وتاني م حسيت الا بكف على وشي💔عاينت لي يوسف بي استغراب نظام معقوله رفعت يدك على💔! ، قال لي م تعلي صوتك دا وانتي بتتكلمي معاي قلت ليهو ح اعليهو وكل مره كماان يا يوسف اخر م اتوصلت ليهو انك ترفع يدك علي! ولا عشان واحده كذاابهه! انت عارف هي عملت شنو! دي كانت ح تقتل امك يا بني ادم لكن شنو معليش عاذراااك انت الحب عمى على عيونك وبقيت م بتشوف معاملتها الزفت مع امك💔وبعدين مش دي براءه الضربتني عشااانها كف خليها تضوي ليك وتنفعك يا حضرة الضابط يوسف وم بتمنى بجي يوم وواقاابل خلقتك دي مره تانيه بعد اللحظه دي وورقتي تصلني وفي اقرب وقت كماان وغير كده م بينا حاجه👍ومشيت لبست عبااتي وطلعت الوقت كان بي المساء كده ، اجرت على امجاد ومشيت بيت ناس حبوبه وطول الطريق انا بس ببكي وبتذكر لحظه اداني كف💔معقوله انا هنت عليهو لي الدرجه دي! وبقيت م مهمه عندو💔!لمن وصلنا نزلت وكنت ماشه يالله وشايله حيلي بالعافيه وجسمي كلو برجف دقيت الباب فتحت لي رزان طبعا من شافتني اتخلعت وقالت لي ميامن كر على مالك عامله كده! ، ميامن انتي كويسه! قلت ليها لا يا رزان انا م كويسه خالص😭💔قالت لي بسم الله مالك!💔قلت ليها انا مخنوقه شددديد قالت لي يا ساتر طب تعالي ادخلي وبنتفاااهم جوا ، دخلتني وتكلتني لحدي الغرفه حبوبه وجدو كانو مااافشين مشو عرس في البلد ، ومهاد برضو نفس الشي من شافتني اتخلعت وقالت لي ميامن لي شكلك عامل كده! ميامن انتي كوويسه! رزان قالت لي ورينا في شنو! ولي دموعك ناازله بالطريقه الهستريهه دي! في زول زعلك! قلت ليهم يوسف😭💔رزان قالت لي مالو😳!حكيت ليهم كل القصه ، رزان قالت لي شوف التاافهه القليله ادب دي دايره ليها علقه نضيفه يا ميامن👊قلت ليها ممكن اتوقعع منها اي حاجه زي دي لكن يوسف يا رزان يوسف بقى بحبها وم بحبني وم صدقني وصدقها هي واداني كف عشاانها اتخيلي😭💔قالت لي هو كمان ببالغ التاني لكن عارفه شنو الغلط غلطك انتي لانك من البدايه عرستيها ليهو قلت ليها انا افتكرت انها اتغيرت وانها بالجدد مريضه شنو العرفني انها ممكن تكون بتكذب في موضوع زي دا😭💔مهاد قالت لي البااطله تصبر لي كان م وريتها نجوم الظهر يبقى م اسمي مهاد👊وقامت ماشه قلت ليها انتي ماشه وين هسي😭!قالت لي ماشهه اربيها وارجع ليها الكف الاخدتيهو كفين واشوف يوسف ده موضوعو شنو! رزان خليك معاها انا م بتااخر بس اربي الباطله دي واجي ، رزان قالت ليها حاضر لكن م تنسنى اكفتيها كف مني ووريها الطفى النور منو👊قالت ليها م تخاافي م ح اقصر معاها وطلعت فضلت خاايفه عليهاا وبقيت منتظراها ترجع.....
_______________________________________
بعد م ميامن طلعت مسكت براءه وهديتها لانها كانت بتبكي ، اثناء م انا بهدي فيها كده الباب اتفتح وبقوه كمان كانت دي مهاد ، من دخلت البيت طوالي جات على جهتنا ولمن وصلت وقفت قدامنا ولصقت لبراءه كف انا لمن حسيت انو خدها انتهى ، قلت ليها مهاد دا شنو! م ردت علي بس تاني ادتها كف أحرا من الاول ، هنا انا وقفتها وقلت ليها هيي انتي كيف ترفعي يدك على مرتي وتضربيها قالت لي زي م انت رفعت يدك على اختي وضربتها يا باشا! يوسف معقوله ده انت!! ضميرك لسه صااحي بعد العملتو!! على فكره الضربتها دي نفسها ميامن الكنت بتموت على التراب اللي هي بتمشي عليهو ، حاليا م عارفه اقول ليك شنو بس سقطت من نظري يا يوسف م كنت بتمنى يجي يوم وتنفصل انت وميامن بس بعد العملتو الليله خليتيني اكرهك واتمنى انك تتطلقها ، م كنت قادر ارد على ولا كلمه من كلامها ، قالت لي وبعدين جااي تصدق دي! وادتها كف تالت وتابعت كلامها وقالت لي وتكذب اختي! اخخ يا يوسف انت م عارف الفجوه العملتها في قلب ميامن الليله تجااهك شنو ربنا يسامحك بس💔وأما انتي يا الباطله ومسكتها من شعرها وقالت ليها انتي حساابك عندي وصدقيني ح اخليك تندمي لانك خربتي بيت اختى يا تاافهه وانتي عارفه ح اندمك كيف! بالدعاء ح ادعي انك تتعذبي طول م انتي عايشها وربنا يااخد لي اختي حقها منك وتموتي بنفس المرض الانتي هسي قاعده تتدعي انو عندك ولانو دعوه المظلوم مستجاابهه ربنا ح يبتليك واتذكري كلامي ده كويس ورمتها وطلعت ، براءه بعد طلعت قالت لي يوسف😭💔قلت ليها م تبكي حبييي انا بكره ح اتصرف معاهم وح ارجع ليها كل كف اخدتيهو قالت لي هم ظلموني قلت ليها انا عارف ، ضميتها مسافهه وبعدها قلت ليها براءه قالت لي نعم قلت ليها هي لي قالت انك م مريضه وبتدعي كدا؟! قالت لي م عارفها قالت كده ليه! قلت ليها حبييتي عايني انتي لو داسهه علي شي قوليهو لي عشان انا واثق فيك وحتى ولو كذبتي علي مره م مشكله المهم انك تعترفي عشان شنو انا اسامحك ونفضل مع بعض فاحكي اي شي انتي داسهو قالت لي بتوعدني اني لو حكيت ليك م ح تشاكلني! قلت ليها ايوا يا حيااتي😍❤️قالت لي طيب يا يوسف انا كذبت عليكم انا م مريضه بالكانسر ولا حاجه قلت ليها يعني انتي كويسه! قالت لي ايوا قلت ليها اخخ الحمد لله بس ليه كذبتي! قالت لي كلو عشان اتزوجك ، يوسف انا بحبكك من زماان بس ميااامن جات واخدتك مني في البدايه كنت عاوزه اكتبها بس عشان اتزوجك شفت انا بحبك كيف!لكن بعدين قلت احسن اثر عليها من اكتبها ويااهو كذبت عليها وخليتها تسمعني عمدا لمن عملت نفسي بتكلم بالتلفون وقلت اني مريضه ونفسي اجيب بييي منك قبل م اموت وانها ظلمتني وبتااع قلت ليها يعني عشان كده هي كانت بتبكي اليوم داك وبتقول انها ظلمتك! قالت لي ايي قلت ليها وانتي عملتي ده كلو عشاني!! قالت لي ايوا يا بييب شوف انا بحبك قدر شنو قلت ليها فعلا ماف زول بحبنى زيك ، حضتني وقالت لي م مصدقه انك م متضايق لاني كذبت عليك واتقبلتني بالسرعه دي قلت ليها كان لازم اعمل كده ، سكت شويه وقلت ليها براءه قالت لي عيونها قلت ليها انتي طالق ، طالق ، طالق بالتلاته ورميتها مني في الارض وجيت انا زاتي اديتها كف ، قلت ليها ده عشان فكرتي انك تدخلي حياتنا👊اديتها التاني وقلت ليها ده عشان خليتي ميامن تسمعك عمدا ، واما التالت ده عشان اثرتي عليها ، واما الرابع عشان اتزوجتيني👊والخامس عشان انا عملت نفسي مصدقك وقلت اني بديت احبك والسادس عشان اي لحظه يدي لمستك فيها👊والسابع عشان اهملت ميامن وعملت نفسي مهتمي بيك انتي والتامن عشان انا والليله لاول مره ارفع يدي على مياااامنن👊💔💔اخخ تعبت من تمثيلة اني بقيت بحبك ونسيت ميااامن ، عارفه انا م عملت كده الا عشان اكشفك يا واطيه ، من البدايه كنت عارف انك كذاابه لانو الحاجات الحصلت كلها م بتدخل العقل ولمن جيت سالت امي وهي قالت لي انك فعلا مريضه عرفت انو هي برضو كذاابه عارفه لي!! عشان هي بتحبك وممكن عاادي تكذب عشانك ، كنت فاااهم اللعبه واستمريت في التمثيل وتتذكري اول مره انا حضنتك فيها وعملت نفسي متعاطف معااك يااخ م تصدقي انا اللحظه ديك كنت قرفاااان كيف💔ولمن بستك في المطبخ انتي عارفه انا عملت كده ليه! بس عشان انتي تثقي فيني وتخليني اكشفك قدااام ميامن💔اخخ اليوم داك انا م نمت من كميه القرف الكنت حااسي بيهو💔لغايه اللحظه دي بحمد ربنا لاني م اضريت وانا بمثل اني المسك ويحصل بينا شي و ولو لاحظتي لي كل م تجي تقربي مني عشان يحصل بينا شي انا كنت بتحجج وبقول ليك اصبري علي كلو بس عشان انا لو كان حصل بينا شي م كنت سااامحت نفسي ابدا ابدا ، اخخ ميامن الانا م برضى فيها اقل شي الليله انا وبذاات نفسي ضربتها كف💔بتمنى لو يدي اتقطعت قبل ما اعمل كده ، وده كلو كان تمثليه لكن هي مفتكره انو حقيقه ومفتكره اني ممكن انسااها بسهوله بس ميامن دي حتى وانا فاااقد ذااكره حبييتها من اول وجديدد بدون م اعرف انو هي مرتي تتوقعي ممكن يجي يوم وانسااها!! او احب واحده غيرها! استحاله يجي اليوم دا ، ميامن حياااتي انا بدونها ولا شي ، هي الهوا الانا بتنفسو ، كل الفتره الفااتت دي كنت بتمنى انو التمثليه دي م تتطول عشان انا م قادر استحمل بعدها مني بس انتي لازم كل مره تعملي لي دراما💔وبسببك انتي انا فضلت اخليها تبيت في البيت براها وانا افضل طول الليل بعااين ليها بي الكاميرات وم اقدر اكون جنبها💔ميامن انا م كنت بتحمل فيها مجرد حمه خفيفه امبارح لمن كانت عيااانه م اشتغلت بيها💔يمكن هي م كانت حاسه بس بعد انتي نمتي انا مشيت وفضلت طول الليل بعاين وبقرا ليها في قران واول م الواطه اصبحت جيت الغرفه وعملت نفسي ناايم ، انا كيف ح اقدر اعاين في وشها بعد العملتو واديتها كف كلو بسببك وتفيت في وشها قالت لي يعني ده كلو وانت كنت بتمثل علي😭💔! قلت ليها تتوقعي اني ممكن احب واحده غير ميامن! الا يكون في احلامك بس! قالت لي وليه عملت كده😭! قلت ليها عشان اكشفك قداام ميامن يا تافهه بس الحمد لله انها قبيل عرفت حقيقتك برااها ، لكن يا براءه انا لو جا يوم وميامن دي اتغيرت فيهو علي ولو شويه بس وعرفت انك كااتبااها صدقيني ح اوديك ورا الشمس واقتلك في لحظتها ، وانا برضو مثلت عشان اعرف خططتك الح تعمليها لميامن واهو عرفت وزي م قلت ليها ميامن م تقربيها وايااااك تحاولي تعملي حاجهه تإذيها لاني وقتها ح اتصرف معاك وانا مغمض وم عارف ممكن اعمل فيك ايه! فشنو ميامن دي لو لقتك يوم في شااارع بالغلط سااي انتي غيريهو سامعه👊!! ،ميامن خطططط اخمر وبالتخطى الخط ده م ح يفضل عاايش كتتتير😡👊؟؟!وامشي واجي رااجع م القاك هنا وتاني م عايز المحكك في وشي نهائي واياااك تحاولي تظهري قداامي لاني ممكن اموتك ، خليتها وفت على بيت ناس ميامن ، وطول الطريق بسب لنفسي عشان زعلتها💔.....
________________________________________
كنا قاعدين انا ورزان ومنتظرين مهاد تجي ، اها لمن هي جات ورتنا بالعملتو مع براءه وكده ، رزان قالت ليها م قصرتي تب عفيت منك مهاد قالت ليها تصبر لي دي البدايهه بس لسه الراجيها كتتتير ، فضلو معااي هم الاتنين وبحاول يغيرو لي المود بتااعي ويصبروني ، اها الباب ضرب ومهاد مشت تفتحو لكن عدت حكايه نص ساعهه وهي م جات راجعه ، قلت لي رزان م كانو مهاد دي اتاخرت! قالت لي ايي والله كدي امشي اشوفها قلت ليها سمح ، طلعت بره وبرضها اتاخرت ، فجاه سمعت صوت يوسف وهو بتناقش معاهم لحظتها انا قلبي قال شححح ودموعي جات جااريه ، تاني سمعت مهاد بتقول ليهو ده كلو حصل! قال ليها ايوا للاسف انا كنت متضر امثل عليها وعلى ميامن💔 شويه وسمعت صوت خطواتو وهو جااي تجااه الغرفه ، جا داخل ومن شافني راقده طوالي جا على وقال لي ميامن💔م رديت عليهو كان داير يمسكني من يدي كده بس انا جريتها ، قال لي عارف انك زعلانه ومتضايقهه مني شدددديد وليك حق كمااان بس صدقيني انا عملت كل ده عشااانك وعشان نرجع زي زمااان وبراءه تتطلع من حياتنا وم حبييت اوريك لانو كده ح اذيكك وانتي كنتي عااطفيه شددديد معاها وانا لو كان كلمتك بي خططتي م كان صدقتي وقلتي انو هي فعلا مريضه بس صديقني انا كنت مغصوب اعمل كده وابين اني حبيتها ونسيتك بس عشان هي تثق فيني وتتعترف لي واعرف هي قاعده تخطط لشنو ، ميامن انا بحبكك انتي بس وكلمتك مليون مره وقلت ليها م عاايز غيرك لكن انتي اصريتي اني اعرسها وانا بس عشان اكشفها قدامك واوريك انك م ظلمتيها وهي كذابهه مثلت قلت ليهو يوسف انا شفتك بعيني بتوبسها😭💔انت متخيل معااي المنظر؟؟؟!حتى ولو كنت بتمثل بس كونك قربت عليها وبوستها دي حاجهه حقيقه وم تمثيل😭💔قال لي مش كان اهون علي اني ابوسها من اني المسها ويحصل بينا شي! ، ميامن انا عملت كده عشان اخليها ثق فيني ثقه عميه واقدر اكشفها في اسرع وقت والله العظيمم😭💔قلت ليهو يوسف العملتو م بتفغر قال لي انتي بس اديني فرصه ابرر ليك اكتر وحيااتك عندي يا ميامن انا عمري م حبييت واحده غيرك قلت ليهو يوسف انا م قادره انسى منظرك وانت قريب منها وم اعتقد انو انسااهو ، يوسف طلقني......
_يورقني ليل لا أنام فيه من فرط التفكير ، حمامة على نافذتي تسجع ببأغاني الحنين وقمر يضئ عتمتي لكنه تناسى جاهداً قلبي المعتم💔❤️.
اشوفكم❤️.
