو شغل مشيت الدار بدري من الصباح حتى قبل اي زول عشان اتاكد انو كل الحاجات المحتاجنها موجوده ، شويه كده وجات مياامن اححيي انا من شكلها كالعاده يعني حلوه م شاء الله وماف كلام يتقال قداام جمالها💘كانت جايبه هدايا لي الاعمام وشايله في يدها بوالين اخخ من منظرها وهي بتمدا الهديه لي العم اللقتو يوم داك وضحكتها وهي بتديهو البالون حرفيا انا انهبلت بجماالها بقيت بسرق نظري كل م القى فرصه واعاين ليها م عارف انا منجذب ليها بالطريقه دي لي وكانها حاجه بتخصني انا وبس ، اثناء م انا براقب فيها وفي حركاتها وتصرفتها انتبهت لي انها لابسه دبله ومحبس في يدها الشمال💔لحظتها الدينا لفت ودارت بي كيف يعني هي معرسه! بقيت متوتر وماشي وجااي وقلبي بدق بسرعه م طبيعيه وما كنت فاهم شي طيب اذا هي معرسه ليه انا م كنت عارف ، طب راجلها وين! ولي انا هسي اتضايقت! ، طيب انا مش خاطب وعرسي ح يكون قريب ليه بفكر فيها هي بدل براءه خطيبتي ، م صااح مني اعاين ليها وافكر فيها بالطريقه دي المفروض اني انبسط ليها اخخ ليه جااطت كده وفجاة بقيت م فاهم شي من عرفت انها معرسه لا يعني حتى اذا هي كانت م معرسه اكيد كان ح يجي يوم وتعرس انا المضايقني شنو ، فضلت باقي اليوم ده كلو متحير كده لحد م خلصنا شغل وكنا انا وهي اخر ناس كنت حاابب اسالها من قصة زوجها فخليت فكره اني أوصلها حجه كان افتح معاها الموضوع ، طول الطريق بحاول اتجرئ واسالها بس م قاادر م عارف لي ، افكاري كانت مشتته والزاد تشتها انو شارع بيتها مالوف على كاني جيت بيهو كتتتيرر الشارع ده بس م متذكر متين وحتى لمن وقفنا قدام البيت حسيت اني جيتو قبل كده ، ولمن قلت ليها اني جيت بالشارع ده قبل كده حسيتها اتوترت واتخلطبت لدرجه انها نزلت بسرعه ونست تلفونها وانا م ركزت معاهو الا لمن مشيت شويه وهو رنا رجعت بيتها ودقيت الباب فتحت لي وكانت لابسه لبس قصير من شافتني قفلت الباب في وشي ، ردت فعلها كانت عااديه لاني انا زاتي اتلخطبت لمن شفتها كده فما بالكم هي بتكون كيف ، تاني رجعت فتحتو وطلعت راسها بس منظرها كان بضحك حاولت امسك ضحكتي وم اضحك قدامها ، قلت ليها انا اسف م كان قصدي ارجع بس انتي نسيتي تلفونك في العربيه خطفتو من يدي وقفلت الباب بدون م ترد لي حتى رجعت بيتنا وانا بفكر ومنظرها بالفستان ابا يفارق بالي ابدا ، في قلبي قلت انا لو فضلت اتعامل معاها كده ح اتعلق فيها وانا م ناقص كفايه انها معرسه واكيد هي بتحب راجلها ، طب دوري شنو في حياتها غير اني مديرها وبس لازم من الليله اتعامل معاها كمدير وم اتعدى الحدود دي ابدا حتى ولو كان غصب عني💔.....
_احببتك بلا تردد بلا تفكير واخترتك لأنك الجزء الذي يريده قلبي❤️❤️.
اشوفكم❤️.
